何車車仔麵 (大南街)

营业中

休息中

週末和朋友行經太子地鐵站附近，見到這間車仔店門面光鮮亮麗，店內坐滿客人。一行四人，等咗大約5分鐘可以入座。店內裝修整潔，open kitchen沒有油膩感覺，枱面有顏色筆和紙張，可供小朋友畫公仔或食客留言貼在牆上。南乳豬手和冬菇炆得很入味，不肥膩。咖喱五寶有驚喜，咖喱汁甜香，豬皮爽脆，蘿蔔有糖心，魚蛋竟然用上陳皮魚蛋，仲有牛柏葉和水魷👍👍👍鬼佬炸豆卜炸得很香脆，配上意大利香草汁，令人喜出望外，估唔到中式豆卜配上西式醬汁如此美味，豆卜放涼咗依然脆口😋何車炸盤，脆炸蠔、炸腐皮角、炸腐皮卷和醉炸雞翼，😋😋😋韭菜豬紅有童年回憶，正😋 喜愛吃辣的，不能錯過何車雞翼尖。推介蒜油蝦子撈麵，蒜蓉配搭蝦子好味道到難以形容，已經食到好飽，都不能放棄撈麵有很多餸可配搭，推介牛舌芯、肥瘦相間的燒豬腩肉、燒豬頸肉……還有撈麵奉上的湯，充滿藥材香味encore 醉炸雞翼😋美味的炸豬大腸，令人忘記咗膽固醇！炸薯條配上黑松露醬，人間美味😋唐人炸雞，香脆不油膩。一間很值得推薦的車仔麵，食物種類超乎你想像，每一款食物都令你有估唔到的驚喜。仲有好多食物都想試，但係眼闊肚窄，下次再相約朋友來光顧

//何車車仔麵 //四餸麵($62)係屬於比較新派嘅車仔麵比較特別嘅係如果怕肥嘅話可以選擇蒟蒻麵或者菜底但小編唔怕肥嘅精神都係揀返米粉😎今次揀咗嘅餸係燒腩仔鯪魚球娃娃菜豬皮四樣餸都好好食尤其鯪魚球入口好香我認為大家必點仲有娃娃菜吸晒個湯底嘅精華簡直係冇得頂👍🏻👍🏻其實都見到好多餸都好想食但係我又怕我食唔曬所以唯有要下次先食😝😝不過呢間係我必定會再次去食嘅舖頭😙評分(五星為滿分)⭐️⭐️⭐️⭐️何車車仔麵 (大南街) (太子)太子大南街28號地舖大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知太子原來有間咁正嘅車仔麵鋪頭 😎📢#hongkong #hkfood #mk #mongkok #mongkokfood #旺角美食#太子美食 #香港美食 #香港覓食記

已經唔知第幾次encore呢間車仔麵嚕，因為真係唔錯🤣🤣😋湯底其實偏甜，所以個人建議點都加啲辣同配料（唔一定好似我咁加晒🤣），但會令個湯惹味同多層次啲。不過我哋唔係好食得辣，微辣都覺得辣左少少🥵😝 自選車仔麵 1 🍜豬腩肉、豬皮、蘿蔔配油麵（+所有配料+鹵水汁腩汁+辣汁+麻辣）（全部微辣）豬皮 蘿蔔🐽🥕每次嚟都要點，豬皮夠爽，蘿蔔夠淋又無渣，重點兩樣都好入味💕豬腩肉🐖有啲孜然味🧐，肉質有啲乾，唔算好驚喜。自選車仔麵 2🍜豬頸肉、日式叉燒、燒牛舌芯配油麵（+所有配料+鹵水汁腩汁+辣汁+麻辣+咖喱）（全部微辣）日式叉燒🐖啲肉夠淋唔柴之餘，仲有豬油香。豬頸肉🐷冇乜味，只有咬口🥺燒牛舌🐄👅爽口，仲有少少牛味。個人建議，如果鍾意食爽口嘅朋友仔，叫牛舌芯比較好。小食🍡醉炸雞翼🐔出面好少見到，所以今次叫嚟試試。真係有驚喜，好香花雕酒味，雖然雞翼唔係炸到好脆口，但整體而言都係唔錯嘅小食。整體來講，個人覺得呢間車仔麵舖餸款式夠多，無論傳統定新派嘅都唔錯，大大碗又唔算貴，值得推薦。🤤食物🐽🐽🐽🐽環境🐽🐽🐽價錢🐽🐽🐽🐽

