倆仨杯

营业中

休息中

首先，餐廳環境非常污糟，周圍都係垃圾冇人坐都冇人執。第二，啲野食真係好求其，屋企自已煮咁款第三，兩個人淨係俾支叉同筷子，問店員拎支匙羹，竟然要加一蚊？😂我未試過食湯麵淨係俾筷子唔俾匙羹，問個店員咁我點飲湯？佢淨係識答要加一蚊，但前一個講普通話嘅女人問佢拎多個餐具，佢答完要一蚊，個女人堅持要佢就就咁俾左個女人。🙂🙂🙂我地諗住餐前食少少野先諗住黎叫下小食等食晚餐，點知食到冇哂胃口！

服務方面：店員服務態度之差令人印象深刻，希望之後能有改善打算下單時店員用力掉下餐牌馬上問叫甚麼，想的時候再問「叫得未」，面容表情是黑面斜視。第一次到茶飲店舖有如此差的服務態度。飲品方面：熱飲味道正常，但只提供膠飲管和膠杯，熱到難以拿着在街上飲，不建議叫熱飲。朋友叫是凍飲，芋圓的味道可以。環境方面：台式的設計感覺舒服，有不少文青語錄。之前去過啟德分店，店員的服務態度正常，希望尖沙咀分店店員態度能有所改善。

在美食如云的尖沙咀，俩三杯就像一颗遗世独立的明珠，总能凭借独特的风味吸引着食客们前来探寻。最近我就被他家的卤牛腩牛筋饭和芋泥鲜奶彻底征服，必须来给大伙分享分享！一、卤牛腩牛筋饭：醇厚鲜香的味觉盛宴当这份卤牛腩牛筋饭端上桌，浓郁的卤香瞬间扑鼻而来，瞬间勾起肚里的馋虫。牛腩和牛筋被切成大小适中的块状，满满铺在热气腾腾的米饭上，光是这分量，就让人感受到店家满满的诚意。牛腩炖煮得恰到好处，软糯却不失嚼劲，每一口都饱含着浓郁的卤汁，肉香与香料的香气完美交融，越嚼越香，仿佛在舌尖上跳着一曲热辣的探戈。牛筋则是糯叽叽的口感，Q弹爽滑，满满的胶原蛋白，一口下去超满足，软糯中带着些许弹牙，让人欲罢不能 。底下的米饭也不简单，充分吸收了卤汁的精华，变得油亮喷香，每一粒都裹着醇厚的味道，吃起来比肉还香，就着上面的牛腩牛筋，我能一口气炫完一整碗 。配菜还有清甜解腻的蔬菜，不仅丰富了口感，还为这顿饭增添了一抹清新。二、芋泥鲜奶：香甜丝滑的梦幻组合喝上一口芋泥鲜奶，瞬间被那细腻绵密的口感击中 。芋泥是每日现蒸，入口即化，能真切地感受到芋头本身的香甜，没有一丝杂质，纯粹又美好 。鲜奶新鲜醇厚，与芋泥混合后，奶香与芋

Lunch set $88起前菜：滷蘿蔔主食：醉雞卷烏冬飲品：檸檬紅茶微甜少冰 本身打算係LCX食完野就行街，見到間台灣嘢幾吸引就入咗去，點知有少少失望😔滷蘿蔔得4塊，仲要好薄🧐但係醉雞卷烏冬係唔錯，不過不失啦👍🏻湯底有少少酒嘅味道，雞卷亦都好腍，唔會黐牙，烏冬就正常嘅。檸檬紅茶就好似出面茶餐廳嘅凍檸茶，而且冇茶味得檸檬味，少失望😞價錢方面完全唔值，不太推介

5月1號勞動節公眾假期到訪**雖然店舖門口大大個set lunch餐牌 但原來因為紅日 冇set叫 只有散叫**麻醬雞絲烏冬（$45）味道偏淡 唔夠麻醬 雞絲冇乜味🥲香酥雞扒 （$32）唔好以為32蚊 就會同台灣夜市/豪大大一樣咁大塊 其實得三件仔😭擺上個托盤度可以完美俾個烏冬遮住咗 我仲要問個店員係咪仲爭塊雞扒😂味道不錯 有啲似m記嘅脆辣雞腿飽 但酥脆啲同熱辣辣（p.s. 因為係兩個人share 諗住問佢攞多對筷子 但佢淨係俾隻細叉我）烤布蕾奶蓋鐵觀音奶茶（$38）味道算ok 奶茶味幾出但係個奶蓋薄得可憐🥲總結：如果你係想食海港城嗰個氛圍 我覺得個價錢都ok但如果你係想食/飲一啲好味嘅嘢 我諗海港城出面有更好嘅選擇

