影片
港铁调景岭站 A1 出口, 步行约4分钟
继续阅读
付款方式
以上资料只供参考，请与餐厅确认详情
這次經由Cailey 試食Agent 邀請我們去到這餐廳試食，本身Agent 都是說這間餐廳由於沒有人光臨，要朋友們幫手寫好評，但是我們吃完後，真的忍不住良心，要給一個真實嘅用餐過程給大家知道。食物不算太新鮮，而且還有點怪怪的味道，本身agent都是說他們的食物質素就是這樣，請不要見怪，而且可以按自己享用餐嘅真實感覺寫出來，最大問題是他們的丼飯質感很硬，飯粒很乾身，所以朋友們問我會否再光臨，我向他們說不！！希望各位顧客好運！
继续阅读
今日約左朋友去調景嶺果邊做運動，所以順便搵野食～見到呢間靚靚的便當屋，不設堂食，就心血來潮買Ｄ野食去野餐喇！見到好多款都想試，最後揀左幾樣：三文魚籽松葉蟹便當 $68呢個係今日重點推薦！平時食松葉蟹都唔平吧？而家有埋三文魚子都只係$68，好抵食的～蟹肉勁鮮甜，推薦！綠茶冷麵 $25冷麵口感唔錯，凍得來係爽口，而且個汁好夠味，鍾意食冷麵的朋友不會失望的～三文魚西京燒便當 $48西京燒整得好好，唔係一味得鹹味，而且食落夠新鮮，配三文魚剛剛好。而且仲有餃子，成個便當好豐富！韓風蟹黃飯糰 $17第一次食蟹黃飯糰，一咬落去勁多蟹黃流出來，而且10幾蚊就食到，簡直係蟹控的喜訊～雜錦壽司 $32呢個我覺得係最抵食，因為可以試到好多口味既壽司。Ｄ飯整得好實，唔會一夾就散開。當中我最鍾意饅魚！值得一提的是店員服務態度不錯，會主動告訴我們哪些食物需要加熱，很細心。推薦住係附近的朋友買返屋企食，或者好似我地咁去附近公園野餐
继续阅读
平時極少來調景嶺，今日同朋友剛巧有事要來這邊，便決決試試這家位於都會駅商場的便當屋！格局與爭鮮等速食壽司店差不多，但這裡沒有堂食。選擇非常多，令人眼花撩亂！🐟三文魚籽松葉蟹便當 $68呢款便當在店內算是比較貴的，但份量多，三文魚籽好鮮味，松葉蟹肉更是鮮甜美味，很推薦呢！🍱三文魚西京燒便當 $48這款也不錯，三文魚調味剛好，燒過後依然嫩滑可口，仲有兩粒餃子和少許漬物，買來野餐真係相當好feel! 🍣雜錦壽司 $32壽司賣相精緻，各款都吸引，我同朋友都讚不絕口！🥢冷麵 $25麵條質感剛好，不會太腍，有點口感，配冷麵醬汁食，好食到「雪雪」聲👍🏿如果下次再黎，一定會試下其他款式，也很推薦大家一試😊
继续阅读
屋企人俾咗＄100落去買啲嘢返屋企食，因為而家買餸煮飯都實在非常之貴，就算買外賣價錢都唔係差好遠，唔使洗碗好方便㗎。最後我就總共買咗五樣嘢，啱啱好＄100 ,家人都奇怪點解＄100可以買到咁多樣嘢。喺調景嶺嘅便當屋有好多食物選擇，但係啲嘢食都唔貴，價格介乎10幾蚊去到＄68 ,不過好多價錢範圍都係中間位，一般日本食品，壽司都有。當中就選擇左牛肉便當＄28綠茶冷麵＄25名古屋雞翼＄15大阪燒＄20細卷＄12啱啱一舊水。牛肉便當$28下面仲有豆腐，有辣嘅薑，同埋珍珠米，整熱後食唔錯，抵食過去牛肉飯連鎖店食個晚餐，已經夠晒飽。綠茶冷麵$25份量都幾大，如果唔係太肚餓嘅話未必食得晒，仲有青瓜蟹柳同埋海帶等等，不過果汁就唔算太多，亦都不算太濃郁，普通痛，建議可以自己買啲冷麵汁食更加好味。名古屋雞翼$15表面充滿芝麻粒，令味道更加香口，令我原本調味也很不錯，令人食完一隻想食更多。大阪燒＄20超級抵食，加熱之後裏面仲要口感非常豐富，醬汁調味一流，非常建議買返屋企食。細卷$12 有八個卷，總共四款口味，包括青瓜、甜品、蟹柳、酸瓜，食少少吊下壽司引都唔錯！
继续阅读
今日媽咪冇喺屋企煮飯，唯有自己食自己。如果出去餐廳食，得自己一個又覺得好悶。就不如近近地買個便當返屋企食，再煲下劇，睇下戲，咁樣都唔錯。就在調景嶺都會駅商場有一間便當屋，門面望落去充滿日本風味。一進去鋪頭，就看見收錢的地方用一個火車造型，感覺真的很獨特，很可愛。這裏出售的都是日式便當，有飯團，冷麵，各式各樣的便當⋯⋯小食更有大阪燒，章魚小丸子等等。想不到款式都幾多。一人晚餐點可以食得求其？所以我足足買了一個便當盒，一碟卷物和兩個飯團🍙。和風照燒雞便當＄38店員很貼心，會當場問你是否今晚進食。如果是的話，他會幫你加熱，所以可以省點自行加熱的時間。想不到少少一間小店都有這樣貼心的服務。打開飯盒，真是很驚喜。這個飯盒很精緻，裝成一個木盒，很文青的風格。便當除了有雞扒，還有很多配菜，有粟米，西蘭花，獅子狗，小番茄和蛋絲等等。再配上它的照燒雞汁拌勻，很滋味。雞扒嫩滑，雞皮亦都夠薄，所以不覺得肥膩。粟米很香甜，為便當加上一些爽脆口感。米飯雖然急凍過，當然沒有剛煲起的那麼新鮮，但是也不會過腍，仍保持飯的質感。卷物二重＄26這個很推介！一碟有八大件，很抵食！它分別有蟹籽卷物和芝麻卷物。芝麻卷物很好吃，裏面包着甜蛋，外面包着香口和脆卜卜的芝麻。這樣的配搭很好味，芝麻的濃郁香味在口中散發。蟹籽卷物裏面就包着甜蛋和蟹柳，同樣好味。不過我個人喜歡芝麻卷物多啲！蒲燒鰻飯團＄15鰻魚飯團都只是＄15。紫菜很香脆，包左一起再加上日式醬油和芥辣，就已經很滋味。鰻魚味道濃郁，鰻魚汁更滲入飯團之中，不錯。和風牛飯團＄13和風牛肉很惹味。用這個價錢食到，真的很便宜。米飯和餡料的比例剛剛好。建議大家買來之後立刻吃，因為我把和風牛肉飯團放進雪櫃冷凍，明天才拿出來吃。可能太冷的關係，就會比較乾身，所以即買即吃是最好的。
继续阅读