影片
以上资料只供参考，请与餐厅确认详情
深水埗区内其实有不少菜馆/大排档， 这一间是个人觉得几出色的一间。论环境及食物精致度，个人觉得区内的渔小馆会更出色，不过份量小和较贵。论传统风味就应该去增辉。这一间比较平民大众化， 论味道这一间会亦是不错的选择，在露天之下，冷气就一定无，但食客可以除下上衣，一路食烟，一路大声讲粗口高谈阔论，邻枱客人甚至饮完啤酒就去揸车，虽然睇起上来有点乱来，不过又是另一种粗豪风味！！自己比较重视食物的味道，来这里应该是味觉的享受！椒盐鲜鱿（$108）外皮炸得脆口，但内里仍然弹牙，而且肉质鲜嫰，真的好好食。生炒牛饭（$78）虽然是平凡的食物，不过这儿的炒饭炒得干身，很香，食得出镬气！ 正！另外，菠萝生炒骨（$88）和杂菜煲也是有水准之作。忽然间觉得有点美中不足，其实应该走去附近的金宝买半斤义烧和乳猪，再加2支冰冻啤酒，应该可以更完美，或许这完美只能留在下次完成吧！
继续阅读
食咗: 香辣盘鱼一条鱼, 豉椒鹅肠, 香脆猪手, 一碟炒面, 5支啤酒今日一行四人大约六点钟去食, 有一个大约六十岁做楼面嘅女人(仲以为系老板娘, 原来唔系), 态度十分十分十分差, 食咁耐比佢闹咁耐, 期间, 隔离枱唔知乜嘢事, 都比佢闹。催点菜又闹你要快啲, 黑口黑面, 盘鱼未到, 个女人先将一个长方形gas炉放响枱, 由于坐响街边很窄, 而且亦是一张小圆枱, 我地四个人唔可以平均地坐, 只能在不影响行人使用下, 两个两个黏埋坐一边, 但佢将个gas炉打横放响一张小圆枱, 根本唔够空间食嘢！于是将个炉打直向返行人路, 才至够空间, 但个女人见倒又闹, 话点解郁个炉, 我话阻住我地食嘢, 点解唔郁得, 佢发晦气话唔就手开炉, What's The Facts！之后盘鱼到咗, 发现未熟, 终是开返大少少个火, 点知个女人经过, 睇都冇睇问都冇问, 就将个火扭到最细, 就走开, 乜嘢事呀？ 而另一个头发稀疏, 大约五十几嘅男人, 每次送菜, 都系大力掉响枱面, 唔系放响枱, 今日冇跑马, 但哩个男似输马咁, 同电视剧见倒嘅一样, 我地4个人不约而同讲, 真系食倒"香港嘅特式"。食物方面, 只有盘鱼味道不错, 其他简直不值一提, 尤其是所谓香脆猪手, 相信估计一直放响冰柜, 有order先至攞出嚟炸, 因为系割开晒先至炸, 搞到啲肉"柴"到冇朋友, 炸干到一小小水份都冇, 系咁大个仔, 未食过咁难食嘅德国猪手！真心, 冇下次！
继续阅读
新的一年，这一天是我的「大排档日」。哈哈😆事关今早已去了尖沙咀大排档食了牛丸和沙嗲牛肉面。到了晚上，都想贯切大排档之日，于是到了食饭时间，都坐车到石硖尾找大排档。我们周围找，都找不到，最后再问问街坊，同埋突然间闻到酸酸的生炒排骨味！于是乎，便根据街坊指示及香味，寻找「大排档」。终于找到啦！我们都是点一些简单菜。1）生炒排骨 -好多洋葱🧅及大大件青椒🫑，不过，我又觉得太生，虽然爽口，可是再熟一点会较好，但，唯一不好是「菠萝」。主角排骨，好食😋！不多肥膏！酸味够，但又不会over, 不错👍🏻2）鼓油虾 - 虾的大细不一，有一些正常size, 但有一些好细只！我都会接受的🥹。不过厨师有剪晒虾头的触须位，所以方便食客进食，没咁容易整到个口，都算是贴心的。3）鼓油皇炒面 - 都好食，面算干身，可是我觉得太油腻！如果放少啲油会更好吧。呢间都好有镬气，整体都算好食，价钱合理。😃会继续支持大排档！
继续阅读
朋友话想食大排档，之前在深水埗食过一两间都没有惊喜，所以我带佢黎呢间传奇大排档一试!先睇一睇份餐牌平时经常会接触到两𩠌饭，大排档的款式和质素未免会同两𩠌饭有比较。细选之下，我们叫了三款小菜，希望会摆脱两𩠌饭的感觉。首先点了椒盐鲜鱿，香脆可口之余鲜鱿都够新鲜，送酒一流。之后点了黑椒牛仔骨煲，但上枱时竟然是碟上...不过我们还是接受了。味道不错，牛仔骨亦很淋身，很入味。相信如果是煲仔上菜的话味道会更好。最后点了金银蛋白菜仔去中和一下椒盐鲜鱿的热气，不过味道就较为清淡，白菜仔吸收不到咸蛋的咸香。总的来说，在买少见少的铁皮大排档中用餐，坐街边食饭都是一种价值与情怀，虽然传奇并不是我食过最好食的大排档，但我还是很希望它可以一直营运下去。
继续阅读
原来谂住食强记大排档，点知无开。最后去左食传奇…点知…啲野食好似系番热咁…真心唔掂…椒盐鲜鱿好似放左好耐再加番热咁…啫啫鸡煲…啲鸡啲完全无味…好hea椒丝腐乳炒通菜…最后黎左个蒜蓉炒通菜…咁样都收差不多$300…真系唔系好掂…
继续阅读