影片
营业时间
今日营业
11:30 - 20:00
星期一至日
11:30 - 20:00
以上资料只供参考，请与餐厅确认详情
低调高手 Master Low-key咸蛋黄鸡蛋仔近年都见得多，皮蛋做馅嘅鸡蛋仔真系第一次见，来都来了咁得意梗系要试下！蒜香皮蛋鸡蛋仔（＄40）睇返介绍呢个咁创新嘅口味原来系参考了Ivy So和Gao@COLLAR在某节目中的自创口味，结合了超重口味的蒜蓉和皮蛋，每底都用了一整个皮蛋和3大匙蒜蓉，大胆又有创意，用料睇落非常足料！只限将军澳同铜锣湾分店有卖！想试嘅朋友仔要睇清楚分店，唔好摸错门啊！搣开鸡蛋仔见到真系每一粒里面都有皮蛋粒，无揸流滩！皮蛋独特嘅口感夹喺鸡蛋仔之中好得意！而浓烈嘅气味都有保留到！如果你好钟意食皮蛋就一定要试下！🖤而蒜粒分布就争咁啲，有一啲有有一啲无，食中就有蒜蓉咸香🧄我觉得唔辣，怕辣嘅朋友仔都唔使太担心！蒜香皮蛋鸡蛋仔嘅味道出乎意料地几夹几好食，咸咸香香咁好顶瘾，比较可惜系鸡蛋仔本身水准一般，唔够蛋香同边位唔系好脆，啱啱合格左右啦以连锁嘢嚟讲口痕试下GIMMICK都系唔错嘅选择，至少得呢度有得食呀😂
继续阅读
原味鸡蛋仔原来已经卖到$28，试下同筲箕湾原店系咪一样水准啦，点知差咁远。拎上手劲热，都唔知有无揾风扇吹过，正常就应该要吹先脆。外层淋呀，味道咸咸地。同筲箕湾店个味道同质感好似差好远，以前食筲箕湾原店系有“哗”一声的惊叹，果然d店出名左或者开左分店，就keep唔到品质。职员后生，但木口木面，都hea hea地咁。不过都好似唔少人买，特别系带住细路仔的妈妈。其实附近都有snack express呀，可能平d。
继续阅读
特登去买，就买个最基本原味鸡蛋仔同格仔饼，等紧期间。已经见到佢不断痴底，底底都系甘刮刮刮，心霖希望自己个底唔好甘！点知，出到黎连个鸡蛋仔要有个圆都无埋，个格仔饼又系甘，皮同中间分开左，以为系厚底饼底，点知都系普通size，大佬，你收$28一底呀，比少少态度得唔得！绝无下次，无样无蛋香，得个硬字，入面无既野，好似食紧饼干甘，讲真$28底原味真系可以做到更高质素，宜家连$10底都不如，唔需要浪费时间，浪费金钱
继续阅读
之前特登去港岛区试低调高手，𠮶次食都觉得好好食，但始终太远好少机会去。劲开心佢上年开咗入嚟将军澳，就系 uny 入面。每次入到去超市买嘢一闻到低调高手啲鸡蛋仔味真系本身冇谂住嗌都一定买返底。其实真系唔明点解都系鸡蛋仔同夹饼，但系可以整到咁大分别，佢哋个鸡蛋仔个屁真系好脆，但系又唔会好似妈咪鸡蛋仔咁脆到硬，而个心亦都好软熟，重点唔会好甜，香港人对甜品嘅最高评价 哈哈 虽然每次都要等成10至15分钟，因为一定有人排，但其实真系好值得等，我觉得言语有啲难讲佢有几咁好食，因为个口感真系要新鲜热辣试过下先感受到。其实佢都有唔同味，但系我食好多嘢嘅都系永远拣返原味，先有最原始叙事到佢哋嘅手艺。希望佢哋喺将军澳可以坚持落去长做长有。
继续阅读
低调高手系uny刚开店时，真系好旺基本都要等30-45分钟，有次要等一个钟......我赶时间𠮶次都无落单，原味由$26加到$28宜家见生意静好多一般等10分钟就有，反而仲差过以前，但系鸡蛋仔无吹？？太热放入袋？？今次每粒都咁样......失望......而且好甜又唔脆仲有重点低调高手个阿叔冇礼貌，有次叫我唔等得退钱，好巴闭咁宜家仲系咁嘅态度点做生意啊？？？老板就可以咁咩？？希望改下啦......
继续阅读