272
109
87
港铁尖沙咀/尖東站 E/ L3/ L4 出口
继续阅读
电话号码
27343803
开饭介绍
倚窗閣提供各種來自世界各地的國際美食，並提供早餐、午餐、下午茶、晚餐以至自助晚餐，而且餐廳內可盡覽彌敦道繁華熱鬧的景緻。
继续阅读
营业时间
今日营业
07:30 - 21:30
星期一至日
07:30 - 21:30
以上资料只供参考，请与餐厅确认详情
优惠
招牌菜
食家推介
相关文章
首訪倚窗閣是在晚上，對那超長長長自助餐桌印象猶多深刻，當時就覺這家自助餐可在推介之列。無獨有隅，今次友人相約午市自助餐，選址就是倚窗閣，友人的眼光真不錯。近期因些理由，北上多了留港少了，對香港的吃喝玩樂陌生了。今天再訪，發現復活節正日未有滿座，如是本地常態真不勝唏噓。友人預訂倚窗位置，正是餐廳的Signature。喜歡倚窗位置獨特景觀，會讓人憶起舊時代的香港。再長長長自助餐桌，也抵不過跟友人侃侃而談，訴說舊事的慾望，也因對友人的尊重，收起平日拍照的執着，專注去享受美食，談天說地。午市有生蠔供應亦是稀罕之事，生蠔個頭不大但新鮮，刺身壽司亦當然不缺。大愛港味corner，有豬紅、魚蛋、八瓜魚丸、軟骨串、燒味，對遊客們味遊香港很是Friendly，而霖迪欣賞油雞叉燒的水準。沙律除了可以自選外，也有三款特色沙律可選。熱葷選擇較多，大部分是中式口味，淺嘗一兩款葷食味道還不錯。至於首訪難忘的中式湯品是必需要來一碗的。印度咖哩corner是小眾之選，這兒咖哩微調過符合大眾口味，不試也可。甜品選擇非常豐富，有蛋糕、啫喱、cupcake、雪糕、豆花等，當中最愛豆花有眾多配料，能讓霖迪發揮創意自製花生湯豆花！最後聽到鈴鐺一響，以為是耶穌復活了，原來是新鮮出爐的疏乎里，是的原來今天是復活節，無論如何節日是要好好過。午市不及晚市精彩是自然的事，但論價格質素仍物有所值。也許還是會有再訪的機會吧！
继续阅读
網上成日都有人問我，邊度食自助餐可以有生蠔同龍蝦，老實講，有其中一樣好多酒店Buffet都有，但有齊兩樣就多數都好貴，但早排去尖沙咀九龍酒店倚窗閣，性價比真係高。先講講價錢。《尋鮮之旅》由2024年1月4日至2月29日供應，時間為下午6時至9時，可以食足3小時之餘，又可以切合近年香港人早返屋企的生活作息。為慶祝九龍酒店38週年，優惠仲要超多，先係經網上訂位，會有72折，已經好抵食。家陣(星期一至四) 6位以上更是高達62折，成人每位港幣$509.8元 起。(星期五至日/公衆假期及其前夕): 6位以上高達62折, 每位港幣$553元起。由【2月19日至3月14日｜閃購優惠買二送一】倚窗閣自助午餐及自助晚餐，每兩位成人，第三位可享免費優惠。