倆仨杯

营业中

休息中

地方算闊落，嘢飲幾好飲，嘢食都唔差，特別係呢台式小食炸物。這裡的環境寬敞舒適，非常適合朋友聚會或家庭聚餐。推薦薯條、鹽酥雞、烏龍鮮奶茶、蔥油雞絲飯、地瓜球。每一道菜都有其獨特的風味，特別是鹽酥雞，外脆內嫩，絕對是必試之選！而烏龍鮮奶茶則口感滑順，搭配食物非常合適。如果佢哋有下午茶餐，咁就最好去過呢個brand其他分店, 呢間算係坐得舒服。座位安排合理，不會太擠迫，讓人能夠輕鬆地享受美食。整體來說，這裡的氛圍和食物都讓人感到滿意，值得一再光顧…

嚟到幾新嘅合和酒店商場，行過見到呢間裝修幾好咁，又多位坐，又有$88午市套餐，就諗住試吓啦。 都特登上OpenRice睇一睇啲食評，點知見到大比數劣評如潮。一係彈佢份量少，一係話佢服務態度差。仲諗住話晒有幾間分店，差極有個譜啦。點知，啲份量真係名不虛傳，嗌咗個蔥油雞絲X2,份量仲少過半隻雞翼。真係唔知佢係唔記得咗俾多份雞絲啊，定係其實佢個份量真係少得咁可憐。 問個待應，佢話係咁㗎。連個烏冬都係得半份，佢真係唔好叫午餐啦，佢叫下午茶會好啲。叫咗個草莓牛奶走甜，仲係十級甜。 鹽酥雞油到滴油，飲埋啲油就應該飽嘅。唯一叫做正常嘅嘢係個台式粗薯條。 簡單形容就極油極咸極甜。都有人話點解冇服務要收+1 ， 電子落單，啲侍應淨係會捧餐同埋串啲客。另外佢張凳要紮行馬坐㗎，如果唔係好容易跌咗落地，跟住又有人話你坐得唔好，喺度杌凳，先至會咁，張冇pan凳真係杌唔到㗎。唔知間嘢新開咁耐，除咗改少咗個份量之外，仲會唔會有任何改善。 下次試新嘢，睇完OpenRice comment，都唔敢唔信了。 呢間最可取嘅，就係位多，唔使點等，因為冇人 🤣🤣

叫咗午市套餐，滷肉飯拼脆雞滷豆腐、醉雞翼份量少，醉雞翼完全冇酒味叫咗杯蜂蜜綠茶3分甜，但係甜度都係好甜兩個餐夾埋220幾蚊，包裝竟然係用紙兜，堂食嚟講用紙兜真係尷尬。

行完會展，去咗合和中心搵食，今次去咗呢間台式料理食lunch ，lunch 都有餐，$88 包麪/飯 + 2 款主食 + 1 款小食 + 飲品 + 小甜品。無論小食、主食都有幾款選擇，最後叫咗鹽酥雞同醉鴨舌同醉雞卷 + 刀削麵。刀削麵麪質煙煙韌韌唔錯👍，個醉雞濃湯底都幾濃郁，上枱已聞到醉雞汁嘅味道，我就特別喜歡鹽酥雞，炸得幾好，又脆又香口，醉雞卷同醉鴨舌，兩款都幾好好好味道😌，好香酒香味道。檸檬紅茶同奶蓋.焙茶烏龍，兩款飲品都好飲。

完全無服務都收加一，杯野又唔好飲，叫左杯大甲芋頭鮮奶，飲來飲去都得奶，勁少芋頭，唔好話服務，紙巾都無張俾你抹咀，都夠膽收加一，真係好過去搶🙂‍↕️一句講晒唔推介🫤

等好耐 員工做野超混亂 4個後生嘅睇落完全無培訓過咁，又無人lead住 係咁跑來跑去但無出餐/野飲，完全唔知忙緊咩，至少教下佢地工作崗位或者分工。瞄到佢地啲單，一個鐘前嘅野食仲打開蓋攤喺度未執好外賣野飲又開哂蓋擺喺度十幾杯未整。麻煩肯定啲同事準備好返工先

之前路經合和新商場時，lunch hour經過見到呢間野都坐好多人，今日就同同事黎試下。黎到時已經過咗一點半，所以都有幾多位，而且冇時間限制。呢度係用QR code自助落點嘅。第一次食，我地都係叫啲招牌野食。$88一個lunch set，堂食另外加一，可以選兩個餸同一個小食，個餐黎到先知係放埋一齊。醉湯烏冬+醉雞捲+滷牛肋肉+醉鴨舌由於放埋晒一齊，所以醉湯味就食唔到，變左做滷水味。每個餸大約有兩件，鴨舌有幾條。我就覺得冇話特別好味唔好味。滷肉拌烏冬+醉雞捲+滷牛腱+醉鴨舌同事話反而呢個好有驚喜，佢要左BB辣，個烏冬好多料又唔乾，話下次可以encore。跟餐會有甜品，就係兩細舊黑糖麻糬之類的東西。跟餐可以選手搖飲品，有啲要加錢。我要左個熱鐵觀音走甜，係幾好味，夠熱，不過可以選擇少奶就好喇。整體黎講算OK，但可以再提供下折扣就好喇。

午餐叫了刀削麵🍜感覺煮耐左太淋身幾乎沒有什麼服務，店員好忙，除了入座時都不好意思叫停佢上餐奇怪，很多食物分開上價錢$88 lunch set，很多飲品可以選擇，但大部分都要加錢

