影片
招牌菜
呢间快餐系几年前一位朋友介绍最近又再路过 挂住d盐酥鸡 决定入去食返餐！每次都必定会叫 盐酥鸡鸡蛋饭/面 如果叫饭可以选茄汁/黑椒汁/白汁等等配搭如果叫面/米粉就会几条菜配搭 比较健康d~唔够食仲可以加𩠌自己配搭 一个𩠌都系几蚊 好抵叫左一碗盐酥鸡鸡蛋米粉🍜盐酥鸡真系好出色 一口一粒 外脆内软😍仲有呢度既冻奶茶真系好正好好饮睇个颜色已经知 茶味够奶味又香 走甜都咁好饮🥤呢度主要做街坊生意 好多回头客 因为快餐黎讲实在太好食！
继续阅读
佳美乐快餐卖相:C+味道:B-份量:A+服务:B-环境:B-卫生:B价格:B+WIFI:冇冷气:A+返食指数:50简评:这间食店位置盈丰商场内,由我中学生细细个都而家三十几岁人,此店都系屹立不倒!正宗做街坊生意,深受区内人士欢迎,不过我自已住左屯门咁耐,食呢间舖,系五只手指数得晒,其实味道都算不过不失,份量相当不错,我认为格价同食物质量都算对比的,其实最令我欣赏既系,水吧位主舖得一两张餐枱,佢主要系开隔离的舖位,特别之处系商场本身有中央冷气外,它还加设两部窗口机,令到食客食得舒适
继续阅读
早排同朋友一齐怀缅下中学成日食嘅铺头😂虽然系屋企附近，但已经几年冇食……以前有得坐出面，夏天热辣辣食到出汗😂记得有一次片树叶仲飘咗落杯嘢饮到🌬盐酥鸡蛋饭连埋冻饮都系$44😛佢嘅咖哩唔辣，但系好香，啲咖哩汁比较稠身🥘加埋只煎得好靓仔嘅大阳蛋捞饭真系绝配😎盐酥鸡有好多粒，炸到脆卜卜咁，肉又唔会干😙饭嘅份量亦好多，食埋啲薯仔真系好饱，女仔叫小饭都得🤣可以配唔同嘅汁，例如茄汁同豉油😚
继续阅读
位于屯门盈丰商场佳美乐，店内座位非常少，不过，如果多人老板㑹在店外加枱。呢度有盐酥鸡，入口香脆美味，一试难忘！茄汁猪扒蛋饭，份量好多，落单时可以叫少饭，薄薄的猪扒，非常干身，唔油，啖啖肉，煎蛋可以拣太阳蛋，虽然喺简单既碟头饭，我依然吃得好满足，还有饮品赠送，奶茶喺一个不错既选择，茶底非常香，入口浓滑，是大排档味道👍🏼
继续阅读
位于盈丰地舖既佳美乐 细细间 以前老细会摆枱喺街 不过宜家冇放 所以都要等佢俾枱你 一餐好似颓颓既颓饭 其实店家一啲都唔hea 猪扒松软有味道 饭大大碟 豉油甜甜地 再加埋杯柠茶 柠檬有味 茶底都好浓郁 够哂香食成个餐都系37 都几抵食
继续阅读
您可能会有兴趣的...