影片
营业时间
今日营业
06:30 - 02:00
星期一至日
06:30 - 02:00
以上资料只供参考，请与餐厅确认详情
今晚去左坑口同人交收，谂住食埋晚饭先返屋企，行下行下见到有间元朗冰室，要排队拎飞，好似好受街坊欢迎，应该都唔会差得去边☺️☺️呢到地方好大，所以座位都好阔落，我地坐低之后叫左焗猪扒饭、XO酱扬洲炒饭、笼仔荷叶北菇蒸鸡饭、奶油脆猪❤️🔸焗猪扒饭除左叫元朗冰室之外，仲系猪扒专门店，咁一定要试下猪扒类既菜式，猪扒厚切但唔鞋，食落啖啖肉劲正，仲要面头铺满我最爱既芝士🔸XO酱杨洲炒饭杨洲炒饭好有镬气，炒得好干身，粒粒分明，加埋XO酱令个味道再升华🔸笼仔荷叶北菇蒸鸡饭笼仔蒸饭好重荷叶香味，劲多冬菇同鸡，而且啲鸡肉又够嫩滑，蒸得岩岩好🔸奶油脆猪呢个黎到都应该系必点，超脆超有牛油香味，加埋炼奶劲邪恶，我地当左饭后甜品咁食📍元朗冰室(各区)
继续阅读
昨晚去红馆看完演唱会，搭巴士回坑口已经12点半多，培城路下巴士，右转直行去TKO gateway元朗冰室，因冰室凌晨两点才休息👏👏，2人宵夜就叫了两碗粉面食，一碗肥牛乌冬，一碗云吞米加肉丸。米粉是银丝幼米粉，好合我口味😋😋，云吞够大粒，像普通云吞面店一样有鲜虾有肉，味道唔错，好难得有肉丸食，肉丸也OK。肥牛乌冬，也好大碗肥牛多多👍。下去宵夜都一定再去帮衬。
继续阅读
每间冰室有唔同嘅特色，我钟意元朗冰室嘅猪仔包同埋大大块猪扒包。🍚2人小菜套餐相堂抵食，仲送油菜！我哋点咗胡椒猪肚鸡 + 豉汁蒸䲝鱼，送灼蚝油菜心，仲有饮品。䲝鱼都算大条，胡椒猪肚鸡都做得唔错。胡椒味浓，肉多料多。🍗‼️厚猪扒配魔鬼酱脆猪包‼️重点必吃！拎上手超有份量，咬落去啖啖肉，猪扒煎得刚刚好，肉质比较软滑。🩵奶油脆猪牛油同炼奶嘅完美配搭，包焗得香脆，又大块好满足。🩵沙爹金菇肥牛炒乌冬沙嗲肥牛，除咗配汤面，炒乌冬原来都OK。乌冬每一条都索晒沙嗲汁，够味又唔会咸。仲有禾味烧BB鸽同三杯饮品，三人份量劲食超饱。
继续阅读
一向都知道元朗冰室啲猪扒系出名，今日心思思想食下厚切猪扒，一于同同事收工一齐食～叫咗个司华力肠厚切猪扒饭，个猪扒真系冇令我哋失望，大过我块脸/手！睇落去个样冇乜调味，但系食落好滋味，肉汁锁住咗喺入面，相信煎嘅时候都系要有啲技术，完全唔会觉得系「实的的」𠮶种肉质！司华力肠脆卜卜，点埋佢附上嘅豉油，邪恶得来抗拒唔到！然后再嗌咗一个地狱汤嘅叉烧乌冬，佢嘅乌冬质地唔似平时茶餐厅𠮶种，似系有咬口嘅赞岐乌冬，估唔到呢个价钱都可以食到近似日式嘅乌冬汤面！然后我哋都觉得需要嗌个菜食吓就嗌咗个蒜炒菜心，始终都系出名既茶餐厅一定有返个水准嘅！我哋两个都可以清得晒～最后我哋仲嗌咗一个奶油猪，完全冇谂过系咁大块！非常之脆口配搭咗牛油同炼奶嘅甜味！如果唔系食到咁饱，都想再叫外卖带走！最尾我哋两个食咗只系204蚊…好满足！值得一赞元朗冰室，环境好新净，而且侍应叔叔友善有礼，我见到佢嘅时间居然系凌晨2:30先收工！我同同事都觉得一定会再食！🍽 元朗冰室📌 将军澳坑口常宁路2号TKO Gateway西翼地下W015&W016号舖☎️ 3709 2155⏰ 星期一至日 06:30 - 02:30 #香港必吃五cm厚猪扒 #厚猪扒 #香港探店 #将军澳美食 #香港冰室 #香港美食 #奶油猪 #港飘必吃
继续阅读
今日一班人去咗元朗冰室食嘢，刚刚接近下午6时。6时前有下午茶餐，6时后有晚餐。叫咗好多嘢share 食。先叫了几个下午茶餐：沙嗲牛肉面好出色，牛肉够多，欣赏佢手机自助点餐都很多选项，配合返自己口味。鸡翼沙律啲沙律好清新，有苹果甘笋。大推奶油脆猪，上枱大家哗一声，超大件，Size同个焗猪扒饭咁大，仲要好香脆，大家争住食。招牌厚猪扒当然要试，叫了一个焗猪扒饭一个double 猪扒饭，猪扒真的又大件又厚，完全不会嚡，味道也刚好。一到六点叫埋个小菜套餐share，京都肉排酸酸甜甜好送饭。牛柳粒好惹味，二人餐仲有碟青菜送，我们选了菜芯走蚝油，菜很新鲜。值得一提他们的米饭，很好吃，不是每家茶餐厅的饭都好吃，这边的又大碗又香饭味。最后仲加咗只乳鸽，估唔到冰室都有乳鸽食，仲要几出色。皮脆肉嫩。总结：茶餐劲抵食，大推奶油猪同猪扒。小菜选择多，套餐性价比高。
继续阅读
您可能会有兴趣的...