影片
以上资料只供参考，请与餐厅确认详情
最近同事介绍公司附近有一间号称越南人主理嘅越南餐厅唔错可以去试。今日想起呢间餐厅就去拜访一下。难怪我平时行过都唔觉有间餐厅啦，门口细 招牌细 完全唔显眼。午餐时段 一个人。唔需要等候直接有位。后来逐渐多客。一张4人枱，坐了3组客人。香港餐厅一般自己帮自己落单，呢间都一样。选好炒猪肉汤檬餐，选了走葱，其他标准无特别要求。餐上得快嘅，一睇芫茜不见了，问一位男士楼面，反映我无要求走芫茜㖞，佢就话打咗走葱啦，我即时反应对啊，但我要芫茜嘛，佢话葱同芫茜系一齐嘅，咁点解我落单时仍可选芫茜？佢仲怪我唔知咩？我答真系唔知㖞，第一次嚟见识。食第一口嘅炒猪肉片，赖嘢；又硬又鞋。坐隔离枱有位唔识睇中文字嘅男仔要落单，当然叫佢自己搞掂啦，直至知道客人唔懂中文，才帮忙下单，点到饮品，男仔唔知道有饮品，个楼面一直用粤语问佢饮乜，个男仔好茫然，鸡同鸭讲咗一轮，男仔终于点咗餐饮。我坐旁边都觉得服务极不友善。另一方两位客人走后，另3位客人被安排坐两位座。我连坐旁边男生身上嘅汗味都闻到，因为餐厅冷气开唔够大。有客人已经坐低咗等上餐，被要求转位，问题系好似无得say no, 扯住走🫣本以为3人坐两人枱已经好迫，连食物都唔够位放。点知到我到门口位置付钱先睇到更夸张，一家6口旅客被安排坐一张4人枱。有够友善，有够良心的餐厅。
继续阅读
下昼两点几经过湾仔，见仲未食lunch就谂住揾间餐厅坐低食野，点知差唔多系食tea嘅时间，就入咗呢间话系正宗越南人处理嘅越南餐厅，一入到去，餐厅装修好企理，墙身又有啲越南特色挂画，睇下午茶嘅menu 都系一般越南餐厅食嘅嘢啦， 之后我就叫咗个香茅鸡扒捞檬，其实以下午茶嚟讲，佢份量都算几多，女士可以当系一个lunch，佢块鸡扒煎得好脆，同埋好juicy，一啲都唔鞋， 香茅都腌得好入味，仲有啲配料夹埋檬粉一齐捞嚟食其实都几好食，仲有包一杯嘢饮，食完已经好够饱，晚餐仲可以食少d添。
继续阅读
一个湾仔地胆极力推介， 想食最好味的越南餐， 就要来俊轩越南餐厅， 在湾仔轩尼诗道61号地舖， 离地铁站只是几分钟路程， 非常就脚方便 。餐厅不大， 但很精致， 墙上布满富有越南特色的画像， 有越南美女 ，越南风景 ，越南饰物 ，竹帽和灯饰都是越南风格， 坐得舒舒服服 ，老板是越南人， 大厨更是正宗越南大厨， 店员热情招呼， 奉上餐牌， 介绍特色食物， 有宾至如归的感觉 。地胆朋友负责点菜 ，一个越式拼盘 172元 ，一个午餐套餐， 越式猪扒法包配鹅肝75元 ，包一杯饮品热柠茶 ，然后再加钱点一个越式咸桔水， 两个人的份量应该足够了。 大厨还提醒不够再点 ，不用心急慢慢享受 。小食拼盘内容非常丰富 ，有好味爽口的扎肉， 炸得香喷喷外脆内软的 蒜香鸡翼 ，晶莹通透的虾肉牛油果米纸卷 ，还有越南特色春卷， 配菜就是新鲜的生菜叶， 薄荷叶和酸萝卜 ，卖相非常上镜 ，材料新鲜， 味道鲜美 ，绝对是食材的美味而不是调味料的味道 。份量确实不少， 配上越南特有的鱼露 ，两个人食得很满足。 越式猪扒法包配鹅肝套餐 ，也是一个很出色的菜品， 首先色字当头， 卖相非常抢眼 ，炸得香香的猪扒配上新鲜的配菜，有青瓜 ，酸萝卜丝 ，很多我喜欢的元西芫茜，当然还有鹅肝 ，法包是脆脆的， 咬落去索索声很过瘾 ，我们每人食半个法包都觉得好饱 ，真是太好了， 这里的食物让我感到很满足 ，再加上一杯越式咸桔水 ，更加畅快舒服，而且价钱很实惠 ，两个人是275元 ，就可以吃到非常好的越式食品， 下次要来试下越式汤河。😋😋
继续阅读
如题，星期一特别blue! 番工燥左成个上午，午餐好想食一个舒服的饭安慰个胃。开门用手示意一位，已经听到待应亲切的接待：啊妹一位过嚟呢边梳化坐。听到‘啊妹’个胃已经舒服左一半（🤣）拣左汤檬午餐，一个价钱有主食，一款小食及热饮，算几抵。拣左招牌火车头汤檬，小食拣左米纸卷，及热奶茶。（小食三选一：a,木瓜沙律；b,越式春卷；c,牛油果米纸卷）火车头足料，味道及熟度都啱啱好，听到隔离枱话法包都好食，下次会试吓。食完成个星期一嘅blue mood都扫走晒。准备埋单待应过嚟收拾，好有礼貌问：靓靓，系咪食完可以收拾喇。 （决定左一定会再嚟，要带埋啲同事嚟。星期一开心番晒😆）文字：一个肤浅的我图片：饿
继续阅读
lunch路过入去，觉得麻麻地，叫佐个生牛肉河粉，个汤唔够浓，普普通通，价钱偏贵，差唔多80蚊，有春卷送，但1d都唔脆，好硬。上菜速度都比较慢，想讲包糖，一拎起湿哂，入面潮佐🥲希望可以改善一下
继续阅读