影片
以上资料只供参考，请与餐厅确认详情
尼间$38车仔面，特别既𩠌会另加$3比出面车仔面平好多，又跟饮品，冻饮唔洗另加$3Lunch比附近番工番学既人，真系穷人恩物尼次叫左萝卜、猪红同鱼皮饺萝卜清甜多汁，猪红唔会太过咸鱼皮饺就不过不失好食指数：😋😋3.5/5
继续阅读
跳咗一个四𩠌车仔面，因为系外卖自取返到屋企先发现比漏咗鸡翼，啲米线偏淋身食落口感有啲烂，重点系啲沙嗲牛肉己经变酸咗😵💫唔知系咪因为天气关系定系食品保存欠佳。总言之唔会再有下次
继续阅读
作为街坊，伟记车仔面系我食咗好多年既抵食小店。而家出面车仔面随便都卖紧$40up（3𩠌），呢到先$36，仲要包野饮，认真CP值高！配料选择都算多，猪红整得好食好入味，仲要有出面好少车仔面店既鸭胸！一日未搬走都会继续支持
继续阅读
986 浏览
今日冇胃口，简简单单去街市熟食档开餐，拣了【伟记车仔面】。街市内的小食档口面积细小，厨房同枱凳逼在一个小档内，当然唔会有舒适用餐环境；食客都系速食速决。虽然档口细小，但也自家炮制了三款酱汁：咖喱汁、沙嗲汁及秘制麻辣汁。四𩠌面（$43）拣了两样贵价𩠌牛腩及猪肠，每样另外加 $3。讲开又讲，猪肠只系下栏嘢，唔知点解今时今日变成车仔面嘅贵价𩠌。四𩠌面拣了萝卜、猪肠、猪红及牛腩。汤底加了牛腩汁，但都系没有什么特别味道。萝卜最好味，够清甜。猪红烟靱都唔错。碎牛腩就唔得，好硬，有筋。猪肠份量好少，得五小块；而且好韧，猪臊味亦漂得唔够彻底。汤底唔好味，车仔𩠌又唔好味，尤其小编最爱吃的猪肠。就算够抵食，都应该唔会再来下一次。
继续阅读
今日喺呢度叫咗个三𩠌猪红车仔面外卖，个店员竟然渌完个面收晒钱先同我讲冇晒猪红夹硬叫我拣过第二样。𠮶啲食材就喺正佢隔离，有咩冇咩真系可以咁都唔知道？咁样屈人买畀你扺食又点，唔怪得同隔离𠮶间生意差咁远。
继续阅读