影片
以上资料只供参考，请与餐厅确认详情
食家推介
呢间铺细细间，虽然唔起眼，但生意都几爆。放假会约埋同学仔一齐帮衬，比较抵食，价格平民。哥哥同妹妹都中意食手抓饼🫓+肠粉，我中意食牛肉海南粉，海南鸡连皮都爽口，好，我地3个大人3个小朋友食满满一大桌，埋单3百几。值得推荐
继续阅读
一心想食石磨肠粉，睇左食评后都满怀期待叫左两款肠粉，鲜肉肠，冇乜肉都唔再系重点，系超难食，真系好失望，佢仲差过街边10蚊肠粉，肠粉皮又厚又鞋又冇味另一鸡蛋鲜肉肠仲差，食左两淡真系冇哂心情再食，点样先可以整到咁难食到咸骨发菜粥，应该叫咸骨发菜渣粥，发菜小得可怜，但唔紧要啦，我主力想食咸骨啫，但系佢只系普通一旧唔好味而且唔咸既猪肉排啰！到个海南粉，个汁*杰*到鼻涕咁就连个糯米鸡里面只鸡亦都系劲多毛咁样做生意，过意得去吗？野食整到咁差，作为厨师有冇尊重过d食物？真系未试过食到咁嬲，个个揾钱都辛苦㗎百7蚊埋单，得杯豆浆正常真系唔好咁冇良心啦，比d咁既野人食
继续阅读
作为一个海南粉打手，我终于揾到香港最正宗嘅海南味道啦😭，见到个卖相听到啲文昌话就知一定冇嚟错，食落口仲系𠮶个味😭，而且又平又大碗，真系挂死我了。见到咁多人大热天时排螺丝粉，真系好想同佢地讲，不如嚟太子食海南粉啦，好食仲要唔洗排呀😭。✏️海南粉 $42 🍎9.5/10其实真正叫法应该系抱罗粉，可能用海南粉做噱头会多啲人识挂🤔。哩一间冇用到海南米粉，而系用米线代替，前者较粗身有咬口啲，不过就算改用米线都唔影响佢嘅味道！因为系用牛骨熬制，所以个卤汁系鲜甜中带酸，好开胃，如果再杰身啲就更好啦，不过依然好挂汁。配料有花生、酸菜同腌过嘅干牛肉条，所有嘢一齐摆落口真系超满足，特别系个牛肉条，好入味好juicy，真系其他地方揾唔到的味道，仲要先$40就有一大碗连豆浆，真系想日日都去食😭。✏️正宗海南猪骨汤米粉 $32 🍎8/10因为抱罗粉实在太好食，哩个汤粉即刻被比下去🤫。其实个猪骨清汤都系鲜味十足，有瘦肉、粉肠同猪润做配料，如果钟意食辣都可以加佢嘅自制辣椒酱，不过个人认为食海南粉最重要系食个汤同汁嘅鲜甜味，唔会食到成口味精个肚又唔舒服😋。✏️鸡蛋鲜肉肠 $22 🍎8/10虽然系标榜石磨肠粉，但肠粉皮唔算好薄，不过都滑身嘅，猪肉同鸡蛋嘅份量好多，淋上嘅甜豉油酱汁终于唔系沟水的😂，所以好入味。如果食埋佢嘅粉面真系会饱到食唔落肚，因为所有嘢食都偏大份，如果胃口较细，都系allin海南捞粉啦🤫。哩个价钱又唔使排队，真系好推介大家嚟试吓，如果唔啱食咪当食一餐谭仔lunch啰😳，不过餐厅本身好细间，啲枱櫈都预咗坐得唔特别舒服㗎喇，但都算干净卫生，唔会摸上手黐luplup，快lunch首选！
继续阅读
一路好中意食肠粉，经过见到有间石磨肠粉，入去试下！佢嘅肠粉正常，口感都滑，不过仲系揾唔到细个食𠮶种味道。环境好细，唔好太大期望，如果超钟意环境好靓又干净嘅话呢个地方就唔啱啦，但如果你唔介意简简单单试吓食肠粉就得！
继续阅读
对海南粉心思思，上网见到呢一间舖有得食，又系市区，好方便。一入门就听到熟悉既文昌话，好似返左海南咁。嗌左一碗猪肉海南粉，同鸡蛋肠粉，仲有一杯豆浆。海南粉闻落系熟悉既香味，配料都十足，炒花生好够火候。美中不足既系用左米线（好似系），食到一半有出水，卤汁就沟稀左。如果用返海南粉，应该会100分啦～食得太饱，鸡蛋肠就冇咩感觉了😂😂😂😂豆浆几香口～
继续阅读