影片
又够钟做孤独的美食家，收工自己买外卖，话说之前系另一间食过两𩠌饭质素比较差，今次就揾到呢间未食过试试，原来呢间住家菜都开左好几年，平时行开新北江都唔多觉以为开左无耐，都未帮衬过，今日就试下啦。大约晚上7点到人唔算话好多，睇返价钱其实都唔算平，两𩠌饭都要41蚊无野饮，3𩠌更要60蚊，𩠌既选择大约十几左右，卖相睇落都几靓，成个买饭过程超光速，唔洗唔洗20秒搞掂，所以就算人多排队都好快清龙，阿姐既态度都尚算ok啦。拣左两𩠌要左莲藕煎肉饼同炆猪手，个量呢，就真系几多下，莲藕肉饼有3块，猪手有5大件，饭都唔少。先讲个饭就算正常，唔会好湿好笠，少少黏，饭香味都有d，ok既，猪手炆得都够腍，腍得黎唔会好烂，都好入味，而且都算干净同无怪味，莲藕肉饼就夸张，好厚身，猪肉比例比较多唔会好粉，莲藕粒就偏少d，咬落入面竟然仲有d肉汁唔会好干，面头仲有d泰式辣酱增加风味。虽然话41蚊食个两𩠌饭未去到话好平，但𩠌菜同饭量真系几多，我系饿到就晕既状态下都勉强剩左1块肉饼同1件猪手（无浪费留左第日食），而质素都唔差，细食既朋友可能1盒够2个人食tim，有时唔知食乜既时候呢间两𩠌饭店都系几好既选择。
继续阅读
今日放工晏咗少少，加上香港而家疫症好似未受控制，政府禁止六点后晚市堂食，作为一等良民又唔想自己买𩠌返屋企慢慢煮𩠌洗碗，唯有睇吓有咩外卖食。🤔长途跋涉系旺角返到大西北，返到屋企附近新北江商场有间外卖店排长龙，走去睇吓有咩好嘢啦。原来系两𩠌饭，重有好多款式可以拣添😍我就拣咗咖喱鸡同埋西柠鸡，睇落个饭盒都几大盒。返到屋企凉都未冲就开餐啦，咖喱鸡冇咩雪藏味，薯仔几淋几入味，西柠鸡几松化，好可惜啲汁就唔够😫食到最后啲鸡唔够汁，真系食唔落口😅整体来讲$41嘅两𩠌饭，绝对系收晒货🥰
继续阅读
这家在屋邨商场内的小店也开了一段长时间了, 每逢到吃饭时间, 他总会排起长队, 亦是因为他的出现, 在他旁边也开了一家相同种类的食店, 希望能分一杯羹, 但两者还是有差别, 我个人倾向这家多一点! 这家我也有原来的35元两𩠌饭吃到现在37元的两𩠌饭, 深感通涨的痛苦, 但这家还是能的保持水准, 份量仍然给得很足够! 我甚至觉得这里的一𩠌饭比很多食店的正常饭也多, 在这个时候能有便宜又好吃份量又多的食店也算很良心了!我这次选了生炒骨, 咖哩鸡和茄汁猪扒, 其中推荐生炒骨, 因为他就算拿回家还能保持一定脆度, 这很难得, 其他菜的味道也不错!
继续阅读
呢一间系主打外卖饭盒或𩠌菜嘅食店，以健康为主，同啲名一样，主要系住家菜。用餐方式：只供外卖自取。轮候时间：平时约5-10分钟；晚市嘅时候，人会较多需要排队而且需时更加耐！食品方面：单𩠌（$35）/双𩠌饭（$40）：每日都会提供多款唔同嘅菜式，包括西柠鸡、咕噜肉、黑椒牛柳、西兰花炒牛肉等等，顾客可以随意配搭自己想要嘅菜式，相对较容易控制饮食嘅取向，例如多肉少菜或多菜少肉等等。而质素亦都唔错，味道良好，识落明显系用较少嘅调味料，相对会较健康！价钱唔贵，人均消费：35-60蚊左右。总括而言，唔错嘅食店，有时唔想自己煮饭，又可以食到住家菜，的确系一个唔错嘅选择。
继续阅读
🍚两𩠌饭($35)🔻推荐指数:🌕🌕🌕🌑🌑甜度:咸味🌑🌑🌑🌑🌑质地:多汁! 多𩠌!🔺今日谂唔到食乜好，久违的两𩠌住家饭，今次系我第二次食，都系无咕噜肉🤣不过都有7-8款拣~实有一款啱你口味，今次拣左黑椒牛肉饼同咖哩薯仔鸡！其实我系疯狂汁捞饭控，多到好似汤饭咁就好开心😃因为都多人排队！我同个姨姨讲要「多汁」佢劲好态度😯因为好多个d外卖 茶记 都厌你烦“汁系咁多就咁多，仲多乜汁，有就有无就无，唔休做咁🤯” 依到系好好地仲话惊我多汁个装𩠌位会漏出泥，直接帮我抔系饭上面好无！(看图薯仔鸡个边系爆料得好澎湃🤤)然后佢劲好咁话牛肉饼要不要都多汁？我见其他人叫都只系用夹 夹几块牛肉饼，系我个份 仲系后面拎左兜嘢 额外倒左d黑椒汁🤩👍虽然影得有点丑，但还是想介绍一下，牛肉饼一食入口有被惊艳😍系豉椒炒河阵黑椒味！平时个d汁勾芡到好似鼻涕，依到个汁稠度刚好，黑椒辛味十分惹香~牛肉饼系好似酒楼牛肉球但juicy版，配埋洋葱 爽脆更好吃😋然后咖哩薯仔鸡个咖哩汁都好好食，唔系日式个种甜甜地，中式的味道，少少辣😚薯仔大旧外淋中间少少爽身，好有口感，不会太淋一pat，又入味，鸡肉都不会柴，而且啖啖肉，米饭就正正常常，不是什么珍珠米🤣但够热，住家饭泥讲性价比不错，希望下次食到咕噜肉。
继续阅读
您可能会有兴趣的...