何車車仔麵 (大南街)

营业中

休息中

4月1日晚上大約1915黎何車買外賣返到屋企一肚氣， 我不是第一次去何車食外賣， 覺得都ok 首先買咗個五送係冇問題嘅因為我要中辣， 第二碗我買咗個十餸要腩汁唔辣嘅，點知返到屋企第二碗係辣嘅， 因為我哋特登行過去幫襯佢嘅比我個女食。。小朋友食吾到，我就打去問下點解會甘，佢既回覆話10餸係 魚旦同雞翼尖 辣嘅，第一我就問佢點解吾係張外賣紙講係 辣嘅，點解我叫5餸食就 有魚蛋都唔辣嘅， 佢冇回覆真係好激氣

第一次黎到何車車仔麵menu款式都算多入到門口坐底，感覺好舒服似係去左cafe多啲一開始係用QR CODE落單但我唔知點解掃極個CODE都無反應店員好好地幫忙蒜油咖哩撈麵蒜油味係0，因為個咖哩好惹味而家好少係車仔麵舖食到惹味既咖哩咖哩5寶，所有材料都好入味特別要講既係蘿蔔，食落仲甜既，好鬼正吉列炸蠔，一咬落去裡面既蠔汁支出黎建議真係要灘耐少少先食蠔味好足，好正唯一不足係佢都算厚粉，但咬落脆卜卜，所以都係好味蒜油蝦籽撈麵，正，難以挑剔最開心係食車仔麵有清漉飲

Overrated😐。幾好食但唔係必食，價錢進取，整體還好。・・・・・・・・・・・・・・・・・・・・🍜 自選4餸車仔麵 HK$71揀咗 ＞ 燒牛舌芯、燒豬頸肉、糖心蘿蔔、何車水魷（油麵）湯底 ＞ 滷水腩汁兩溝，麻辣小辣・味道 & 口感：糖心蘿蔔 ＞ 燒豬頸肉 > 何車水魷，牛舌芯不了，失望☹️。🥕糖心蘿蔔真係甜而冇渣，嗰種甜係蘿蔔天然甜味非後天加工/滷水，係而家車仔麵好少食到嘅甜蘿蔔，一咬即散。🐷燒豬頸肉係條狀，燒得面頭焦脆，咬落就夠豬油香。🦑何車水魷係附滷水汁另上，好輕微嘅辣加埋滷水汁嘅甜，水魷爽脆唔係烚到淋哂，都OK。🐮燒牛舌芯好失望，超薄片狀發揮唔到牛舌芯嘅軟嫩，薄過肥牛🥲。而且食落0牛味⋯而且太薄其實食唔出燒肉香，一食得出嘅話多數係燶咗炒車先食到出，寧願畀得兩塊都畀厚切我喇，大失望😮‍💨。🍜油麵正常，湯底幾好喎唔係出面啲咸到洗腎嘅湯底，有淡淡似係滷水嘅甜味。份量幾多，每款餸都有6-7舊wow。//🐟 炸魚肉春卷 六件 HK$30 ・味道：食得出有魚肉味，配個泰式酸辣醬，就係想像到嘅正常味道。・口感：彈牙有咬口，炸面都微脆嘅～//🍜老何十餸麵 HK$64包括：豬皮、豬大腸、

