優點點心專門店

和朋友在銅鑼灣看完戲，剛好是午飯的時間就打算找間餐廳。突然想吃點心，於是朋友便帶我來到這間 優點點心專門店。之前在附近路過時都有見過，但說到吃的話今次還是第一次呢。店舖不大，座位會比較迫一點。午飯時間不止有本地人，還有不少外國人。茶芥每位 HKD8，落單的話畫點心紙就可以囉。小點 HKD30，都有一些像套餐優惠的配搭。蟹子滑燒賣 (HKD35) & 優點蝦餃皇 (HKD 40)幾彈牙的燒賣，點心夠熱很滋味。蝦都幾大隻且鮮甜，蝦餃亦頗大粒。香茜叉燒腸 (HKD 35)香茜的味道不算太突出，不過腸粉都夠滑順。芝士蝦春卷 (HKD 35) 炸得頗金黃酥脆，就有一條炸得稍為燶了點。蜜汁叉燒包 (HKD 30)内餡甜甜的不錯，包子也鬆軟。但味中不足是包的底下濕了Orz…查看更多

夜晚無端端同朋友想食點心於是揀咗呢間銅鑼灣點心舖八點幾去食入面唔多人唔使排隊🤓望落價錢有少少貴叫咗一個鳳爪排骨飯肉都算多㗎🤓係啲飯有少少淋 overall都叫ok跟住叫咗籠燒賣🤓其實就係正正常常😂無乜特別如果要講優點就係出點心出得好快你肚餓嘅話好快就有得食😆…查看更多

一個人見CWB 周圍都係人，阿姐話入面有位，見門口大大隻字話點心孖寶，就入左去。點心紙寫個價錢係底，好難搵架。價錢係高級洒樓價。話即叫即蒸，事實係蒸咗好耐蒸到啲點心皮都爛。鳳爪好大陣雪味。環境同食物質素比屋村酒樓仲要差。見好多內地遊客被昆。 只怪自己冇睇comment 先入去。…查看更多

一個人悶悶地，又不想吃西式早餐；於是走進這間點心專門店。喜愛喝茶的我，先來一壺普洱，選了鮮竹卷與叉燒腸粉。鮮竹卷十分熱燙且足料，覺得不錯。叉燒腸就有點失色皮比較厚。喜歡一盅兩件，又不想去茶樓，快閃歎點心還可以。…查看更多

前排諗住食粥就是旦去咗呢一間點心專門店，其實真係有少少中伏，啲嘢食真係一般般，個粥真係好似連米都冇咁，我覺得個價錢又比較貴，可能因為地段問題，我唯有下次唔好再去食。今次食咗鮮竹牛肉球、鳳爪、鳳爪排骨飯、皮蛋瘦肉粥、香芒凍布甸、白灼唐生菜、豆漿、燒賣，呢個價錢其實去隔離餐廳有大把選擇，下次真係唔好貪方便！食海皇算la….食物相自己睇，呢間嘢其實就都幾多嘢食，幾多選擇，不過我都唔敢試喇！Ps:你睇個皮蛋瘦肉粥幾細碗！我唔係食到一半影㗎😅味道更加唔係好好啦！仲唔係好熱㖭啊！…查看更多

呢間鋪頭啲嘢食都唔平，環境唔係太好，地方又窄，嘢食就比平時出面酒樓食開的點心難食少少，有得選都唔好來，不過就勝在方便，快快趣就有得食，而且食物選擇都唔算少，我一路以來都唔太喜歡這間嘢，不過有時真係好想飲茶（想食粥），又趕時間都會去食。…查看更多

