影片
去了朋友家附近既酒楼，因为我好想饮茶。点了几个菜式，包括叉烧肠、春卷和烧腩包⋯我必须讲，都不错啊！首先是叉烧肠，内馅多肉，叉烧味道浓郁。春卷皮炸得好酥脆，卖相系有惊喜！最后系烧腩包，馅料有猪肉腩，仲有香芋，口感好丰富无令我失望，不错不错！不过环境方面 因为人多都吾算寛松！酒楼职员算有礼貌，招呼都好客气但系卫生就一般，因为地下会有上手食过既野
继续阅读
5月28日揾食肥华谂住，陪完靓妈到摩士公园晨运后，跟住饮早茶然后再到大成街市，买今晚，晚餐𩠌料，所以选择到呢间位于大成街嘅酒楼，饮早茶系不二之选，此店早茶食物普遍都OK，而价钱亦实惠，可惜空调冷气真系不足，肥华要一路抹住汗唻饮呢餐早茶，可能受空调不足环境影响，今早此店竟然有乌蝇及蚊滋骚扰茶客，肥华杯茶就有只乌蝇，当咗做游泳池，加上有个染咗金短发，肥肥婑婑嘅女侍应，仿似系惩教处前员工，对顾客限制到，连坐位嘅方向都要依其指示，真系影响叹茶心情，今日此店得到肥华呢个劣评，呢位女侍应，功居不少😤🤬😤🤬👎👎
继续阅读
星期五晚朋友聚会，当晚酒楼客人较少，所以坐得十分舒服，侍应、经理服务都好好😃😃自来海鲜加工，味道不错，很合我和朋友的口味，由其是「蒜蓉粉丝蒸北寄贝」，😋😋😋味道熟度刚刚好，加工价钱合理，下次有机会会再来。😙
继续阅读
疫情过去，难得约朋友聚聚，无意中拣咗呢间，点知中伏，佢唔近地铁站，但如果识行可能会好啲。酒楼地方算大，今晚客人唔算多，侍应服务唔太差，起码会自动加水、换碟 ，叫佢哋都好快行过嚟。 但食物质素完全唔掂，好咸，自携海鲜，但煮得好咸，系𠮶度另外叫咗 4 个𩠌，都好咸。 饭后送甜品「绿豆沙」，但系结过「糊仔」 😖😖😖食到尾声，竟然发现有只「小动物」走出嚟「巡舖」，吓鬼死，同侍应讲，佢哋竟然冇乜反应 🙄🙄🙄🙄，真救命! 所以，冇下次
继续阅读
家庭聚餐好地方 - 佳庆大酒楼好耐都无去探婆婆，而婆婆中意食中菜 ，为左就脚，就拣左呢间酒楼食午饭 。午市开11点，但 我地去到够11点入面又仲有坐位都竟然吾俾我地入去坐住等 系门口等左5至10分钟左右先入得去，其实对行动不变既长者系一种惩罚，希望餐厅会注意呢点吧 ! 入到去坐低后，都好彩马上有服务员招呼你， 周围环境几好 ，够光猛，又 够哂冷气， 够大，坐得几舒服既。我地去到时间尚早，人吾多 ，我地几个大人叫左10个小点左右， 都已经食到好饱啦，仲有剩，最后都系由我夹硬食埋 ! 特别推介个龙虾焗伊面 ，我见到有好几台都会叫 呢个，可能因为将经过上汤烹调的芝士放系龙虾上面，龙虾既鲜甜汁液又流入伊面，令伊面都充满海鲜的滋味，整体非常好食而且都算抵食。 成餐饭d侍应都算好有礼貌 ，招呼周到 ，其他点心都好好味， 好岩我阿妈同婆婆口味， 之前上FEEHK度睇到评语话呢间酒楼唔掂当 ，所以其实一直都唔敢帮衬， 今次都惊中伏，但最后竟然有意外惊喜喔 ! 点心款式多而且价钱合理 份量正常偏大，特别系山竹牛肉球， 除左食午饭， 呢间酒楼原来仲有火锅任食， 睇左张菜单都几吸引 ，下次出开黎黄大仙，都可以试下 佳庆大酒楼地址 : 黄大仙彩虹道121号启德花园商场二期1楼101号舖电话 : 25033328营业时间 : 星期一至日 07:00-18:00 (疫情期间，去之前先打电话确认营业时间喔 ! )
继续阅读