何洪記

营业中

休息中

又開始進入店內，帶位小姐態度已經開始不好，上下員工都不是一個有親切禮貌的態度歡迎，都不知道誰人得罪他們。食物有幾好食都沒有用。想諗住和經理反映意見，他們的經理仲惡劣過其他員工的態度。不想再諗起這段的回憶。有朋友介紹這間食品不錯，所以剛剛落機立刻去嘗試。但得了這種服務態度非常失望。真係好想和大家分享一下。今時今日有這種服務態度，我覺得非常失望。因為位於機場很多遊客落機都會品嚐香港的食物，但可惜我不會在推薦給其他朋友。

燒味雙拼中的燒肉竟然是預先斬好放置數少時以上乾了！兩味菜竟然貴過好多自助餐。加上加一，這味双拼二百多元, 又有每位茶費，以為入了五星酒店 。福建炒飯除了蝦仁之外就搵唔到其它配料了。Chinese BBQ pork has been pre-cut and all dried up when served. It is more expensive than a steak and 4 times more than others. There is a $5 charge per person for tea and another 10% service charge

離開左香港幾日,有D掛住傳統既牛腩面、雲吞面! 係機場既何洪記似乎滿足到呢個要求~係門口佢地有staff專門幫客人放行李既,之後會有個牌比客人認領返行李~ 大家就可以唔使顧住D行李食野啦~首先叫左個牛腩牛根面。佢個面底好爽口,唔會太軟身。D牛腩同牛根炆得好入味,半肥瘦、配埋個辣椒油仲好味~ 我地仲叫左個黃沙豬潤腸粉。個豬潤好爽口,唔會有一陣味,不過佢切得好碎,比較難夾起。個腸粉都好滑,值得一試。成餐好有香港地道風味,唔錯! 不過D野好細碟,男人要食飽,可能真係要叫兩碗面先得!

每次去旅行我都好期待去機場食嘢因為有啲鋪頭真係唔係 到到都有例如今日呢一間一早去機場，未食早餐，所以就同老婆去食早餐見到米芝蓮的食肆，即管試下。原本想食個炒飯，點知太早⋯早餐選擇係少啲，可以理解呢個菜餃唔算好好味不過佢裏面有蝦而且甩皮都算幾薄次次問老婆食乜佢都話冇所謂點完之後又話唔啱食最後我一個人食咗三個叉燒包超級勁飽早餐點可以無粥呢個皮蛋瘦肉粥係我老婆嘅至愛我都覺得幾好食肉碎會係粥底皮蛋同埋殭絲嘅比例啱啱好朝早六點幾我哋係機場食咗個米之蓮早餐

上海之旅完滿結束，吃了幾天上海菜，有點記掛香港地道美食。機場有米芝連老字號粥麵店何洪記，反正剛下機有點餓，就去試一下。正斗鮮蝦雲吞麵$56 - 比較細碗，如果我在肚餓狀態應該要吃兩碗才夠飽。雲吞也小，不過還好有5粒，鮮蝦也爽口，但不覺特別好味道。麵條爽，沒有鹼水味。香油條腸粉(炸兩) $48 - 腸粉皮太薄，油條不算太鬆脆，亦不夠熱。除此之外，衛生方面不見得好。我們要了幾隻杯打算share飲料，但杯子還有茶色的漬，可能是杯子太舊了⋯總的來說我完全不覺得這米芝連老字號店比其他粥麵店更出色。或許還有其他出類拔萃的菜色，但雲吞麵畢竟是招牌菜，應該是最多食客會點的，機場店遊客特別多，希望餐廳努力做好，保住餐廳自己及香港地道美食的招牌。

出發去旅行永遠都中意check in 完去食d嘢。我就無什麼咭可以去貴賓室食甘好，唯有自己比錢去食。但自己食絕對唔差喎，我最唔中意就係食快餐，中意d有水準的。今次就選左何洪記，以前未食過，只知道係雲吞麵最出名，但今日卻想食得清d，叫左碗及弟粥。先不說料，說下個粥底，好綿好濃稠，就算食耐左都無反水，味道有米香，帶點甜，確實好吃。再講下d材料，有豬潤，肉丸，豬肚等。我最中意係拒個生腸，出面嘅餐廳係無嘅。口感爽脆，帶點咸鮮。再叫左個涼菜，再唔係拍青瓜，係小見的爽魚皮。唔知大家係咪我個年代，呢種魚皮考手功，爽脆，彈牙配薑葱來吃就係絕配。百令蚊埋單，點都好過嗰d乜乜咭，要幾錢收入，要碌夠幾錢先食到碗粉掛。

上機前好想食干炒牛河，不二之選當然係何洪記啦！老實講味道係好的，但欠決咗香味（如果鑊氣夠，拎埋枱未食已經聞到香）另一碟楊州炒飯（炒得粒粒分明、蝦又大又爽、叉燒係新鮮嘅）所以十分好食👍🏻鲜蝦腸粉（腸粉好滑，蝦都係大夾爽的）食得好滿足。

去完旅行，返香港當然第一時間出閘直入何洪記。想食碗好食嘅雲吞麵，一係就正斗，一係就何洪記！點咗雲吞麵同星洲炒米。雲吞麵個湯比正常混濁，可以能由於我地last order 先到，個淥麵水經過一整天之後比較濁，但味道不變。有蝦虸味。麵𠲖然夠爽。至於星洲炒米，可以話夠鑊氣，啱味！下次再出門前後要再來！

