來多客餐廳

以前成日去来多客开餐，喜欢佢坐位濶落，侍应服务殷勤，食物比一般茶餐厅好味。但冇去一排，今晚再去帮衬，可惜是食物质素下降，有个男侍应（高高戴眼镜的）帮我哋点完餐转身时，我哋想改一改嘢，随即叫番佢改，佢只系行咗两步就扮听唔到，叫咗两声唔应，第3声先拎转头望一望我哋，然后就继续行开，另一个女的过来帮我哋改单，又帮佢解围话佢听唔到。之后听到前面带黑口罩既收银细细声讲：讲声改咩咪得啰！我们坐佢后面听到哂，但冇话佢费事同佢嘈。虽然我们冇期望在茶餐厅会得到什么优质服务，但咁既服务态度，真系请我都唔会再去。…查看更多

每次黎到，都好钟意食呢个铁板扒餐，可以拣2 款扒，仲有饭 / 意粉，另外仲包大大碗汤，蒜蓉包，仲可以拣汤水，每次都系叫冰冻绿豆沙嘅。次次都一定食哂哂，唔驶加一都系$72，超值呀…查看更多

来多客餐厅，位于深水埗元州街154号地舖。 餐厅座位宽敞， 服务有礼。 菜式款式多，晚餐🥢 ～ 铁板扒餐 ( 巴西猪扒、鲜嫩牛扒) + 罗宋汤+蒜蓉包+ 喳咋 $70 、 惹味沙姜鸡+油香饭+油菜+ 中汤+海带绿豆沙 $70。 🔸铁板扒餐 ( 巴西猪扒、鲜嫩牛扒) ～ 可以任选两款扒， 我拣了猪扒和牛扒，两款都软嫩配上蒜蓉汁，味道更佳， 薯菜份量亦多，非常丰富。 🔸罗宋汤+蒜蓉包 ～ 罗宋汤酸中带甜， 配上香脆的蒜蓉包，美味双拼。 🔸惹味沙姜鸡+油香饭 ～ 沙姜鸡嫩滑美味，整道菜充满浓郁的沙姜味。 🔸油菜 ＆中汤 ～ 有油菜和中汤， 两者都几好味。 🔸海带绿豆沙 & 喳咋 ～ 套餐仲可以选饮品或糖水。 餐厅性价比高， 价钱亲民。🏷️温馨提示～ 整个用餐体验均属个人分享意见， 只作参考😊。 …查看更多

呢度晚餐都系五字头价位又成日换款式绝对唔系颓货跟餐系送糖水平时糖水舖都要卖廿蚊啦同埋d员工落力做野 认真做事不过OpenRice好少正评我觉得要帮帮佢地同埋香港嘅饮食野要学下佢地唔好再整劣食出嚟…查看更多

来多客喺深水埗元州街多年，我觉得最大卖点就系啲位够阔落，通常都唔使等位，除非你系超繁忙时段，杯碟碗筷都系干净，食物质素多年来都系不过不失！今日食咗猪扒包配糖水，佢有样几特别嘅嘢就系饮品可以转糖水，喳喳 或西米露都系唔错选择！今日拣咗猪扒包配热喳喳$40，雪菜鸭丝炆米配热咖啡$51。两样都系正常嘅味道，唔会有太大惊喜，我觉得如果做学生系呢间餐厅食几抵，因为佢有张叫「饭饭掂」嘅餐单，着校服可减$6🤣🤣🤣🤣仲有佢下午茶系去到6:30 ，我都有试过收早6:00冲入去食个下午茶饭餐做晚餐，平价之选！…查看更多