影片
相关文章
超耐冇食过伤心酸辣粉，突然又好想食辣野，同朋友来食晚饭解辣瘾～精选二人餐💰HK$152✨蒜泥白肉口感软嫩又唔油腻，味道有惊喜～✨干捞牛肚爽口惹味～✨时令油菜唯一一样唔辣嘅菜式～✨炸墨鱼饼点泰式辣酱，唔错～✨伤心酸辣粉酸辣粉口感偏淋，有埋炸菜同炸酱，味道唔错～✨重庆炸酱凉面芽菜、青瓜丝同埋炸酱面捞埋一齐，叫咗小辣都好好惹味，可惜食到最底劲多油～
继续阅读
话说系咁嘅呢酸辣粉嘅质素都系有高有低，有时候啲师傅系正宗嘅四川人重庆人嘅话呢就煮得好正宗好好食🤤有时转左厨房嘅人/师傅转左手势就冇咁好味，完全唔够辣。不过都固定同妈妈吃王皇牌二人套餐。最钟意食佢嘅就系炸花枝丸。几乎每次都系拣口水鸡。有一天解锁叫了蒜泥白肉都唔错够辣够多蒜蓉。以前他的干捞牛肚非常好食，而家就系味粉味重咗。基本上都系食凉拌海带或者土豆丝。当然也有堂食食过他的烤鱼但最抵嘅就系佢𠮶个套餐烤鱼的毛肚多。
继续阅读
超失望的酸辣粉！！！😰😰😰😰😰😰😰😰😰😰😰😰叫大辣要加钱仲要系加完系小辣嘅感觉！ ！！😡😡😡😡😡😡😡😡😡😡😡😡叫左个蒜泥白肉.个蒜系哽口！！！白灼猪肉！！！口水鸡系无味.我要求5太高，但系你俾少少盐到好同白灼鸡肉无咩分别！！！😩😩😩😩😩😩😩😩😩😩😩😩锦嘅质素仲要收我$77有啲不值😕😡😡😡😡😡😡😡😡😡😡😡😡
继续阅读
呢间伤心酸辣粉喺天水围都好多年，本人对红薯粉兴趣不大就一直无帮衬。留意到有小菜套饭就试下啦。$49一个餐听落的确系抵既，有汤有饭有𩠌仲想点？不过又咁唔好彩当晚蒸炉坏左，侍应话转饮品，呢到问题不大。我哋叫左3个餐：👉🏻葱油鸡：份量一只髀。够胆死得面头姜蓉有咸味，鸡微微咸，鸡味唔好讲啦。好彩有好多姜蓉𩠌饭啰。👉🏻炆鸭：呢个份量又系离谱，完全见唔到完整一块鸭肉，系手撕鸭咁上下。味道ok够晒咸𩠌饭啰。👉🏻手撕鸡：一堆仔鸡肉，味道谂到，份量唔多。最搞笑系加$10叫个佛跳墙，黎左半碗普通饭碗装住好似黄咖喱咁既野，听老豆讲酸酸地。乜佛跳墙系酸嘅咩😱其实$49真系唔贵，但小菜𩠌份量真系好小学鸡好寒酸，我觉得几搞笑🤪男人绝对食唔饱的。无影相，因为食完拿拿临走左～
继续阅读
三日唔埋两日我就会食伤心酸辣粉～每一碗都有足料嘅肉碎、榨菜、花生🥜，仲有一大碗嘅薯粉。每次我都会拣鸡软骨，或者辣猪肚丝，寻日就试吓食海蜇猪耳，食咁多次最钟意呢一声！ 海蜇猪耳，超够辣，味道有够，总之就系香辣而家一路写食评一路流口水啦 而我老公就系食口水鸡，佢话啲鸡唔够滑有少少鞋，但系整体都比碗薯粉加晒分！如果下次再嚟我会想再食海蜇猪耳，配一杯冻椰汁多冰！ 环境方面，昆虫都有，但小。另外职员服务态度一般每一个侍应态度都唔同🫡 不过唔紧要啦过嚟都系为咗食伤心酸辣粉😳
继续阅读