健康百景同治堂 (已結業)

發現好多時都leg錯野，凍又變熱，芝麻糊變綠豆沙，呢o的小節，呢頭落單，個頭問番你，有時仲要廚房走埋出黎幫手，只係個別，做得耐個o的又唔見晒。可能真係好忙，o個日見個收銀，一路食飯一路做，其實都幾怪雞，始終佢企o既位置都係門口，俾人見倒唔係咁好睇啦！仲有我o個日食咗個豬軟骨拉麵，似係食緊豬筋多o的，都冇咗軟骨o既口感，之前唔係咁架喎！以前就係貪佢飯後甜品唔洗搵，e家我去多數都係為咗食龜靈膏，因為買咗的劵就黎到期，要快的食晒佢，同埋飲涼茶，不過老實講，我覺得佢o既24味都幾足料，比起一般藥房o的味係濃，同埋大杯o的，幾好！

昨晚在沙田新城市廣場那間，食了兩份甜品。分別是楊枝金露及蕃薯栗子加湯圓，楊枝金露都尚可。蕃薯栗子加湯圓就真是差勁勒!蕃薯及有栗子如食之前煮熟再加上糖水囉!湯圓味道都是麻麻咋!

紅"祖"桂圓糖水+湯圓:好味!,個糖水又唔太甜,湯圓係黑芝麻+白芝麻餡,其他糖水舖多數都只用黑芝麻,所以呢到都幾特別.首烏芝麻糊(凍):好滑,又唔係太甜,嗒真D真係有D藥材味,少少甘,難得係凍糊都咁滑,正!

前日同中學同學聚舊去左新城市地下o個間食拉面...以前中學時放學如果玩到好夜,都會黎食晩飯.我地幾個姊妹通常一式一樣叫雞扒拉面...因為我地都係"好雞之人"...佢好得意,懶健康咁有好多中藥o係d湯度, e.g. 杞子...仲會o係menu度講埋有咩療效...食味其實普普通通咁...不過都係懷念下啫...仲食過佢個龜苓爽,幾甜...不過覺得似涼粉多過龜苓膏...哈哈...

呢度的鹵水雞翼同茶葉蛋無西九龍那間咁入味，又有人吸煙，還有出面車塵吹入來，近門口的必食塵。

那裡的服務真的不多好! 但又想試算了...我試了個芒果鮮奶, 幾正, 我亦叫了個茶葉蛋, 他們切開一半, 但連殼, 極不方便!!! 味道一般!

媽咪好鐘意外買

時常經過這間新潮涼茶鋪﹐單看裝修﹐給人感覺很整潔﹑很健康。前兩日﹐與母親大人一起去試試它的“健康甜品”﹐叫了麥米粥及芝麻糊﹐另加一個龜岭膏。講真﹐那些糖水的確另人失望。麥米粥半熱不冷﹐芝麻糊好像加了很多米漿。一句-沒水準﹗另外那龜岭膏我就真不懂給評語了。加上那些侍應好像有盲又聾﹐在那小小的鋪頭﹐竟可對客人的招手呼喚視以不見﹑聽以不聞﹗半來想下次試那裡的下午茶餐﹐但他們態度之差另人卻步。

星期四果日下晝經過，見間野o 岩o 岩有tea 食，仲話全日免加一，咁就去試下啦。叫o 左下午茶餐—豬扒炒烏冬，有埋一杯果汁，只係廿三蚊，唔算貴。烏冬份量唔太多，但做tea 則夠有餘，味道不過不失，豬扒夠入味但稍為o 鞋口。果汁叫o 左雪梨汁，夠晒清潤、好飲。其他食物的價錢亦相宜，尤其午市套餐只是廿九蚊起，係唔錯o 既選擇。另外侍應的服務亦不錯，態度親切有禮。所以可以一試…