車仔麵和之前提及到的大排檔小菜一樣，都是香港的地道小食。在香港相對落後時，令有經濟困難的人可以享受便宜又美味的一頓飯。不過，何車車仔麵並不是傳統車仔麵店。根據網上資料，店主喜歡日本的食物，又喜愛港式車仔麵多變靈活的形式，便將兩者結合。所以，店舖的裝潢走日系路線，Menu有日式叉燒、手撕雞、溫泉蛋、竹輪竹、拉麵等等。可見，店家提供的是refined車仔麵。何車的主食除了麵食，還有丼飯，並且有大量小食和炸物提供。麵食有湯麵和撈麵，這次兩款都吃了。麵食可以自選餸，或者選店家預設的5餸或10餸。湯麵(圖1️⃣-5️⃣)自選了豬紅、冬菇、牛柏葉、水魷，粗麵加鹵水汁。各款餸也不錯，牛柏葉爽，水魷彈牙，豬紅新鮮不會臭，冬菇入味。但不會是非常出色，因為這個車仔麵較一般車仔麵貴，要$65，只能說食物水準符合它的價格定位。不過份量略小，要令人regularly回訪，阿薯認為價格要調低一點。值得一點讚的是，它的湯底不是味精湯，味道有層次。根據網上資料，店主於訪問中表示，湯底是用了豬骨、全雞和中藥熬製。阿薯更喜歡的是撈麵(圖5️⃣️-7️⃣)，選了老何麵10餸配黑松露撈。這個黑松露撈麵惹味非常，極濃味，再配上黑松露的香氣，喜歡

咁啱經過見到呢間餐廳，見到門面都幾靚，車仔麵嘅選擇都幾特別，麵底都有幾多選擇，連蒟蒻麵都有😍😍😍，不過座位唔算多，坐低咗一陣，其他客人之後都要排隊🤣款款餸都好吸引，所以我地叫左細何麵5餸（$46），唔使自己決定🤣🤣就包括左有豬皮、蘿蔔、雞翼、陳皮魚蛋、豬紅，麵底就揀咗蒜油蝦子撈麵（$16），亦都可以揀辣度，仲叫咗一個黑松露薯條（$18），車仔麵嘅餸款款都好惹味，蘿蔔本身都好淋，而且冇渣😍，啱晒我呢啲次次叫車仔麵或者米線都要食蘿蔔嘅人🤣雞翼嘅都好入味，加埋蝦子味同蒜頭味，撈埋真係好香🤣🤣🤣，真係必試尼個味！！！

咁啱經過見到有間有得食特色撈麵嘅車仔麵檔🤗裝修設計都幾新😎好有風格實在太多選擇😆今次趕時間買外賣 試咗其中幾樣認真好食😋雖然份量對於食量大、增肌組既朋友仔有啲少😅😆整體味道好新鮮感📌溫泉蛋黑松露撈蒟蒻麵$28📌西蘭花燒牛舌芯湯蒟蒻麵$43（自選）📍太子大南街28號

今日終於試到呢一間長龍車仔麵店，整體都真係唔錯，唔怪之得咁多人排隊啦。第一次幫襯都唔知揀乜嘢好，於是簡單直接就叫咗個10餸餐，等佢幫我揀埋唔洗煩。以下是詳情：蘿蔔雖然最唔起眼嘅嘢竟然係最好食，真係做到糖心兼無渣。豬皮爽脆彈牙夠新鮮無豬臭味。豬腩肉d肥嘅脂肪位都保持彈性唔會成pat肥膏咁樣，夠入味。豬大腸洗得好乾淨，保留到豬腸嘅原味而又洗走晒d無臭味。鹵水雞中翼還可以，再入味d會更好食。雞翼尖好飲味，不過肉質略嫌林咗啲。魚片頭比想像中結實，呢隻貨幾好食。豬紅夠新鮮夠爽口。肥牛普通野好彩唔係好肥。陳皮魚蛋都係d正常野啦，個辣汁唔錯。最後佢個豆漿唔係好甜啱晒我。

同朋友喺太子行完街街，想搵間快靚正嘅餐廳食下午茶，最後見舖頭名咁特別，所以入去試吓。我哋分別都嗌咗細何五餸麵，五餸分別有豬皮，蘿蔔，魚蛋，雞翼，豬紅，每個餸都有三四件，件件都好入味😋。魚蛋係我最愛嘅陳皮魚蛋，雞翼煮得剛剛好唔會太熟。我轉左蒟蒻麵底，好適合減肥人士食，食完又飽肚感，口感好特別，下次食我都會再轉蒟蒻麵底。口痕痕再嗌多個小食，鬼佬炸豆卜4粒，豆卜炸得好香脆，喺上面冧咗由牛油，芝士，香草而整成嘅醬汁。