Had a bowl of 雲吞麵, they should have labeled it "small", noodle was OK, but at $64 and a compulsory $5 fee for tea, I got exactly one cup of tea, wait persons were all too busy so no one's tea was refilled. After they tagged on 10% for service fee, my bowl of mediocre noodles came to $74.90. NEVER AGAIN, 

今日快速來回左機場一轉 拿拿林食啲野頂肚，就見到呢間聽講雲吞麵好出名嘅店 一於試下。客人出出入入咁流動得好快 但店員態度都保持到 算係咁💁🏻‍♂️佢嘅麵真係幾好 冇乜鹼水味 夠彈,雲吞需然唔係好巨型但夠鮮味 皮薄而唔易爛開👍🏻鍾意嘅可以加點醋調味。

當年街邊檔我已經聞名，我小時候住銅鑼灣，時常都去食霎東街的店，眨一眨就成30年多了，人生真的老了，價錢牌價錢更升了3倍多，現在何洪記有燒味?仲有點心?眼見就不會選擇，今日係機場分店食，實在太懷念以前種種回憶，所以就決定食麵啦!望著餐牌考慮了很久，因為在生腸及第粥，同麵掙扎了很長時間，最後由麵氣味決定，但貪心點了雲吞水餃雙拼麵，雲吞有3隻變了迷李版，水餃有3隻仍是我最愛的，不過都細隻了，首先雲吞內有一件細蝦肉同豬肉，圓圓的，充滿黑胡椒香味，鳳城水餃真的口感夠好，無令我失望有爽脆笋，薑絲，木耳絲，蝦肉2件爽口入味，豬肉胡椒味惹味，湯色濃而味道清，配上苟王清香，麵的鹼水味重，麵彈牙而煙韌，師傅放在面，以防浸得太軟，細心另外點了一杯熱洛神花茶$30，顏色淺淺粉紅，味道剛好酸甜，比眼見正常不過收茶芥$5一位，另外仲要加一，我一個人就食了$119.9，而我唔太滿意係服務不夠好，舉了多次手，職員都扮睇不到你叫佢，得門口帶位2位小姐有笑容。最後仲係門口小姐黎招呼我，我覺得裡面的人在忙什麼，行行企企無工作。嬲現在何洪記雖然同以前不同，但麵質係重點，沒有退步，只是份量細碗了，現代的人未必知道當年大細，機場

工幹 3 星期前想黎個牛腩麵、點心先，唯有何洪記，早排試過都不錯。辣椒油，香辣兼比，預期中好，混上頭抽豉油食得下。檯面只有辣椒醬、豉油、浙醋，還以為好似雲吞麵舖無得供應添，本打算放棄，但諗到問下無妨，原來有既，開心開心。牛腩豬潤伊麵走蔥，侍應阿姐話加牛腩 $19 轉伊麵加 $5，無問題。不過點解唔走蔥呀？點解 3 件牛筋 1 件牛腩呀？牛筋硬掘掘，味道只留在外，裡面完全無味。狠狠地咬落大大舊牛腩度，我想要刀叉呢！又乾又硬又無味根本未炆好，依家晨早八點半唔會太早麻？豬潤正常爽彈無過熟，香甜味濃滿意。伊麵真的嗎？外觀已經唔似，啜兩啖試試，完全係不經油炸即食噹噹日式拉麵，搞錯呀 ！湯底淡如水，劣到不過了，點值 $90 蚊呀！食客不多，等左 10 多分鐘才到，未預備好開檔嗎？棉花雞，久候 20 分鐘，熱騰騰出場，希望可以補償一下碗腩潤伊啦。半隻雞膇，第一次棉花雞有骨，果然特別。雞柳雞膇同香滑味道可口，微微酒香無雪藏嗅味。碎濕濕魚肚味道甜美無油益，冬菇偏瘦偏細微滑還可以。完全中伏二百蚊的低劣早餐，我以前仲比三粒星笑臉添！離開時先發現寫住米芝連一星雲云麵，即係有雲吞麵係一星囉，太大意了！

Just traveling solo and stuck in the airport. The beef noodles were fine (broth was tasty). The shrimp dim sum were fine. But the egg yolk buns were fantastic! I should've just gotten two orders of these. Or maybe three orders and then passed out. They were filled with a rich, buttery sweet yolk. Watch out! They are hot so let them cool a little first then. Be careful as you bite into them lest that yolky goodness squirt onto your shirt. I'll be back for those buns!

下雨天回到港，香港機場餐廳可選什多，本想去食翡翠拉麵小籠包，但見到隔離有間新開的何洪記，決定一試。食物係中式餐廳，食雲吞麵類型為主，最後叫左碗豬潤麵。豬潤好大塊，食落好爽口，但味道好像有點怪，可能唔入味，未算香，加點醋會比較好湯底有點豬潤味，面較硬身，沒有簡水味，相比起，面會比豬潤更加好食！同時間，店舖充滿著水餃的香味，特別係麻油味，本身叫一份嘗試，但經豬潤一試，最後還是打消念頭，擔心都是睇得，落肚麻麻地飲品可選餐單，機場的一餐，價錢一定比外面貴，但可選擇尚算好

麵皀水味重到難頂，食到反胃，炒飯又一舊舊未炒開和淡而冇味，仲要好貴，煑成咁點解可以比客食，仲話米芝連😓，普通一間茶餐廳都好食過佢。以前既何洪記（銅鑼灣）係好好味，點解機場會做得咁差。