一直聽聞何車車仔麵好好食，今日終於有機會試到. 叫咗三餸配河粉底,包括豬手，甜蘿蔔同埋炸魚皮.真係好好食，好滿意.先講炸魚皮,香脆得來唔油,每一下咬落去都好脆,個人喜歡先浸一浸落個湯度再食, 每啖都帶有湯底嘅汁，再加埋香脆口感,食到唔停得口!甜蘿蔔都好腍好入味,值得推薦.最後係個豬手,應該係最近舖頭嘅新出品,見到餐牌咁提到,就決定試一試.豬手炆得好腍,入味.個人覺得口感腍咗少少.但無影響我覺得呢餐嘅觀感,真係好好味，好推薦大家嚟食!

🍚何車車仔麵 (大南街)做完副業想搵食就去左附近1間經過n次既餐廳同近地鐵站個間唔同 呢間有得坐低食🍚蒜油蝦子撈麵+燒豬頸肉+鮮蝦雲吞+魚肉春卷一來到覺得賣相一般但撈麵味道唔錯😋本身想叫牛腩但賣晒唯有叫推介既豬頸肉個味道👌🏻但d肉比較肥 爭d雲吞 同 魚肉春卷 加左d湯用另1隻碗載雲吞唔錯👍🏻魚肉春卷幾好 但得2條少得滯🍚米線+燒腩肉+糖心蘿蔔湯底落左麻油好食d蘿蔔同燒腩肉正常🍚鬼佬炸豆卜落左牛油同d綠色唔知咩野係上面炸得好脆呢間一定會再來!💛何車車仔麵 (大南街)太子大南街28號地舖#何車 #車仔麵 #太子 #旺角 #美食 #牛舌 #撈麵#黃店 #openrice #foodie #foodphotography #食好西 #foodporn #food

尋日經過太子，見到何車車仔麵唔多人，不用等候，直接入座。我叫了菜底菜心，牛舌芯和炸魚皮。湯底加了少少辣汁，非常好飲。炸魚皮有加熱，非常香脆好味。牛舌芯夠淋，整體幾好。

心血來潮想食下車仔麵知道太子呢間車仔麵好多人排隊同外賣一定要黎試下我地叫左蒜油蝦子撈幼麵+牛舌芯+糖心蘿蔔+陳皮魚蛋一黎到就見到超級多蝦子係面 勁吸引牛舌芯好香 亦都唔會好軔好難咬糖心蘿蔔完全無筋 真係好甜痴埋D蝦子食超正陳皮魚蛋 好香陳皮味 少少辣個撈面個味係岩岩好 佢仲會連埋個湯比你以防D麵太乾可以加少少落去整濕D另一碗就叫左蒜油蝦子撈烏冬+燒腩肉+糖心蘿蔔+豬紅+魚腐同樣又係勁多蝦子係面糖心蘿蔔唔使講啦 一定必食燒腩肉好香孜然粉味 惹味香口豬紅唔係好似出面有D鋪頭咬落去好實至於魚腐佢就擺左落個湯入面浸住賣相同味道都好好分量都好足環境服務都唔錯 乾淨企理價錢都唔係十分貴非常推薦大家黎食

