來多碗車仔麵 (路德圍) (已結業)

36蚊3餸，薯粉加5蚊，我叫左少薯粉，但唔係少餸，佢一條魚卷剪開當有3條，湯低無味。現時肺炎，重要叫我同人搭枱 ，同面對個個零距離，無隔板。44蚊我唔應該期望佢係多d餸

我到底食左d乜？食到懷疑自己味覺有問題， 叫左豬紅豬皮炸魚皮河， 湯底完全無味， 同水無分別， 辣醬唔好食， 餸只能話有味，絕對唔係好味。 無下次。 勁耐無食車仔麵， 好掛住好想食， 行行下見到呢間， OpenRice 都叫有d like , 就試下， 太伏啦， 餸勁少選擇，我一向容忍度好高， 呢間野真係太過分。 唔該俾d心機，俾d誠意做啦， 車仔麵係好多人嘅愛好， 好食可以好開心，呢間野食完一碗唔知食左d咩， 全餐最好係果盒陽光檸檬茶， 真係好失望。

店員態度親切﹑有禮貌。店內有量體溫嘅儀器。座位整潔，有卡位。廁所需要大力開門先入到。入面都乾淨。我叫左福洲魚丸﹑通菜﹑粗麵。麵嘅軟硬度剛剛好。湯底鹹度﹑濃度不錯。

行過見到有魔鬼辣就不如試下由於六點後冇堂食就外賣回家向店員阿姨講明要魔鬼辣椒醬 她就問我食唔食得辣 我答可以(我譚仔食開中辣）佢落左少少普通辣椒醬同一匙羹魔鬼辣椒我擔心會比啲湯中和左 所以想問店員拎多一包仔辣椒醬 點知佢串串地咁話已經加多左俾你啦😳咁我唯有算啦以為都會夠辣點知返到屋企發現根本就係微辣...說好的魔鬼辣在哪...（我媽食左舊蘿蔔都食吾出係有辣😂)蘿蔔甜但唔夠淋 潮州丸肉汁甜甜地但太淋三餸麵40幾蚊都唔係好抵因為料吾多🙈不會再去荃灣分店 咁嘅服務態度 咁嘅質素...

早早地，想吃麵做早餐，見到來多碗未吃過，於是試一下。見到外賣3餸送罐裝汽水，正喎!進去像以前一樣在門口位選食物麵底，我最喜歡粗麵，不要湯撈麵見到每樣食材賣相不錯，店內鎮店之寶尤魚，所以必選。見到尤魚都吸了鹵水，色澤不錯，選了!吃下真心非常彈牙入味豆腐卜我吃到甜豉油和辣辣地，吸了少少辣油好滋味豬皮都是非常入味，又不咸♡豬紅個人情懷喜歡，補血之選，哈哈!枱上調味料比較普通，沒有想要辣菜葡地方很衛生如果吃辣記得取麵時自己落辣椒醬，自家秘製，辣辣咸香麻麻，多重層次。蔥也是自己落的，各方便都不錯，價錢又平，材料很懷舊鹵水味道不錯

最近都在荃灣工作，中午突然間想食車仔麵😄睇食評啲人話來多碗好好食😋所以決定去試吓我叫咗秘製豬紅，秘製豬腸，鮮韭菜餃子同腸仔侍應話啲秘製醬汁好好味，於是我就決定配幼麵果然冇令我失望！真係好好味！特別係豬紅！韭菜餃子亦都非常之鮮味，韭菜味濃皮薄餡靚😝😋加埋個秘製辣醬真係好好食～😋而且價錢真係好便宜，性價比高而且高質👍🏻👍🏻大家經過荃灣就去試吓啦😊Delicious and finger-licking noodle 🍜😋😋❤️

無良心做食市可以自我檢討從未見過如此難食既店烏冬可以煮到唔似烏冬湯底淡如無味究竟係點樣煮到出黎基本上係無可能可到將呢碗麵放得入口仲衰過自己屋企煮色澤食物品質完全不合格話自己叫來多碗連個麵底都未能夠處理好配料咸到食完要洗腎仲好意思收呢一個價錢個小食生菜係苦既求其過水煮完就算我究竟食咗啲咩？點解開一間咁難食既餐廳都可以經營到落去可以將咁既食物枱無人食極度劣質食物材料不知所謂無下次既體驗什麼來多碗可以有咁多好評？？