晚上9點，銅鑼灣已無太選擇，只有怡和街的麥當勞及後面的麵檔、點心店。想低消費而有飯落肚嘅只能到點心店嗌個排骨飯。到店坐低，先上壺「茶」比你洗餐具，然後我點了「鳳爪排骨飯」和「絲網蝦春卷」，盛惠$40/$35，相比其他點心店貴，但考慮地點都了解，只希望質素能相對正常一點。點知中伏嘅過程開始。我洗完碗，斟咗杯「茶」，飲落無味，以為佢比咗壺大排檔嗰啲洗碗用嘅茶葉我，於是問店員可否換壺水仙。點知店員用質疑態度話我：靚仔～呢壺咪水仙囉，鐵觀音咪即係水仙囉，我哋無其他茶㗎啦～聽完我心諗：ok，或者係啲茶未浸出味。10分鐘後，再斟一杯，照樣無味。嗰下我真係XXXX。首先，鬼唔知水仙係鐵觀音咩，叫法嚟㗎咋，然後呢壺淡如水嘅「茶」話係鐵觀音？重要收我$8茶芥？然後到點心，「排骨飯」無咩特別，不過不失。點知個所謂「絲網蝦春卷」上到嚟我真係O咗嘴，完全同我幻想唔同：碟嘢邊到絲？學大王話：絲？邊X到絲啊，睇過。呢三碌嘢只能夠講係「春卷」，因為佢細碌到我連入面有無蝦都唔知，重衰過買現成嘅炸返出嚟賣，重要我比成$35？？最後，只能夠講今次衰在食之前無做Research，無上Open Rice睇食評，原來咁多人中伏，破壞囇我嘅晚餐。而我本身好少打食評，莫講話打咁長，但真心唔想其他人中伏。坐低時，眼見佢人流都有，但大多數外國人。或者佢哋嘅食物可以應付到少食點心嘅外國人，但華人？Absolutely Not!!無咩事下次都係食麥當勞，始終質素有保證。…查看更多

在渣甸街這間店內，看到紅豆糖水堂內28元，進去，沒有，有綠豆海帶糖水，一樣價錢，食完，付款才知道另外要收茶錢八元。連茶杯都欠奉，更不說見茶。責問店員,剛才為何不說，飲糖水亦都要收茶錢？店員指著點心紙底部上的小字說，這裡已經有說收茶錢⋯哦原來是你的不是，令我想起斤變兩的故事⋯…查看更多

銅鑼灣點心鋪應該得依間平時太多選擇唔會揀佢打風仲有開就入去試下靚仔 比例好 鐘意會俾粒冬菇個樣頹到你話俾人食過我都信啲飯好多蒸完嘅血水 劣雪山叉燒包依個又幾好味 焗得好脆又衰唔晒…查看更多

前日兩個人行經渣甸街見到依間貎似平民快餐店嘅點心舖，由於趕時間，即管入去食個quick lunch地方簡陋，點心選擇唔多又冇特色，啲夥計又冇禮貌，顧住傾偈都唔得閒睬你！茶葉冇得俾你揀，只係俾一壺好深色嘅茶～好似大排檔咁，已經唔係好開胃，於是求其叫咗幾個點心丶一盅飯丶一個甜品同一個湯，埋單先知原來個淡如水嘅湯要$58，個布甸$31，平均啲點心要$36至$48，埋單盛惠$360，同我平時去開嘅利苑丶翠苑價錢相差無幾，價錢同品質根本唔成正比，做一次老襯就夠了！😬😰😡…查看更多