好耐無食車仔麵，今日去左何車試下。鋪頭門面唔係好大，入面座位唔多，如果一個人或兩個人黎都需要搭一搭檯。餐廳無乜裝修，但貼滿好多食客評語同鼓勵說話，都幾特別。 雖然鋪頭細細，但餐廳採用QR code落單。餐廳有麵有飯食，我目標係車仔麵，當然叫返碗車仔麵。車仔麵係先揀麵底，再揀餸。為左我呢啲有選擇困難嘅人，佢地仲有老何十餸同細何五餸，等我地唔駛左諗右諗。另外每碗麵都可以加蔥，芫茜，乾蒜同生蒜。醬汁就有辣汁，咖哩同麻辣俾大家揀。 細何五餸油麵 ($46) 細何五餸包左豬皮，豬紅，糖心蘿蔔，鹵水雞翼皇，陳皮魚蛋(辣)。糖心蘿蔔真係好正，無渣之餘，食落仲有清甜嘅味道。豬紅同樣出色，唔知係唔係食左糖心蘿蔔，唔知點解豬紅食落都係甜甜地。鹵水雞翼皇就十分入味。最估唔到係陳皮魚蛋，竟然真係有陳皮味！ 豆漿 ($12) 豆漿好新鮮，唔會好甜，好岩現代人口味。 戀括黎講成個麵都好好，下次會回頭試埋佢其他餸。 

終於抽到時間黎食何車🥹🥹聞名不如見面，真係好好食啊😋😋好貪心嘅人，係咁叫想食嘅餸，好彩最後都食得哂🫡🤭今次試左豬紅，蘿蔔，何車鮮水魷👍🏻👍🏻，大腸，配中辣，香蒜乾，蒜蓉💛🥰本身都食得辣，去到周圍都係食中辣，其他都係好一般辣，但何車真係不得了😋辣到有驚喜！！！！！而呢隻辣味，唔係普通嘅辣，係出面食唔到嘅味道！自己調配出嚟嘅味道！🥰🥰豬紅：真係好入味，好甜😋蘿蔔：切到係一口蘿蔔，好細心，好甜，冇渣之餘仲要勁入味！大腸：洗得好乾淨，滷水都好好食！何車鮮水魷：係分開一碗另上，配埋甜豉油同辣油煮起嘅汁，好出色😋😋

旺角餐廳林立，但超過7成都是伏😅很難得才找到間有誠意的這間車仔麵在關注組很有名朋友介紹一於試試！店內面積不大，牆上貼滿紙仔很多客人畫公仔很溫馨呢幸好平日晚飯時段有位車仔麵有各種配料選擇竟然有牛舌芯！牛舌彈牙可口，醃得入味菜心淥得翠綠，爽脆清甜湯底很濃郁！不是味精湯那種朋友是大食份子，叫了多餸，雞翼、肥牛、蘿蔔、魚肉春卷、魚片頭溏心蘿白很甜！肥牛很濃牛味～魚肉春卷很彈牙！！全部都愛😍朋友連湯都喝了，證明有多好吃🤪

網上睇人瘋狂介紹呢間嘢走嚟拜訪下嗌咗三樣嘢食炸腐皮蝦卷🍤嚟到熱辣辣炸到外脆內軟香口好食老何十餸麵🍜有豬皮、豬大腸、豬紅、蘿葡、雞翼尖 、鹵水雞翼、陳皮魚蛋、炸魚片頭、燒腩肉，每樣餸都好好食，湯底亦好濃味，正呀！蒜油蝦子撈麵配燒牛舌芯🍲今次試幼麵 濃郁蝦味配埋蒜油撈埋一齊勁惹味但牛舌芯我就覺得普普通通下次會揀其他配料呢間會回頭再食！👏🏻