2個人，叫左一兜有3樣嘅滷水，同一個麻醬拌雞絲烏冬，堂食問佢拎多對筷子都唔俾，話小食兜有俾叉，兩支好迷你嘅叉，都算了，唔緊要。個烏冬好乾，問佢想要多少少汁，店員話規定左份量，我話好乾喎，撈唔到，店員話一係我俾湯你，規定左我話無味架喎(撈烏冬你俾湯我做乜？俾啲麻醬好難咩？普通野咋喎)最終店員見我堅持要麻醬就加左啲俾我圖中係已加汁後嘅樣，僅僅夠撈，多都無我唔係多到浸上面都問你拎做生意咁市儈，真係唔會有下次

老實講，因為係附近返工緣故，由佢啱啱係海港城開舖嘅時候已經開始食佢，一開頭的確係唔差，以海港城嘅餐廳黎講佢真心係平民價而且份量多足夠飽肚，當其時亦覺得佢個杯「黑糖珍珠岩鹽厚鮮奶」以呢個價錢算係幾出色，佢嘅「台式粗薯條」亦係我會好想encore嘅小食。直至近呢兩個月外賣自取，開始發覺佢嘅價錢不變但份量明顯少咗，以前佢個滷肉飯係足夠一個女仔飽肚嘅，但依家感覺份量起碼少咗三分一，不論係飯定還是係滷肉，而且味道亦有啲飄忽不定，以今日叫咗個滷肉烏冬，麵條煮得腍冇咗之前個重彈牙嘅感覺⋯⋯最令我震驚係盒薯條個份量竟然比之前少四分三，感覺都幾誇張，而且食落味道亦都同之前唔同咗，之前係會帶有啲甜味同芝士粉葛，依家真心係齋薯條炸完就算，感覺都只係比M記薯條好少少，佢會比較脆口。之前會覺得係性價比之選，但依家就真係覺得少少偏貴喇，不過以海港城價錢黎講依然算係平嘅～值唔值就等大家親自去品嘗喇～

啲員工好nice!諗唔到食咩就問有咩好推介，個店員好有耐性推介咗幾款人氣小食花枝丸同芋泥地瓜地，好好食！同埋叫咗杯白桃烏龍(店員推薦5分甜🫢話本來果茶已經好甜)我本身飲開珍珠奶茶全糖驚唔夠甜，好彩信佢姐，果然啱啱好，如果飲正常甜應該勁甜🤣🤣因為太肚餓仲叫咗兩個飯食，份量好多 食唔哂🤣店內同店外面都可以坐，最後揀係出面坐可以望海景，hea咗好耐幾舒服！係尖沙咀行到攰想搵地方食下野真係一大選擇，仲要啲嘢唔錯喎

行過，見到嘢飲小食都幾平，入去坐低聽吓歌，食吓小食不錯之選買完之後張飛亦寫明消費可以坐60分鐘過了60分鐘，也沒有人催趕 哈哈哈，太累了坐了兩小時😂 等食晚飯海港城呢個價錢絕對冇得彈店員態度也友善嘢飲好飲 小食也正常發揮三四十蚊 唔明啲人仲要求啲咩高要求的 都係返去食科技與狠活吧😂

-茶味極淡，點單少冰但半杯以上都是冰，只喝到5口左右茶，份量極少，葡萄柚茶有少量苦澀葡萄柚顆；-趕時間不適宜，下午三時左右需約25mins以上 才可自取兩杯簡單配搭茶飲；-服務態度語氣極為惡劣，飲管折斷不夠力弄穿杯封口唯有再取一枝使用＇突然被喝令不能自取飲管否則另外收費，令人十分疑惑飲管是否超昂貴東西？若然是很貴重那可以把所有飲管鎖在櫃檯內不許自取。同時應檢討飲管構造是否足夠堅梗刺穿杯封口改良杯封口設計，為一條飲管黑面呼喝客戶真的不知所謂；總括而言，以整體服務、飲品質素份量及效率對比價格，是非常不推介。在遊容旺點有這間香港本地店舖，希望不會影響香港形象，還望影片分享平台頻道快點完結聯乘此等店鋪以免拖跨健康形象。