✦5餸車仔麵（豬紅/蘿蔔/花菇/魷魚/通菜/油麵）-湯底有色無味-油麵太淋一夾就斷，應該係成世人食過最唔好食既油麵👎🏻-蘿蔔刨得唔夠深好多渣-花菇炆得夠軟淋，味道普通-豬紅入味，但係純粹咸味-辣魷魚不過不失呢間車仔麵以前係觀塘時係由細食到大，即使係觀塘搬過幾次鋪位都仍然會大汗疊細汗咁行去幫襯🏃🏻全店最好食既就係個黑色辣醬以前既辣魷魚同辣螺肉更加係必嗌😍聽聞由2019年年尾開始，老闆已經頂左間鋪俾人冇再做，而來多碗既分店都一變四四變十二突然想回味下兒時已經開始鍾意既味道，結果失望而回仲要連黑色辣醬個味都唔同左了

路德圍有好多嘢食，尤其係車仔麵。呢度真係乜都有得食，要突圍而出唔係容易。呢間車仔麵算係咁多間裡面其中一間有質素的。同其他餐廳唔同，呢間一入到去係先點餐，然後先坐低。店員都算係有耐性，因為我第一次來咩都唔識，佢都幾詳細講解有咩最好食，有咩要食等等。不過我最後都係依照個人喜好叫咗個金錢肚午餐肉公仔麵，加多樽凍豆漿。我要承認，個麵係真係份量細咗啲。。但係午餐肉算係唔係幾薄，金錢肚亦都入味同夠林。個招牌辣醬就幾好味，幾醒胃。下次經過會再幫襯

路過見到有間車仔麵，咁啱想食 就入去試下啦 果然有驚喜，叫咗兩碗麵 叫咗唔同既送，一碗係，韮菜雲吞，雞翼尖，豬腸，辣味尤魚，韮菜雲吞好入味，好好食又大粒 好香，唔會好肥，雞翼尖又係超入面鹵水汁超好食 對於我好鐘意食雞翼尖既人黎講真係好好食！豬腸好淋好正，唔會好肥唔會好瘦，無異味正，辣味尤魚，一個字爽，雖然好辣 但越食越上引，超正。另外一碗叫咗豬紅，牛腩，豬皮，仲加咗秘製辣汁，豬紅好爽口，牛腩好汁，辣醬好正，辣得黎好好食，一個字值

近呢幾日事情比較多，所以一到Lunch🍽時間，就求其搵一日餐廳就入去食，因為都有幾多都無開工😔，最後我地一行4人就入左間，門面比較新又裝修得幾好嘅<來多碗車仔麵>🍜。我地入到去的時候，暫時都無咩人，可以即時叫餸揀麵。講真對於我個人黎講，食得車仔麵又點可以冇牛腩同豬紅？除咗呢兩樣，我再加咗墨魚丸。至於麵底我就揀咗冇咁肥嘅米粉。上麵嘅速度好快，好有效率，如果大家lunch趕時間醫肚真係冇得頂。至於d餸方面，牛腩夠稔夠入味，豬紅實淨味道亦好，墨魚丸同米粉就正常野，最要講嘅一定寂豆漿，飲咁多間呢間係最好飲嘅！整體以呢個價錢計絕對ok。

湯底無味(已加腩汁)，米線淋到死，老公碗粗面唔好食。我叫左6個餸，牛腩無味，切到絲咁幼；冬菇都係無味嘅；福州魚蛋唔彈牙，魚皮餃一般無特別嘅現成貨；豬大腸其實係豬小腸，好押，最好食係個菜。老公食左豬紅，佢話ok；魚片頭有如擦膠；墨丸正常；韮菜餃皮厚，料少。食完仲要去轉角冰室再食。唔會再去。其實食車仔麵做晚飯已經係對個餐冇乜要求。有時候真係覺得佢地係整熟左啲嘢然後就賣俾人。我真心覺得做飲食要過得自己過得人囉。

