影片
两个麻甩佬收工系荃湾揾饭食，自不然就去左三坡坊睇下食乜好，见天气有啲凉，就入去佳坊食个锅暖下个人。昅一昅个餐牌见到牛杂锅就决定要佢，个锅来到真系份量十足，牛膀牛肠牛肚样样齐，仲相当入味，萝卜仲好冧好甜，一边食一边队啤真系麻甩佬既天堂。个锅两个人食真系唔系点需要加其他菜，我哋加碟肥牛，一碟菜同一个面，食完都饱到上心口。
继续阅读
食饭时间周围都好多人谂住随心拣一间老板热情推荐我哋入去试一试咁就试吓啦！！！服务都几好 枱面有一碗热水俾我哋洗餐具有好多煲类产品都好吸引不过唔系好肚饿所以今次选择试吓佢哋嘅小炒豉油皇中虾火候十足非常惹味虽然系中虾但系都唔会好细只感觉都几新鲜 肉质扎实😋味道方面唔会好似出面咁咸豉油反而有带少少甜味惊喜系虾头嘅膏都好好味油盐水浸大砚抵食 大大盘好多只砚个油盐水都几出色 个汤可以就咁饮仲有好多粉丝垫底吸哂满满既汤汁😍😍椒盐墨鱼头粒粒都炸到金黄色外面𠮶粉唔会好厚 炸得好酥脆而且入面粒墨鱼头大大粒好弹牙真系真材实料👍🏻👍🏻👍🏻估唔到啲小炒几出色下次要试埋鸡煲先得！
继续阅读
😃E间嘢自从过年前开张果时试过之后就定时定侯都要嚟，原因系佢D小菜真系价钱平、碟头大、够镬气，劲惹味😋，近呢十年八年周围食嘅经验，佢嘅😍*椒盐白饭鱼*真系可以讲得话系［四区之冠］，冠系冠绝荃、屯、元、天，所以一试就上瘾，每隔一两个星期就心挂挂，要出嚟止下咳先得🤤！而*小炒皇*就足料又大碟🤩，招牌*猪筒骨胡椒鸡脚锅*分量都唔小嘢，一锅足够三、四人食！连随意叫一个咸柠七都比佢吓亲！😱原来系用个几有特色嘅方形玻璃樽载著🥳，几靓之余真系一D都唔随意，个supersize都应该足够二人享用😂！家阵咁嘅时势又要好食、又要经济、仲要食得安全，睇怕都非佢莫属喇！我每次嚟都钟意坐门口，户外枱，空气好D，开阳D，咁就唔怕呼吸都变吸毒(病毒)啦！😁
继续阅读
8个人去食，叫左个海鲜猪骨胡椒煲，好正，好足料，另外一个鸡煲，啲鸡都好味，唔太咸，又唔会得骨头，再叫左啲小食椒盐墨鱼咀，咖哩黄金牛腩，芥末牛柳粒都好正，出面比较少机会食到。由于大家都好肚饿，食到一半都觉得值得推介，所以食左先补返影相上黎share。员工服务态度几好，又会主动推介食物，另外为左8个人倾计方便，安排左个好舒适的房仔，够晒私隐，可以高谈阔论。最后又啤酒汽水，人头都系200头，但食到超饱，下次会再食！
继续阅读
用openrice 咁耐都系第一次写食评, 呢间野食过两次，第一次系见新开咪同老公走入去试吓啰，两条友叫左两三碟野食，佢啲野食都几新鲜又够味🤪今次系同埋班fd 一齐食叫多好多款野食但有啲冇影相🙈，店员都好有礼貌，杯咸柠七好大杯好抵饮,个个fd都赞冇介绍错，下次要再食👍👍👍
继续阅读