影片
营业时间
今日营业
12:00 - 00:00
星期一至六
12:00 - 00:00
星期日
12:00 - 22:00
以上资料只供参考，请与餐厅确认详情
相关文章
细细个开始阿妈唔想煮饭时都会落街买碗车仔面上黎质饱我，由一开始独孤一味食油面红肠鱼蛋到大个左乜都食，车仔面算系一份情怀同时系值得推介比人既特色，呢次有日本既朋友黎香港，咁岩行开旺角逛下逛下就带左佢黎食，舖仔细细有啲香港旧时既画做装饰好配合返个vibe！食物方面系我想像中既味道，应该有既𩠌都一应俱全，仲有自助酱料区，而我为左比朋友食到唔同既野就有咁多𩠌嗌咁多𩠌啦！嗌左好多𩠌就讲啲我必推架啦萝卜 - 车仔面入面菜系好可以索到啲汤汁入口，呢个萝卜抆得好腍身又入味，首推呀！猪耳 - 虽然佢冇麻辣字眼，但其实佢系麻辣味架，劲开胃又好咬，正溏心蛋 - 好少舖头溏心同卤水都有，呢度就有，食得出系日本蛋，几溏心一咬就漏哂出黎猪红 - 去亲车仔面档我系必食猪红既，呢度都冇令我失望，系传统既味道，特别在佢仲有鸭血可以嗌，不过呢次我冇食，唯有留返下次啦牛肚牛筋 - 基本出色既牛，筋位烟靭补骨胶原，肚位质感美妙凤爪台湾肠麻辣鸡墨鱼丸牛腩都有唔错既水准，而菜底系计一个𩠌架，不过无论面底定菜底都好大份，岩哂我呢啲大食既人小食我整系嗌左个必食辣鱿鱼 - 感觉系玻璃水鱿，口感系爽口同弹牙唔错，酱汁我觉得几开胃
继续阅读
今日带来自上海既朋友黎试香港既传统特色美食车仔面，真系快靓正！六𩠌车仔面（＄72）叫左咖哩鱼蛋、溏心蛋、墨鱼丸 、鸡翼、 狮子狗、 鱼皮饺。 朋友加咗魔鬼辣酱， 真系名副其实， 辣得非常过瘾， 钟意辣嘅朋友值得一试。真系要特别强烈推介溏心蛋， 冇谂过系一间车仔面店食到咁好食嘅溏心蛋， 仲好食过好多拉面店， 溏心蛋嘅调味刚好， 流心程度简直一绝， 食完真系想encore多只。咖哩鱼蛋亦都好入味好弹牙， 鸡翼大大只啖啖肉。六𩠌车仔面（＄72）猪肠(+$2)、猪耳(+$2)、溏心蛋、日式蟹柳、芝士肠、台湾黑椒肠。 食车仔面最爱点油面，呢度既油面面质好爽弹。除左个 溏心蛋 ，猪耳亦都非常有惊喜， 非常爽脆爽弹， 一咬落去就索索声，猪耳用左魔鬼辣酱调味， 一食就上头。 日式蟹柳亦真材实料，食落系甜啲。 台湾黑椒肠唔系间间车仔面都有， 当然要叫黎试下，亦都几好食无拣错。必食辣鱿鱼（$30）原本以为会好辣， 但相比佢既魔鬼辣酱， 佢呢个辣度真系好轻微， 甜甜辣辣几开胃， 鱿鱼亦都算弹牙。秘制鲜猪手（$32） 猪手大大份好大只，肉质厚实，都几扺食。腐乳通菜
继续阅读
