影片
午市突然想食川菜，于是系商场拣咗呢间餐厅食。先前其实都已经食过一次，呢次再试其他菜式水煮牛肉牛肉用上滑牛，非常嫩滑入味，当然有一两块系正中筋部，咬唔开啦。个水煮汁都非常到位，有麻、辣、香，油份已经比正宗嘅减少咗，我都放心拌饭吃上海粗炒大大碟，热辣辣，新鲜上枱够镬气，同时配菜嘅椰菜同甘笋都好足料丰富回锅肉炒年糕轻微辣劲，令人一试上瘾！年糕唔会炒得好油腻、或者黏埋几块一齐，而系好平均咁散开上海炒年糕感觉而系改良版，油份少，酱油眼见未到超深色，入口调味亦系适中，冇咗「浓油赤酱」嘅特色，换来比较健康清淡口味服务方面应该有提升改善空间，全场入座率不到一半，侍应安排一个超级风口位兼搭枱位置，我一家四口坐咗几分钟就同侍应提出调枱，虽然佢地冇比负面脸色或言语，但系就话潮湿所以开大冷气？其实只要用个干地拖扫两扫就完成嘅事，虽然浪费冷气吗？亦明知风口兼搭枱位置又冇爆场都要人地坐？
继续阅读
谂住试下佢啲午餐叫咗牛肉香锅口水鸡同排骨担担面，只可以讲非常之难食，同平时食开嘅牛肉香锅同排骨担担面冇得比。香锅啲牛肉好明显系啲雪藏肥牛又韧又骚食咗两嚿已经唔想再食，配料煮过龙好难入口。排骨担担面啲排骨调味非常之怪食完好口渴个汤好咸。总之全餐食完之后直情想扣喉。餐厅环境尚算可以接受啦，服务都冇问题正常qr code点餐。价钱唔算贵都系六十几蚊一个餐冇加一，不过可惜质素实在太差以后都唔会再帮衬。实在太难食冇办法唔写个差评畀佢
继续阅读
叫两个餐，一个好快到，我朋友都就快食完，都仲未见到我个餐到，催单先发现漏单，又话要等2-3分钟，最后都要等成8分钟先到，口水鸡+$38劲贵，水果茶+$30不如系隔离买一杯，根本唔系优惠，scan QR Code落单，都唔明佢凭咩收加一，漏单净系一句「唔好意思啰」就算！又无送多个小菜，又无俾返个折嚟，真系都唔知个加一加啲乜？仲话门口咪写明加一啰！睇返呢度嘅留言先知原来佢哋态度差唔系第一次！食物真系非常一般，唔值咁贵！下次都系睇清楚食评先好帮衬食到一肚火！
继续阅读
今日来新都城，顺便在此商场晚餐。 看到店门一人餐，款式吸引，就座落单后，慢慢等美食来到。凉拌莴笋丝 首次遇上圆柱体莴笋。清爽口感有麻油香，但不觉得辣。酸菜鱼 鱼肉就是火锅系列常用的黑鱼片，保证滑溜无骨。 汤底酸度和辣度适中，单喝一口也很美味。但我更希望有更多的花椒和辣椒。 豆卜吸尽汤汤精华，汤里也有莴笋丝和宽粉条。糖醋排骨 每件肉粒都带骨，肉质纤维比骨头短，全部以肉为主，肥膏少，肉质实在但容易咬。糖醋汁酸度正常不突兀，易入口，配白饭一流。奶茶 此店主打酸菜鱼，奶茶～～唔想讲。
继续阅读
平日放假都会专登搭车去食的午市套餐，因为选择多，价钱合理，套餐有饮品亦可以优惠价加配小食浅尝浅尝。餐牌一人餐选择何其多，花多眼乱，但我首选至爱麻辣牛肉干锅，食了不同店舖最爱此间。午市套餐绝不敷衍了事，卖相非常吸引，味道正合心意，而附有的饮品种类繁多，打开手机点菜有多版让君选择，见到都已大大满足，未能全拍，自己来慢慢挑选吧！因为我现在要快快点餐医肚。我最欣赏这餐厅就算好不好辣也可一同用餐，喜欢饭或面也不需迁就，各取所好👍。食饱饭仲可以于商场闲逛，超市、百货、靓衫、玩具、书店……🧐一阵要购个物振兴经济先，真是一个很好的饭后运动，运动完再去食多杯雪糕奖励自己，咁又可玩足半日，车费系唔会蚀的，满载而归。
继续阅读