請注意閃購優惠期：2024年2月16日至22日享用日期：2024年2月19日至3月14日訂檯傳送門 : 《尋鮮之旅》生蠔但凡自助餐有生蠔或龍蝦加持，大家都會覺得係回本位，不過好多時都係得其中一樣，倚窗閣今次不惜一切，樣樣齊。先係有愛爾蘭生蠔及美國生蠔，仲要即開即食，並非半殼蠔可比。而且美國蠔近年質素有改善，已非當年大而無當，肉質死實的感覺。不過大家要注意，基於貨源問題，有時候會無生蠔，但會另行供應波士頓龍蝦，變成冷熱兩食。蒸海鮮有鮑魚、龍蝦、沙巴龍躉、蜆螺、鮮蜆及海蝦，全部新鮮貨，喜歡的，更可以單點龍蝦，生蠔加海鮮，點都值返大半價錢啦！凍海鮮小龍蝦、紐西蘭青口、智利藍青口、海蝦、翡翠螺、俄羅斯蟹腳及加拿大雪花蟹腳。刺身及壽司北海道帶子、赤貝、阿根廷紅蝦、八爪魚、劍魚腩、油甘魚及三文魚，更講明產地來源是阿根廷、澳洲、加拿大、中國、印尼及挪威。精選手握壽司、三文魚籽、蟹籽。每晚的特別時段，都有即製火焰雪山。熱葷熱葷可以分為中式同西式兩種。支竹羊腩煲一食便知高低，竟然用上了新鮮黑草羊，肉質鮮香軟熟，旁邊仲要放上腐乳，夠認真，可惜沒有生菜，唯有走去粉麵檔淥一碟加羊腩汁，真心覺得好正。慢煮和牛面頰超稔同大件，好入味，又係可以配白飯食。臘味煲仔飯原煲上，臘味油份落晒飯粒度，煙煙韌韌有嚼口同油香，美味度爆燈。帶子海膽意大利麵口感豐腴，帶子肉質幼嫩，而意大利麵個人覺得可以煮得較有嚼勁。蟹肉乾燒伊麵很傳統的宴會菜單尾，兒時最期待的菜色之一，炒得好乾身，蟹肉份量也不少。豉油皇虎蝦烤得蝦殼微脆，豉油香味好出。酸菜魚深圳食得多，香港反而少食，試了兩件，跟深圳的味道差不多。另外仲有雞蛋煙肉焗美國生蠔煲、美式燒排骨同夏威夷薄餅。即片混醬北京片皮鴨，有金薑、青瓜、京蔥、蜜瓜、海鮮醬、麻醬及酸梅醬供大家自行配搭。湯燉湯是蟲草花燉烏雞，火喉十足，一口氣乾了兩盅，滿足。西湯是藜麥粟米周打湯，而中湯冬瓜清補涼煲雞，很家常湯水感覺。越式牛肉河大家都知我係“澱粉怪”，就算食自助餐都要來碗粉麵。湯底清而香，配料有肥牛、龍蝦丸、鮮蝦、鮮魷、豆卜、黃金魚片頭牛丸及扎肉，相當豐富，麵底就有油麵及河粉。即煎羊架好厚肉，臊味輕盈，加點Mint Jelly食，好味。另一款屬於隱藏美食係鹹蛋黃炸魷魚鬚，勁熱氣但香口。仲有蔥鹽香煎和牛粒、香辣鐵板牛舌、日式雞軟骨串燒同香港特色及日式天婦羅，都係幾熱氣菜，大家要有心理準備。頭盤基本上帶港風，尤其是有港式碗仔翅同埋咖喱魚蛋豬皮。朋友係食雞控，口水雞同玫瑰豉油雞都是中菜廳龍逸軒出品，當然有水準，就連雞胸位都好嫩。而黑豚叉燒又係正，有嚼口而鬆軟。加埋四川麻辣豬肚及涼拌青瓜，都令人幾開胃。點心自家中菜出品的點心有蝦餃及燒賣。西式頭盤日本清酒生蠔海膽杯、白蘆筍鮮蠔荷蘭汁、芝麻吞拿香芒沙沙、自家醃製刁草黑椒三文魚。