鋪頭既衛生意識同態度好差首先，叫左杯大甲芋圓鮮奶，飲左啖發現無加小芋圓就同店員A講，佢叫我抽起條飲管撩開個膠膜諗住加番啲配料就算，咁樣既做法我覺得好污糟好唔衛生就同店員想要成杯換，點知後面店員B勁大聲講：下個客飲過嫁喎，點解要沖過一杯，直接加落去咪得。一黎，如果店員唔漏野我又點會要換？二黎，我覺得衛生問題要成杯換，好合理唔好因為自己同小薯茄合作就覺得點搞都會有人幫襯，做臭自己同人地既朵，咁樣只會愈黎愈多人番大陸食野

今天下午七点多，去俩仨点买了奶茶和梦卜饼。晚市时段本来店里人不多，我以为能很快拿到，结果等了半个多小时？？？饼吧，油太多，过薄薄一层的...员工态度也很差勁，爱理不理的，拽拽的，说话还带着点不耐烦。这体验，真心差劲💢……

今天路經海運大廈，有點口渴，見到有一間倆仨杯台式飲料，款式多價錢不貴，儘管一試吓，，，烤布蕾奶蓋鐵觀音小甜小冰。幾好飲便坐低大堂中間坐位歎一歎，只係覺得不及芝士奶蓋那麼好飲。在桌面上寫明，只供他們的顧客使用，合理。隨後朋友欲再買多杯其他飲品，建議購買芝士奶蓋，確實有芝士奶味，幾香口。飲完一口再一口，幾爽。。與朋友閒聊，身旁坐下了幾位同胞，在沒有購買任何產品超過5分鐘之後，有位胖胖的職員請他們要購買或請起身，相信幾位同胞不想花費便立即起身走人。此時本人感覺有點肚餓，這裡也有烏冬麵台灣麵可吃，味道尚可。隨後過多約20分鐘，那胖胖又來了，告知我哋他們之準則基本上只限坐約一小時，勸告我們差不多要走了，我問胖胖那裡有講明一小時為限，再者我剛購買烏冬只係20分鐘前，用餐不用時間嗎？他未有任何回應便跑了。基本上現場是有客但未滿，仍有位。眼見胖胖不時從店裡望出來睇下我地走左未。心中有點不是味兒，朋友說走吧。這一次體驗其實是差，店內沒有任何說明限坐1小時，不管你有沒有再買嘢食，差唔多夠鐘便叫起身，那來的道理，請各位引此為鑑。到這裡記得要快坐，快叫，快食及快走。。。。。味道覺得再好吃也沒用了。

茶味有啲既，但珍珠大部分都難咬，個芯係硬…口感好差！應該係無浸好….但其實餐廳唔多人….整體味道一般好處係唔算多人，飲品等左一陣就有本身想飲樓下果間，要等70分鐘….呢間勝在有位坐及啲歌幾好聽餐廳叫$30以上，有位可坐60mins ~Hea時間又無咩要求是好選擇！

今日出左尖沙咀整完嘢，就同女友過左海港城行街街，行到有啲攰，我就提議歇一歇，行行下就過左來倆仨伴.環境方面：座位算多，啲櫈都坐得好舒服，人流都唔少，但唔洗話等好耐位.跟住影低左餐牌就坐低左同女友從長計議睇下食咩飲咩，最後叫左個小芋圓大芋頭鮮奶3分甜同埋芒果茶凍.首先，講下個鮮奶，水準發揮嘅，一飲就有股奶香湧出來，再夾埋芋頭嘅香味同芋圓嘅口感，輕鬆咁俾到食客三重嘅滋味.然後就係個茶凍，都係個非常豐富嘅甜品，芒果嘅部分係冰沙尼嘅，嗰種淡淡嘅甜味加埋冰沙可以係補充糖份之餘，又令食客透心涼，兩個字精神呀！其餘仲有啲啫喱配翻個芒果味，然後就係個茶凍可以中和翻個果味，為個甜品嘅甜度攞番個平衡，再以芋圓作結豐富番個口感！總結而言，確實係一個假日消閒，中午小休再出發嘅充電好選擇！