來富餐廳 (已結業)

经过食个tea,叫左set炸鱼柳薯条~旧炸鱼好大旧而且都几好食,不过D薯条就好麻麻!油淋淋而且系番炸,仲要点埋佢\只劲酸既茄汁,哗…救命!下次都系食麦记较好呢~…查看更多

　小弟是日放假，故到日上三竿至起身。起身时都已经十一点几钟，唔通仲食早餐咩？猛然醒起，屋企楼下间来发午餐都几抵食㖞，卅皮有饭有汤有饮，即时有股冲动，拿拿临落街买咖喱牛腩饭午餐食。　十二点钟入到去已经满座，地盘工友同埋主妇们，早已占据卡位，故都系买返屋企食好。佢午餐，有十几款，除咖喱牛腩饭外，仲有炒粉面，或者猪扒饭、咕噜肉饭，以供唔同人士需求。我钟意食佢咖喱牛腩饭，因为牛腩唔肥，咖喱汁多，而且都好大盒，有时仲要同老妈子一齐分享添。　惊喜唔系盒饭，而系佢老火靓汤，今日靓汤系粉葛扁豆煲猪，我最钟意饮呢种汤，因为自己都经常骨痛，粉葛汤常饮去骨火，而且煲要好花工夫。佢之粉葛汤，并唔系粗制滥造、添加味精之劣品，而系真材实料，汤渣仲有旧靓猪添，煲得十分够火。佢都有所谓之红白西汤，即罗宋汤或忌廉汤，但觉得西汤唔系咁好饮，尤其是忌廉汤，假得好似豆粉水咁。　毋怪乎，见亲个个地盘工友食午餐时，都叫老火中汤啦。证明唔系净系小弟Buy呢只例汤！…查看更多

9月11日14:00又近中秋，奉母命送月饼到姨母家。再到这里开餐，见有担担面全日供应，便一试炸猪扒担担面。担担面：白素面，无炸菜、无花生碎或酱、无肉末，白开水般的汤底，紧带点微酸。炸猪扒：惨白色，厨房无炸浆？HK$22.-面+热饮算平，但这样的货色，真的有点儿那个。…查看更多