咖哩為了照顧不同口味的客人，咖哩當然不能或缺，不過被安置在餐廳較後位置，大家要細心搵搵。當中有印度蔬菜咖哩、泰式紅咖喱牛肉、印度天多利烤雞、印度素咖哩角、印度薄餅及印度香米。沙律想食得健康，有好幾款沙律，包括了雞蛋青瓜沙律、羽衣甘藍牛肉藜麥沙律、雜果大蝦沙律與甜粟米火腿沙律。Cold Cut有紅椒凍肉腸、Coppa Ham同埋黑椒牛肉。甜品選用了Movenpick雪糕，共有熱情果芒果雪葩、檸檬青檸雪葩、瑞士朱古力、士多啤梨、法式焦糖燉蛋、楓糖合桃、Espresso Croquant、Tiramisu 以及 Panna Cotta Raspberry，9款口味各有不同，睇下你食得幾多？太太就好鍾意即製雲呢拿疏乎厘，熱辣辣出爐，灑點糖霜，口感鬆軟，好正。另外有好有趣既扑扑朱古力（棉花糖及杏仁），小朋友就鍾意朱古力噴泉，因為可DIY自己喜歡的口味。其他甜品種類好多，甜魔恐怕郁要失控。整個蛋糕有綠茶士多啤梨蛋糕、72%朱古力慕思蛋糕、芒果慕思蛋糕、士多啤梨慕思蛋糕、招牌芒果拿破侖、木糠布甸、意大利芝士餅同埋麵包布甸配雲呢拿汁。個人首選一定係芒果拿破侖以及Tiramisu。細細杯既有紅桑子特飲、杞子桂花糕、椰汁西米糕、藍莓芝士蛋糕、士多啤梨吉士泡芙、冬甩、杯子蛋糕、榴蓮布甸、Panna Cotta、香芒布甸及什果Jelly。今次就推薦Panna Cotta 同香芒布甸。中式甜品有楊枝金露，而涼粉同豆腐花，就有好多配料，任你配搭。水果有新鮮菠蘿、哈密瓜、西瓜同火龍果，揀得好好，基本上都勁甜。飲品除了有咖啡機外，凍飲有橙汁、蘋果汁、羅漢果茶以及檸檬青瓜水，個人鍾意健康些小，一於飲羅漢果茶。
继续阅读
又到同老婆大人、朋友一齊去食大餐嘅好日子！今次我哋去食蒸氣火鍋勁多嘢食飽到一個點呀。我哋今次揀咗去九龍酒店嘅倚窗閣開餐，初初仲以為食自助餐原來佢間咗少少位尊做呢個蒸氣火鍋。食呢個蒸氣火鍋套餐可以用$38額外嘆任飲，可以揀紅白酒、啤酒、汽水仲有咖啡同埋茶，咁鬼抵梗係要加錢任飲啦。蒸氣火鍋方面我哋揀咗鱻上鮮套餐！除咗海鮮之外仲有好多嘢食其中一樣就係刺身拼盤，入面有北海道帶子、三文魚、油甘魚同埋紅蝦，全部都好啱我心水尤其係油甘魚夠晒新鮮魚味香濃。跟住仲有蜜汁西班牙黑毛豬叉燒，之前食中菜試過叉燒好唔錯今次又有得食開心到彈起，叉燒一貫整到好腍好香最鍾意佢唔會好甜食多兩件都唔會覺得漏。男士們好開心因為有生蠔食嘻嘻！兩隻生蠔分別係愛爾蘭同埋美國貨兩款都好新鮮，講到我鍾意嘅梗係愛爾蘭生蠔啦。食完第一part係時候調個靚醬預備食蒸海鮮，淨係醬汁同埋配料都已經有10幾款，點都搵到自己啱心水配搭喇啩。呢個海鮮拼盤一上枱大家都嘩嘩聲！