今日叫咗個外賣，試咗個$88午市套餐，有鹽酥雞、酥香雞扒、台灣腸同刀削麵。整體味道正常，鹽酥雞同雞扒都幾香口，但唔算好特別，台灣腸就普通，刀削麵就幾彈牙，不過湯底偏淡。最驚喜反而係杯奶蓋炭焙烏龍，奶蓋夠厚，茶底香濃，飲落好順滑，真係幾出色！如果鍾意飲台式茶飲，呢杯真係值得一試！

同朋友路過試吓入到去要QR code落單 但入面收唔到上網😂-雞卷滷肉拌烏冬 不過不失啲雞都有酒味🤔入到味-🍚個飯無影相但真係搞唔掂！啲飯煮到一舊舊痴埋曬都照出比客…完全唔好食 超影響食感-🍮🧋烤布蕾奶蓋茶上枱賣相幾靚(飲左先記得影) 味道幾好飲 無想像中咁甜-另外想講辛苦d員工！明明加一 但樓面好似得一個人做咁，見個帶眼鏡女仔員工踢晒腳都好用心幫兩個老人家落餐 送餐仲幾好禮貌，但唔夠人手有時想叫個人幫手都困難d

落單自己掃qr code但收10%服務🤔😡😠下單芋圓甜品系列抹茶金時，椰汁凍变茶冻 黑糖珍珠变仙茶 五種配料兩種配料冇咗，太過份＊商家完全冇告知，等你自己 食食下才發現點解啲甜品配料有唔同。第一次見到這種無良店舖，又唔話畀你聽冇，你投訴就解釋冇哂。無良商家完全違反商品條例👎👎👎冇配料換了其他配料都正常。但係唔告知嘅情況下同及無經過你同意嘅情況下換就太過份。☠️你食咗一口就不能退貨。👹😤投訴後老闆又唔回覆你。

太離譜了吧， 水都話吾供應？！？？已order 飲品，但想飲杯水清清口，都話無水供應，咩服務係咁個時代，水咁基本嘅都無。。。。太過份了，真係好失望。無奈，太無奈了。真係點同其他地區比，幾多杯都有提供。香港巳經出名服務差，連水都無。

見到餐牌有d吸引，諗住試下新餐廳。叫左$88午飯套餐，湯烏冬再揀三個餸，嚟到真係嚇左一跳，原來依個餐係一個車仔麵嘅概念，成個presentation就係一堆嘢丟係一隻紙碗入面，完全係俾佢個餐牌誤導左，然後收$88+10% service charge，姐係用左差唔多$100食一碗車仔麵。其實冇任何service，除左送個餐過嚟之外，點解要收10%。野食係正正常常冇驚喜，絕對唔值依個價。如果佢收$5x我應該唔會寫食評。嘢飲叫左熱嘅鐵觀音鮮奶+小芋圓，味道係正正常常嘅，跟餐加左$15可以接受，但係杯嘢係”暖”都談唔上，一送上嚟已經係室溫。 埋單總數$113。總括而言，個餐真係完全唔值依個價，去食碗真嘅車仔麵好過😀

同事吹雞食飯，我建議食新合和第4間新餐廳🍴，都係求其😑搵到，叫倆仨杯，台式嘢，同事搵位，好彩☺️，我去到已有10人排，坐bar枱，但頂腳，request轉位，皓彩店員俾轉。QR code落單，叫咗lunch menu滷肉拌烏冬、走酸菜、BB辣、轉刀削麵、滷牛肋肉、鹽酥雞、滷雞脾🍗菇、黑糖珍珠奶茶🧋（+$7）、正常甜、走冰、是日甜品🍮，total$95。另一個餐lunch menu滷肉飯、滷牛𦟌、醉雞捲、滷豆腐、黑糖珍珠奶茶🧋（+$7）、正常甜、熱飲☕️、是日甜品🍮，total$95。等咗15分鐘有嘢食，但冇鹽酥雞，我追問店員，話後上，等多5分鐘就有珍珠奶茶🧋，再等多5分鐘就有鹽酥雞。刀削面ok，但食到底先有味，要撈，牛肋肉都腍，雞脾🍗菇入味爽口，鹽🧂酥雞香脆嫩滑，黑糖珍珠奶茶🧋夠甜，珍珠Q，埋單加一，可簽卡

一直喜歡亞洲食物，台日泰越都覺得好味，今次到合和新商場閒逛，見到開了新的台式餐廳倆仨杯，午餐88元，便去試吓。餐廳開早上11:30，我們在餐廳開門不久便到，所以不多人，坐得舒服。午餐88元：🍽主食飯麵可選一款，主食有醉湯烏冬、刀削麵、肉燥飯及滷肉烏冬可選擇。飯麵正常發揮，有台灣風味。🍽主菜可選兩款，我們有人選金錢肚併滷水雞翼、有人選金錢肚併香酥雞扒、另一人則選滷水雞翼併香酥雞扒。全部味道都很好，不會太重味，金錢肚及雞翼滷水夠味，很不錯，當然，還有其他選擇，如醉雞翼及牛等。🍽小食可選一款，本想選滷豆腐，但沒有，所以選了滷雞脾菇，滷汁好味。🍽飲品台式飲品，我們選了冬瓜茶、鐵觀音奶茶及檸檬紅茶，飲品有凍有熱，甜度及冰多少也可選擇，不錯。🍽跟餐甜品這個點餐時不知道是什麼，送來的時候是抹茶麻糬，QQ的，也不錯。個人覺得午餐包了台式飲品，性價比算高，但可能是新開，有些在餐牌上的食物還未有。