搭小巴既時候聽到前面個小朋友係咁叫媽咪帶佢食 來多碗來多碗🤣 令到我都心思思想帶媽咪食碗車仔麵過吓癮🤣 車仔麵啲餸係港式童年回憶 又係香港人口味🇭🇰 媽咪話諗起都流口水haha😝來多碗都有好多間分店 不過荃灣呢間就未食過啦 望落座位都幾乾淨👍價錢方面 佢唔係按每個餸分別計錢👀 我叫個五餸麵點都係$50 絕大部份嘅餸都唔使額外加錢👍 抵過其他散叫既車仔麵檔👍我要左 豬紅 雞翼 花菇 金錢肚 通菜 叫啲$14蚊既餸實抵啲啦😝豬紅唔會話好削 內裡好滑好入味😋蠔皇靚花菇好厚肉 炆到好淋😋 蠔油更帶出花菇嘅鮮味 好甜好好食！😋金錢肚唔似係酒樓食蒸嗰啲 呢個口感爽口好多😛 配秘制辣汁食一流🤣媽咪就要左個四餸$43 再加一隻溏心蛋（每日限定）賣相都唔錯㗎🥳 好溏心不過就略嫌甜左少少豬腸好惹味 洗得都好乾淨 一啲膻味都冇👍 入邊仲帶咗啲脂肪 食落軟綿綿 亦都好吸湯😋整體食物唔錯 價錢好合理👍

閒時間唔中都會去路德圍附近搵食, 今次黎食"來多碗"車仔麵, 餐廳好似以前傳統車仔麵店咁, 喺門口可以睇到哂車仔麵餸一格格, 睇睇餐牌都幾多選擇。揀好車仔麵餸麵同飲品就可以喺門口位置有收銀位直接落單俾錢, 跟住就可以坐定定等食, 店員會拎食物上枱。蘿蔔清甜無渣, 墨魚丸夠彈牙, 蝦條都好味, 而且湯底就算清湯都好清甜👍另外叫咗台灣麻辣鴨紅, 有鴨紅仲有韮菜, 真係夠哂麻辣, 確實好少會喺車仔麵店搵到。豬皮同鳳爪好淋又入味, 推介豬腸都好正好有豬腸味(鍾意食豬腸就會明😂), 魔鬼辣醬果然係勁辣夠香, 鍾意辣可以試下。

荃灣路德圍有好多麵食鋪，今次就黎左「來多碗車仔麵」食返碗車仔麵先～來多碗係先叫餸比錢後入座的，所以如果你有選擇困難，可以先係門口望望menu😆 佢餸既選擇都幾多架，而我覺得佢好聰明咁將必食推介寫左上牆度～ 而我就貪心d叫四餸，食佢其中四款必食推介😏我叫既係「秘製牛腩、秘汁雞翼、古法豬紅、咖哩魚蛋油麵」～🤩 自己就覺得佢餸既份量都唔少，雞翼有2隻、豬紅有5舊、魚蛋4粒，牛腩就有肉又有筋🙆🏻‍♀️-雞翼入味，而且一咬肉骨分離，除左滷水汁味，另外自己食落覺得好似有鹽水浸過既味（？！）唔知係咪不過本人幾鍾意陣味😆😆-咖哩魚蛋爽同彈牙，咖哩味對我黎講係唔辣既-牛腩牛筋入味，特別係牛筋。牛筋仲好有𡁻口-豬紅唔會太淋，完全唔會話一夾就散晒除左餸之外，呢度仲有2款辣醬，分別係秘製辣醬（圖右）同埋魔鬼辣醬（圖左）～ 因為驚辣，所以分開上個醬，個人幾鍾意秘製辣醬，除左有辣香味仲有陣甜甜地既味～ 可以撈落麵/點黎食～另外仲要左個凍豆漿，初頭以為杯上但原來係一枝枝。雖然未聽過個口牌，但味道都唔錯架～