週末假期打算同老公去太子有一間餃子店試吓(因為身邊有幾個朋友都話好食, 仲send埋地址比我)點知一去到, 門口寫住逢星期日休息!!真係有少少唔開心🥲咁冇辦法啦, 唯有周圍行吓覓食...喺同一條街，行前多幾步路, 就發現有一間外表裝修都幾文青嘅一間車仔麵檔, 睇到Menu好似幾吸引，一於就去試下我就叫咗一份輕食set : 黑松露撈麵, 有豬皮, 豬紅, 雞翼,魚蛋(仲要係陳皮魚蛋)黑松露撈麵，不過食落去覺得蒜油香多過黑松露香(微微), 不太油膩, 蘿蔔夠甜, 豬皮豬紅就正常啦, 整體上都唔錯👍🏻我都喜歡另外，嗌咗一份小食, 炸腐皮蝦卷炸得夠鬆脆，裏面仲要有芝士添, 正完食呢一次，我都會下次帶埋朋友黎再食多一次, 試吓其他嘅車仔麵☺️每牆貼滿好多好多好評👍🏻

🫶🏼我最喜愛港式食物之一🫶🏼🚘🛞🚘車仔麵🛞🚘🛞何車嘅車仔麵有五種麵底揀屋企人揀咗傳統湯麵底我就比佢嘅蝦籽撈麵吸引咗🥢🥢🥢🥢🥢湯麵底🥢🥢🥢🥢🥢麵底：粗麵扣底四餸：燒牛舌心、燒腩肉、金菇、媽媽水餃配料：蔥、芫茜、乾蒜、蒜燒牛舌心 — 爽口👍🏻燒腩肉 — 肥瘦適中🐷媽媽水餃 — 皮薄、一口一隻啱啱好🥟🦐🦐🦐🦐🦐蝦籽撈麵底🦐🦐🦐🦐🦐麵底：粗麵扣底四餸：糖心蘿蔔、豬大腸、秘製冬菇、鯪魚球配料：蔥、芫茜、乾蒜、蒜乾蒜、蒜配料撈埋啲麵超惹味糖心蘿蔔 — 鮮甜無渣豬大腸 — 夠淋，唔會好肥另外冬菇入味，不過鯪魚球就算比較失色似普通魚旦，但碗湯好鮮甜絕對唔係味精湯，因為飲完唔會口渴🍴🍴🍴🍴🍴炸腐皮角🍴🍴🍴🍴🍴細碟嘅有四塊，炸得香口，唔會太油薄薄哋，食完唔會覺得好邪惡🤭呢度仲有好多款小食提供唔想食麵，仲有飯比你揀價錢合理，味道出色，一定會再幫襯👍🏻

裝修行文青清新風，似一間cafe咁。牆上面有好多食評同手畫嘅公仔，幾趣致。入座後用qrcode落單，湯底就揀咗鹵水汁同腩汁，味道無乜層次，少少甜味咁，唔算好出色，唔會特別想飲，6/10。麵款好多選擇，揀左蒟蒻麵，幾彈牙幾得意。蘿蔔完全冇渣，非常清甜。9/10冬菇就頗失色，得個大字，唔入味，好一般。4/10雞翼入味肉質幼滑，好食 9/10Btw, 有陳皮魚蛋揀，正店員服務好有禮貌，成間舖感覺都良好舒服。

係舖頭出面已經聞到佢哋最出色嘅4小時熬製藥膳湯底香味，每樣送都好好味，食到小店嘅用心製作，雖然餸菜睇落好似好貴，每樣餸都要+10幾蚊，但其實CP值超高份量超多，嗌了燒豬腩肉可以有五至六件，仲要大大件，燒得好香，調味入味好好味，之前喊外賣已經覺得好好味的何車，牛舌芯薄切好嫩好香牛味，燒豬頸肉上面有孜然粉好味程度同燒豬腩肉不相伯仲好難取捨兩個都一定要嗌，糖心萝卜細細舊，但係好甜好林好入味，豬紅又係，好入味，好味！！碗麵都好大碗，朋友話啲餸好似食極都仲有，我地兩個人都食得好飽

