影片
食家推介
昨晚谂住加𩠌买半斤叉烧回家， 叫个师傅比靓啲半肥瘦， 个师傅交给我时还说好靓点知回家时打开比我家人骂话做乜全部都系柴皮叉烧好硬！ 好离谱！我同自己讲今生今世食粪都唔会再帮衬佢！
继续阅读
平常入到「深井」食嘢，都喺因为行山以「深井」为终点，今次就有啲唔同，到访朋友家，再一班人落嚟「傅记」食午饭，友人话以烧鹅嚟讲，「裕记」觉得喺最好，但就贵，其次心水喺「傅记」，加上相对实惠啲。谂住食晏昼饭，所以，无刻意订枱，嚟到啱啱被人捷足先登攞咗张大枱，我哋又费事转场，而二楼午市又唔开，所以，坐咗晌出面，虽然开晒啲风机，但确喺有点热。一心打算试烧鹅，加上我哋有成9人，所以，都费事谂，就拣个6-8人餐（ $788），再加多半只烧鹅凑够成只，加个炒饭，应该有收茶芥、加一，虽然唔喺小弟负责俾钱，但计番人头，埋单应该大概$1,200左右，此外，仲有其他人数嘅套餐。小食有啲酸荞头，食落酸爽香脆，却唔会太呛喉，正好为一阵间食烧鹅有个准备。深井烧鹅（半只）其实我自己本身都食过佢哋附属茶餐厅嘅烧鹅濑 （下午茶餐） ，知道都有一定嘅质素，个套餐本身包半只，我哋额外加多半只，好似要俾多$200。今次成只烧鹅登场，当然卖相更有睇头，而且，烧得确喺好靓仔，外皮睇落好亮丽，咬落非常甘香焦脆，鹅肉嫩滑细致，更喺充满油香，正呀喂！粟米鱼肚羹一大锅粟米鱼肚羹，睇相都见满满嘅鱼肚，真喺好似食极都有，而且，鱼肚羹个稀杰度推得啱啱好，味道亦都唔错，不过始终我哋坐咗出面，感觉有啲闷热，再食过热焫焫嘅鱼肚羹，喺会有少少打折扣。翡翠龙趸球 龙趸球切得比较大件，所以，计落喺唔够我哋一人一件，咁当然我哋自行帮佢一开二啦。啲鱼肉喺几高质素，既嫩滑，又鲜甜，又有鱼味。豉油皇鹅肠一众男士当然有唔喺三高之士啦，不过，面对咁好食嘅鹅，健康一于放喺第二位。鹅肠食落好爽脆，亦唔会有阵阵臊味，加上个豉油皇酱汁做得香浓惹味，配鹅肠真喺一流，连带底下沾满酱汁嘅芽菜亦都变得零舍好食。菠萝生炒骨 小炒中生炒骨就最受人欢迎，一来好难自己屋企整，二来酸香醒胃确喺好送饭，而呢度嘅生炒骨同样做得唔错，外层仲有份脆口感，啲肉好松化 ，酱汁调教得酸香细致，仲有喺啲菠萝用新鲜货色，唔系罐头嘢。腐竹浸时蔬时蔬用咗白菜仔再加啲草菇片，而腐竹就好嫩滑，又有豆香，个上汤都好清甜，时蔬索晒汤，食落味道都变得比较清甜。清埋碟福建炒饭（影漏咗）大家都话嗌饱，份量算喺啱啱好，无嘥嘢。嚟呢啲地方食嘢服务就无乜㗎喇，相对喺经济实惠啲，若非要坐晌出面，其实感觉会几好。
继续阅读
态度差到冇人有，垃圾餐厅请啲垃圾人我4 20分钟之前打电话去订快餐上海粗炒加一杯冻咖啡去到叫我等等咗成20分钟都未有即系加埋成40分钟啦我个Number 24号后边𠮶个男人迟我15分钟嚟到应该系熟客26 Number都有得攞我就等咗八个字跟住佢同我讲唔等得唔好要啊笨退返钱咩态度呀？以后发誓有人话去呢间餐厅即刻抵制仲要闹衰佢，全个深井唔系得你一间餐厅有食
继续阅读
今日跟家人特意入深井食烧鹅。我们选择了傅记饭店食午饭，到达时间2点几，不用等位。我们叫了8人餐，有粟米鱼肚羮、咕噜肉、豉油王炒鹅肠、半只烧鹅等等。菜式份量十足，烧鹅皮脆肉嫩，非常美味。
继续阅读
晚上好友9人相聚突然话去深井食晚餐，好友推荐 傅记，我们同行四人元朗打的士 三人另一架的士 ，两人 程西铁在转的士 ，元朗来大概30分车程$150马上去到 深井，在陈记门口落车 行过来 傅记 5分钟，晚市热闹 大排档气氛，来到即可 有位，安排九人座门口，整体 环境算OK，只不过 酒杯 有啲觉得唔干净，服务都算热情⋯叫左 6-8人$788晚市 小菜套餐 （唔包饭，唔包酒）半只烧鹅皇 $275烧鹅皮脆肉嫩 ，多汁四颗星生炒骨$82都唔错份量再多啲仲好腐竹时菜$72粟米鱼肚羹 $80龙𧄌球炒西芹168鹅肠（绿豆芽垫底）108脆脆 肥鹅肠～单叫 total $785 套餐 788贵3元 ～建议单叫 可以叫自己钟意的 菜品，唔洗 困系套餐中～ 另外加一个 小炒皇～两只啤酒～7碗饭～ 9人总消费$1180
继续阅读
您可能会有兴趣的...