以前成日會去界限街外賣店買外賣，已經覺得湯底好出色！宜家大南街鋪頭有埋堂食仲正！可能無左界限街，大南街鋪頭就勁多人等位同等外賣。不過真係值得等嘅！佢嘅陳皮魚蛋有好香陳皮味，真係唔係度度都食到🥹 豬大腸超入味，蘿蔔又甜又juicy，超正！湯底記得要揀咖喱汁+辣汁，係以前界限街鋪教咖，絕對無得輸！🤩今次仲試左蒜香麻辣撈粗，個汁又係好好食🤤真係湯麵又得！撈麵又得！佢仲有啲丼飯都好似好吸引，下次一定要試埋先！何車絕對係車仔麵界頭幾位呀！

呢個新派車仔麵真係非常之出色，每一次嚟都比佢個湯底吸引， 每一次嚟嘅湯底都有點點嘅不同，面底可以自己揀多啲蒜 少啲蒜 多啲炸蒜 🧄多啲蔥等等，配合唔同客人嘅口味，非常之細心，事實上佢個湯底都算係偏甜，基本上每一個餸都好好食， 我就平時特別鍾意佢嗰個滷水炸大腸，大腸滷水過之後入晒味先再去炸，出色！今次呢就試咗炸豆卜，豆卜炸完之後再用蒜蓉牛油淋喺面做調味，豆卜炸得相當鬆脆，但個人來講都係比較鍾意食滷水炸大腸， 有肉味真係正好多🤣🤣

雖則叫車仔麵，但都有好多其他選擇，撈麵、丼飯、各種小食。用QRcode落單，座位比想像中嘅車仔麵舖闊落，坐得舒服嘅，都係快食快走之選。*老何麵十餸 $63豬皮、豬大腸、豬紅、糖心蘿葡、何B雞翼尖 (辣)、鹵水雞翼皇、陳皮魚蛋、肥牛、炸魚片頭、燒腩肉蒜油蝦子撈麵 +$5十個餸齊晒，不過我冇食，我淨係試咗撈麵😂幼麵麵底，蝦子份量撒滿麵底，有蒜香，味道平衡得恰到好處，只係略油。米粉麵底、兩溝、辣汁 (微辣) $11湯底兩溝滷水汁、腩汁，整體感覺好甜，米粉唔索汁，一般一般。*糖心蘿蔔 $12 煮得腍，嫩而冇渣，但白糖味略重。*燒牛舌芯$16舌芯薄切，彈牙爽脆，但肉味偏淡，冇預期中燒牛舌嘅香脆。*燒豬頸肉$16燒到微焦，瘦肉肥肉融為一體，一咬落去，油脂感大爆發，但絕對唔會膩。關東煮娃娃菜 $18湯底係昆布湯，好甜，感覺似落咗白糖，娃娃菜腍但唔索湯，仲有一個魚肉炸物，又幾好食喎。

🐱何車算係我食過最好食既車仔麵之一😌由佢細舖食到搬大舖😍每樣餸同小食都用心製作😋仲間唔中會推出新款小食，而家仲有埋丼飯🍚米粉 燒牛舌芯 燒豬頸肉 糖心蘿蔔 ：$55🌕🌕🌕🌕🌗/5配料揀全要，有蔥、芫荽、蒜、乾蒜😋腩汁同滷水汁兩溝😋秘製醬汁有辣汁、咖喱同麻辣，亦可揀全要🤣小辣已經好夠🌶️何車既湯底係好特別，有好輕微嘅藥材味，加埋秘製辣醬，係好惹味😍燒牛舌芯既厚度係適中， 好有咬口，好香牛味👅今次個燒豬頸肉就有少少偏肥，比較油膩🥹糖心蘿蔔係超淋同冇渣，有少少甜，推薦比大家👍🏻鬼佬炸豆卜（4件）：$25🌕🌕🌕🌕🌖/5呢個真係必點！！個豆卜香脆得來唔算油膩，面頭配上特別調配嘅牛油芝士香草醬汁😋感覺好新鮮，出面真係未食過呢個味😂😂食完一粒就後悔點解唔叫大份！😝