因為入邊有波士頓龍蝦、扇貝、鮑魚、大顯同埋海蝦，全部都好鬼新鮮，快啲攞去蒸快啲攞去蒸好心急呀。呢個扇貝已經加咗粉絲同埋蒜蓉蒸幾分鐘就食得！鮮甜嘅扇貝配咗濃味嘅蒜蓉醬夠晒重口味點會唔好食呀。咋咋臨蒸爆哂膏嘅波士頓龍蝦啦！蒸熟嘅龍蝦殼紅噹噹入面嘅肉就白雪雪顏色好靚，食落去又爽口又彈牙嘅龍蝦肉好鬼鮮甜，食完成口都係鮮味同埋膏嘅甘香正呀喂。跟住仲有蜆同埋大蝦呢兩味嘢新鮮就一定好食。龍蝦鉗我哋就留返同鮑魚一齊蒸因為時間差唔多嘛！龍蝦鉗啖啖肉梗係好食，鮑魚唔係好大粒不過勝在夠鮮甜都唔錯。鍾意食魚嘅老婆大人見到呢個沙巴龍躉肉已經流晒口水！終於等到蒸佢5分鐘就搞掂好快可以食，龍躉食落去一啲都唔腥仲好有魚香好食喎。跟住就輪到我最鍾意嘅牛肉！安格斯牛小排擺到成朵花咁樣好好打卡，唔止樣靚食落好滑溜牛味仲勁香濃添好掂呀。唔食牛嘅老婆大人就有呢個醉雞可以嘆！醉雞幾入味食落真係有陣陣酒香，而且雞肉好有彈性絕對係新鮮雞。食咗咁多海鮮同肉梗係要整返啲菜平衡吓啦！呢個蔬菜籃有菜有瓜仲有菇好豐富，大家都會搵到自己鍾意食嘅蔬菜就一齊健康吓啦。食到呢度我哋仲有個鮮甜嘅湯底唔好嘥要嚟整咗個蠔仔泡飯嘆！肥嘟嘟嘅蠔仔好鮮加上鮮甜到一個點嘅湯底，煮出嚟嘅蠔仔粥實在令我太好味喇。喂喂喂未完㗎我哋叫呢個餐仲可以任食自助餐嘅甜品！好多雪糕、蛋糕仲有甜點任攞任食都咪話唔爽，如果想食呢個蒸氣火鍋記得早兩日預訂啊。
继续阅读
又到大顆兒聚會的大日子！今次我們選了吃蒸氣火鍋實行以鮮味行頭滿足味蕾。我們一行7人選到九龍酒店的倚窗閣開餐，不來吃Buffet而是於餐廳特別分間出位置嘆這場鮮氣的蒸氣火鍋。我們正是點吃這個「鮮」氣來襲蒸氣海鮮晚市套餐，選上鱻上鮮$688/位內容超豐盛吃得我們投降而走。率先上檯是海鮮剌身拼盤內裏包括有北海道帶子、三文魚、油甘魚及紅蝦，充滿光澤感的刺身看得到非常新鮮。另外我們這夜更得到愛爾蘭及美國生蠔各一隻。生蠔新鮮飽滿味道香甜兩隻份量剛剛好，刺身當中最吸引我必定是肥美肉厚的帶子，口感軟滑鮮味十足好味道。熱食有這客蜜汁西班牙黑毛豬叉燒！嫣紅焦香的叉燒肥瘦恰好加上富有彈性的肉質好吸引，調味亦鹹甜適中絕對是出色之作。吃過前菜之後大家走到自助調味料區混醬！除了一般醬料及配料以外還有不少自家製的醬汁，如龍逸軒皇牌XO醬、自家製薑蓉蟹醋和四川麻辣汁等選擇超多。蒸氣火鍋的海鮮大拼盤陣容超級豐盛！有波士頓龍蝦、扇貝、新鮮鮑魚、新鮮大蜆及海蝦，另外還有美國頂級安格斯牛小排、醉雞、沙巴龍躉及田園蔬菜。 餐廳很貼心附上蒸煮時間表及計時器，我們只需跟著建議時間便可以吃到蒸得恰到好處的美味食材。打頭陣先品嚐快熟的蒜蓉粉絲蒸扇貝，放入熱騰騰的鍋內以蒸氣烹調出來原汁原味的海鮮味道很香甜確實誘人。