食車仔麵是童年的集體回憶, 今天經過大南街見到這家頗具裝潢的車仔麵店, 心血來潮要入去試一試 它不是傳統的車仔麵店, 好有文青風, 鋪面地方不大但簡約雅致, 店員也全部清一色是年青人. 枱面除放有車仔餸點菜紙外, 還有一張食評紙, 歡迎食客留言, 並自行貼在店內牆壁上, 店主不會篩選食評紙, 以實力感動顧客的心!我其實並不肚餓, 只點了個兩餸麵, 猪紅+猪大腸+米粉, 可自選醬汁, 我選了最愛的腩汁, 還有四種配料可加減: 芫茜, 葱, 蒜, 乾蒜, 我特愛香菜, 所以全部都要。十分鐘後, 一碗熱騰騰，香噴噴的米粉送到我面前, 猪紅好爽, 大腸炆得好腍, 湯底配上各種香菜令人想連湯都倒進肚子裡。原來牆上貼滿的好評留言全不是客套話! 讚!

好耐之前經常去界限街分店買外賣，知道呢度開咗分店好耐，坐位多咗，但係之前一直好多人排隊所以唔等，呢日中午12:00路過見到有位，即刻入去坐低食我哋點咗一個何車十餸麵、細何五餸麵、蠔油韭菜、凍蜂蜜柚子茶、Zero可樂何車10餸配粗麵$63豬紅、豬皮、豬腸、魚蛋、雞翼、雞翼尖、肥牛、燒腩肉、魚片頭、蘿蔔首先要讚啲餸好入味，各自有唔同嘅味道，但要彈嘅係每樣送得兩件，仲要切到好細，好似廚餘頭尾咁，碎濕濕，即使10個餸放落個碗度，望落去都有好多少野咁另外粗麵冇煮透，咬落有幾啖都係硬嘅細何5餸配麵$46加牛筋$16豬紅、豬皮、魚蛋、蘿蔔、雞翼都係一樣，全部餸都得兩件同好細件，加$16嘅牛筋亦都係兩件😪蠔油韭菜$18韭菜冇渣，除咗蠔油仲食到有麻油香味凍蜂蜜柚子茶$13蜂蜜柚子份量少得離譜，如果唔係用隻匙羹撩到個底見到有少量柚子，唔知以為飲緊清水Zero可樂$10埋單食咗$166 ，以車仔麵來講算係貴價，我哋點嘅餸全部都係平價食材，但係份量少得令人失望

何車車仔麵門面小小，原來餐廳座位都唔少。餐廳最出面同最入面都有枱、靠牆亦有高枱。.堂食採用QR code自助落單，落完單好快食物就陸續上枱。.自己點咗細何五餸配油麵，配料有4-5款任選，湯汁有腩汁鹵汁甚至兩樣揀晒都可以，辣度又有得揀。細何五餸包咗豬皮、豬紅、糖心蘿蔔、鹵水雞翼皇同陳皮辣魚蛋；除咗雞翼皇得一隻，其他餸都有幾件。$46咁多餸又大大碗，幾抵食。湯底係藥材加雞骨熬，加咗微辣辣汁幾好味亦幾入味。糖心蘿蔔夠甜，陳皮辣魚蛋彈牙亦好味唔腥。加咗小食炸魚肉春卷4件，同朋友每人兩件；最後食晒所有嘢發覺勁飽，唔可以睇少車仔麵😆.朋友點咗招牌拉麵麵底，都OK.入座時未夠7點唔洗等位，離開時就嚟8點外面開始多人要等位了！