来多碗车仔面有几间分店，今次经过旺角分店于是入去试一试，一入门口就是开放式厨房，摆满了四十多样唔同款式嘅𩠌菜一目了然，地方虽然唔系太大但都是卡位坐得很舒服，一边墙身用了富有香港情怀的壁画作装饰，简单得来有特色。👍首先去开放式厨房选择了自己需要的面底、𩠌菜和饮品，付款后再找座位坐低便可以。面底都有好多种选择，有油面、粗面、幼面、米粉、河粉、乌冬和公仔面、濑粉和米线都有，𩠌菜有40多款选择而且价钱唔贵，饮品更有跟餐价优惠。👍💯😋如果喜欢食辣的朋友店舖还有三种带唔同辣度的酱料畀你自助添加，有微辣酱、沙爹酱同埋魔鬼辣椒油，总有一款合各位口味。👍💯我选择了1面6𩠌$74面底要油面，𩠌菜分别是鸡翼尖、鱼蛋🍡、牛筋(加$2)、凤爪、墨鱼丸和鲜竹鱼卷，汤底其实已经够味但我加了少量沙嗲酱试一试，味道即刻变得有层次感带有小辣，沙爹味很香。😋牛筋炆得很淋食落好滑，鸡翼尖卤得入味。🤤😍朋友也选了1面6𩠌$76面底要米粉，𩠌菜分别是牛腩(加$2)、贡丸、萝卜🥕、猪红、牛柏叶(加$2)和菜肉饺。米粉吸收了汤汁很够味，所以不用加其他调味酱，萝卜🥕很甜食落无渣，牛腩炆得很淋唔硬，牛柏叶食落爽口。👍我们还叫了4款特色小食1：必食辣鱿鱼🦑$30用了沙爹酱做调味不是太辣，鱿鱼🦑食落爽口2：猪肠鸭血$30卤水猪大肠卤得很入味食落嫩滑冇骚味，鸭血带有麻辣，食落很开胃3：秘制鲜猪手$32卤水猪手卤得很入味，猪皮煮得很淋一啲都唔硬食落淡淡骨胶原，正！4：蚝油韭菜$13韭菜都算嫩滑冇渣跟餐叫了两杯饮品🥤🥛1：热陈年柑桔蜜🍯$7饮落带有少少咸甜味很润喉2：冻柠乐系列$13我改了雪碧加柠檬🍋，柠檬🍋都有几片很够味这一餐车仔面食得很丰富很饱，而且价钱不是太贵值得在encore。
继续阅读
呢几年车仔面贵左好多，相对食少左。但系偶然都会怀念个种传统腩汁沟沙爹汤底嘅味道。今日系旺角决定放纵一下，食两碗车仔面。佢有唔同配搭，我分别叫左六𩠌油面同九𩠌濑粉。配料相当丰富。牛肚和牛筋牛柏叶系食车仔面一定会嗌嘅，特别推介糖心蛋，热得入味又唔会煮过龙，完美地提升了整体口感。猪红豆推介。有我钟意的牛筋丸。而腩肉都入味。咖喱鱼蛋的味道令搭配的面条增加额外嘅香气。猪耳和猪皮的脆口感则为整碗面增加了不少风味。凤爪的酱汁渗透得很好，菜肉饺的馅料也丰富，让人觉得十分满足。另外叫左碟腐乳通菜补充番啲膳食纤维。另外，小吃方面的辣鱿鱼和猪肠鸭血都值得一试。辣鱿鱼的口感嚼劲十足，辣味适中，觉得唔够辣嘅朋友仲可以额外添加魔鬼辣椒油，保证够辣。猪肠鸭血则香滑，香香辣辣，是不错的下酒菜。
继续阅读
系繁忙的都市生活中，偶然都想食快靓正既车仔面。今日黎到喱间朋友介绍既车仔面，佢话喱到辣油劲好食㖞。车仔面𩠌选择非常之多，我叫左萝卜、牛腩、鲜支竹和冬菇。牛腩肉质鲜嫩，汤汁入味，萝卜冇渣，鲜支竹既口感和冬菇都为整碗面增添了层次感，同埋我钟意咁嘅配搭冇咁肥腻。朋友就叫了猪手、猪肠和牛肚，猪手肉质软嫩，猪肠都好香 ，处理得干净。腐乳通菜通菜一定要配搭腐乳，通菜爽脆，成餐饭更加丰富均衡。价钱唔贵，由入嚟到到食完半个钟头都唔使，岩哂繁忙既香港人，喺车仔面嘅独有魅力。
继续阅读