緊接著我們放入大大隻的波士頓龍蝦，除了雪白龍蝦肉之外還有不少蝦膏在內令我超期待。5分鐘過後橙紅色的龍蝦便能送到嘴裏品嚐，即蒸即吃那份新鮮感正是吃蒸氣火鍋的精髓。接下來我們急不及待放入沙白蜆及大蝦！鮮甜的精華滴滴進入鍋內的清水當中，很快便會成就一煲超濃的海鮮上湯底。沙白蜆飽滿鮮甜大蝦爽口彈牙兩款也不錯吃啊。這個沙巴龍躉肉質紮實沒帶上丁點腥氣，喜歡吃魚的我食得非常滿足。這一轉我們放入龍蝦鉗及鮑魚，兩者時間相若配合得剛剛好，龍蝦鉗吃下啖啖鮮爽龍蝦肉食得快慰。吃到這一刻其實已經非常滿足！但還有醉雞及牛小排兩款肉類，牛肉就交給好友品嚐我就可以嘆多兩件入味的醉雞。吃蒸鍋蔬菜類放到最後才品嚐也不用擔心油膩，當中我最愛必定是又淋又甜的娃娃菜，配上辣椒豉油來品嚐超級清甜好味。火鍋的精華已經預備好了！只需從日式海鮮稻庭麵、蠔仔泡飯、韓式人參海鮮粥及台式鹹粥選擇自己喜歡的粥底配料，我們就選了特別的台式粥底來嘆。這口粥以大量蔬菜、香菇、菜脯及蝦米等材料煲成，加上我們的鮮甜湯底這味道再飽也能吃上一碗。我超級建議大家額外加$38(10%服務費)享用無限暢飲，大家可以盡情享用特選紅、白酒、啤酒、汽水、茶及咖啡，基本上用一杯酒的價錢已經可以全晚無限享用太優惠了吧。我們選的蒸氣套餐還包括了倚窗閣任食甜品甜迷絕對會開心到飛起！首先有12款Movenpick雪糕任吃如果是雪糕迷真的萬物錯過。然後有杯子蛋糕、冬甩、芒果拿破崙、綠茶士多啤梨撻、甘筍蛋糕、朱古力蛋糕、芝士蛋糕、栗子吉士泡芙、椰汁西米糕、桂花杞子糕、榴槤布甸、香芒布甸、意式奶凍、紅桑子特飲及豆腐花。對面甜品位置還有多款糖果、朱古力噴泉、即製班戟、葡撻、麵包布甸、啫喱糖及涼粉，選擇超級超級多大家記得留肚吃甜品喔。非常推介大家品嚐這個綠茶士多啤梨撻，甘香綠茶加香甜的紅豆配新鮮士多啤梨是絕配的組合，另外酒店的芒果拿破崙亦非池中物，香甜芒果加上鬆脆口感味道吸引，另外栗子吉士泡芙亦是我的心水推介。最後當然少不了來一碗Movenpick雪糕為頓火鍋劃上完美的句號，這個套餐食物份量非常充足大家也吃得超級開心又滿足啊。「鮮」氣來襲蒸氣海鮮晚市套餐於星期一至日晚上6時至9時30分供應記得於兩天前預訂喔。
继续阅读
唔知幾多年冇食”倚窗閣”。一般嚟講自助餐我都懶得寫，不過佢嘅生蠔係比較好，分美國愛爾蘭，而且幾大隻，比好多自助餐做得好。今次嚟到除咗生蠔長腳蟹呢啲海鮮，仲有煎鵝肝(幾大隻)，片皮鴨，同切得幾好嘅刺身。特別係帶子，黐線，切到唔使錢咁。我每次去自助餐都會留意佢啲ham and cheese，喺呢度就普通啦，最搞笑係見到有幾個人有ham唔攞，反而攞salami…整體嚟講呢度嘅自助餐中規中矩，唔算多人，拎嘢食好舒服，收碟好快，服務都好好。可能食物質素有啲進步空間。
继续阅读