影片
上星期五晚同3个朋友去元朗食海鲜蒸锅，$268/位海鲜set加任食点心（2.5小时），估唔到有d惊喜。我地book左晚上7:00去食，入到去店内地方唔系好大，得6-8张枱，order左大约10分钟开始有得食，首先有赤虾刺身每位2只，跟住就到主菜蒸海鲜，有鲍鱼、羔蟹、圣子、生蚝、大虾、鸡件、猪颈肉、什菇、什菜⋯⋯，海鲜几新鲜，几好食，食完海鲜后未饱，可以再叫任食点心，反而依个即蒸任食点心有惊喜，吮吮包同烧卖都好好食～原来依间舖早、中市系做点心生意，唔怪得点心有d水准～～如果要晚市，最好预先订位，walk in有排等
继续阅读
迟了两个月的食评, 2月14号, 没有去食西餐, 反而同太后来了食蒸火锅, 今次系第二次来了, 都系叫268/位的海鲜餐, 粥底点了个花胶粥底, 但粥底偏咸, 我们及其他食客都有反应俾老板知(佢话会改进下.268的海鲜包括有膏蟹, 虾, 龙虾, 蚬, 圣子, 鲍鱼, 赤虾刺身, 仲有鸡, 菜, 点心等蒸.老实讲, 只系食海鲜基本己经7-8成饱, 因为佢的海鲜真系新鲜, 点少少豉油已经好好食.虫草花蒸鸡反而一般, 好似酒楼的冬菇鸡点心的水准.菜/菇系任点任食的, 食到后清下油腻都唔算.点心方面, 啜啜包系必点的, 流沙包都好好食.
继续阅读
上回讲到我们夫妇二人去左元朗船长意法日餐厅享用美味西式早餐，其实当日食完早餐后就无意中发现呢间中式点心店，所以今日就特意入去试一试入到店内，虽然地方不大，但座位尚算舒适，门口亦放了一部大电视，点餐时无意中发现星期一至五早上有八折优惠，当堂感觉超开心，我们夫妇二人点了以下点心：黄金翅头响螺汤：味道香浓及鲜甜，加上闲日早餐有八折优惠，非常超值鲜虾菜苗饺：内馅足料，味道唔错木鱼花萝卜丝肠粉：内馅鲜甜萝卜丝估计先用脆皮包著，再用肠粉皮包住萝卜丝，最后面头洒上木鱼花，配上酱油享用非常美味，值得推介冬阴公鲜竹卷：冬阴公汤底应该纯粹用泰式冬阴公酱烹调而成，鲜竹卷内馅味道一般，整体黎讲味道尚可接受紫菜百花寿司卷：虽然口感外脆内软，不过味道一般虫草花蒸排骨：虫草花清香，配嫩滑可口排骨，正海鲜菇牛肉饭（细）：味道普通吮吮包：味道比较浓郁，可以一试
继续阅读
之前老婆大人上网见到元朗有间小店食大大只小笼包，于是我地又去做揾食饭团。其实食唔出紫薯味，好在味道不是太甜。一见到个卖相就知系麻辣版嘅粉果，但最奇怪的事发生了，叫麻辣饺居然唔辣，仲甜甜地。不过我又唔可以话难食，可能我比较喜欢吃甜野。唔系蒸到淋晒嘅凤爪，有点咬口。蒸得都算嫩滑，如果有豆鼓一齐蒸会更好。唔系整到d肉梅晒，食落颇弹牙。大件夹抵食嘅笼仔蒸饭，足足有五碗仔嘅份量。用鸡丝嘅好处系一定够嫩滑，淋埋豉油更加香。最后要介绍下个吮吮包。无错！真系要用筒吮嘅。汤汁好浓，吮晒d汤汁再食个包。虽然无晒汤汁，不过肉馅味道多浓，建议点醋食中和油腻感。其实以点心店黎讲，价钱算合埋，食物质素合格。推介系个吮吮包！
继续阅读
睇完（食玩瞓）条介绍片，见那位小朋友食得咁开心，决定元宵节一家大细去试下，到门口就已经感受到用心嘅服务态度，好窝心。食物方面，海鲜真系好新鲜，系菜单上每款嘅海鲜都好新鲜，大家真系要试下特别系「琵琶虾」，两个仔都话琵琶虾外型似风之谷里果条巨虫，开头点都唔肯食，点知试完少少之后，就秒杀食晒，搞到我差啲无得食。一个字*正*一向唔钟意食野嘅细仔，都竟然好雀跃。点心真系超超超正，强力推介吮吮包，紫薯流沙包，牛肉球，烧卖，糯米饭及棉花白兔仔！紫薯流心包同埋吮吮包encore3次都唔够皮，紫薯流心真系一个人食5个都得，唔甜唔漏，真系正，由于时间想再encore 都唔得了。
继续阅读