銅鑼灣平民價嘆好食點心 - 優點點心專門店係港島銅鑼灣市中心，夜晚想搵一D地方有得飲茶其實都唔易，何況嘴饞既我仲要求係以平民價錢食到米芝蓮既感覺 ! 朋友話以前呢度都曾經仲有間點心皇，但而家連呢間老字號都已經講左再見不過好彩皇天不負有心人，係地鐵站唔遠既地方，又俾我地見到有一間點心店排哂長龍係度等拎點心外賣，咁我同朋友緊係唔放過呢個機會去試下啦講返間食店，當日去到店內都唔係坐滿客，大多都係拎外賣係出面食既。咁我同朋友就坐其中一張台近窗邊可以睇風景。開頭我地都仲未坐落嚟，店員見我地入店已經歡迎定我地問我地開咩茶，待應都算醒目勤快，而且都好中意同食客傾計，幾友善。未叫食物之前，都以為係銅鑼灣呢個食野貴價區，食野係好貴既，點知望下價錢同一D舊區差唔多咋 ! 講返食物先，以下係我地今次點選既食物：牛肉球﹑粉果﹑差燒包﹑燒賣﹑蝦餃﹑鳳爪排骨飯。最好果樣係牛肉球，大大粒又食得出牛味。最過唔到我既係潮州粉果，皮太厚，仲有D蒸耐左，已經好「淋」同埋無咩味了，呢個要改善下，但都算足料，大大粒 ! 其他果D一般般就唔特別講啦，最後提一提大家呢度係會收加一服務費架，而且係無優惠時段，只有外賣有折咋。優點點心專門店地址 : 銅鑼灣渣甸街35號地下電話 : 23255010營業時間 : 星期一至日  07:00 - 18:00 (疫情期間，去之前打個電話去確認一下營業時間先呀~)…查看更多

居然要30一個中點（腸粉），說是牛肉腸叉燒包一股奇怪的味道，然後米飯很硬。去茶樓吃划算多了。餐廳環境很普通，還有就是服務態度差，無意中經過想吃點心，真的很後悔進去吃！…查看更多

想食點心醒起銅鑼灣呢到有間 weekend下午茶時間黎到得一枱客蟹子滑燒賣(中) 鮮竹牛肉球(中) 上湯鮮竹卷(中) 蜜汁叉燒包(小) 香茜叉燒腸(中) 極品灌湯餃(特)茶$3 小點$21 中點$26 大點$30 特點$35 竟然冇煎釀尖椒 好失望點心不過不失 香茜叉燒腸無麥莞茜味 燒賣比較細粒灌湯餃即叫即整 等到差唔多食完先有 幾好食環境衛生比較差 D碗碟油林林 要認真洗洗如果1-2個人唔想去酒樓可以黎呢到食下既 或者外賣蒸飯個d好似幾抵食…查看更多

依間外賣點心小食，其實都幫襯咗好多年，不過由於之前都係偏貴，所以我淨係會買炸雲吞($3X)俾我媽咪食㗎啫，因為佢哋係即叫即炸，我媽咪勁愛。今日見到佢嘅慳錢孖寶，於是乎我又走去再試一試。結果我幫襯左佢哋買咗一個蒸飯再加$15配左一個點心，原來佢哋外賣仲有九折添( ´▽` )ﾉ 正！所以結果盛為$45！但係我唔明條數點計，因為睇返張單，佢話蒸飯正價係$33，個鮮竹卷係$17，合共$50，再九折。佢唔係應該計我$15嘅鮮竹卷咩？點都好啦，都係爭兩蚊，豪俾佢|(￣3￣)|個鳳爪排骨蒸飯勁重手，好多飯同埋好多餸，其實我食唔晒嘅。味道OK，佢個豉汁幾好，而啲排骨都炆得幾淋。反而個鮮竹卷比較失色，因為佢裏面冇乜料㗎，不過係好大塊腐皮，份量好大。…查看更多

今晚10點在銅鑼灣不經意走到渣甸街，同老公回家前醫吓肚，最終揀咗食點心。經過這間店好多次都未試過。由於只想輕食，快快叫了4款點心 (阿姐上菜也好快速)👍义燒腸粉: 有驚喜，皮身彈牙唔會成口粉，多料。鳳爪: 沒有染上鮮橙色素，唔會蒸到冧pat pat排骨: 冇鬆肉粉味，有肉質蘿蔔糕: 煎得夠香，有蘿蔔條唯獨茶葉唔夠味，可能下次叫阿姐加番d茶葉…查看更多