低調高手

营业中

休息中

低調高手 Master Low-key鹹蛋黃雞蛋仔近年都見得多，皮蛋做餡嘅雞蛋仔真係第一次見，來都來了咁得意梗係要試下！蒜香皮蛋雞蛋仔（＄40）睇返介紹呢個咁創新嘅口味原來係參考了Ivy So和Gao@COLLAR在某節目中的自創口味，結合了超重口味的蒜蓉和皮蛋，每底都用了一整個皮蛋和3大匙蒜蓉，大膽又有創意，用料睇落非常足料！只限將軍澳同銅鑼灣分店有賣！想試嘅朋友仔要睇清楚分店，唔好摸錯門啊！搣開雞蛋仔見到真係每一粒裡面都有皮蛋粒，無揸流灘！皮蛋獨特嘅口感夾喺雞蛋仔之中好得意！而濃烈嘅氣味都有保留到！如果你好鐘意食皮蛋就一定要試下！🖤而蒜粒分佈就爭咁啲，有一啲有有一啲無，食中就有蒜蓉咸香🧄我覺得唔辣，怕辣嘅朋友仔都唔使太擔心！蒜香皮蛋雞蛋仔嘅味道出乎意料地幾夾幾好食，咸咸香香咁好頂癮，比較可惜係雞蛋仔本身水準一般，唔夠蛋香同邊位唔係好脆，啱啱合格左右啦以連鎖嘢嚟講口痕試下GIMMICK都係唔錯嘅選擇，至少得呢度有得食呀😂

原味雞蛋仔原來已經賣到$28，試下同筲箕灣原店係咪一樣水準啦，點知差咁遠。拎上手勁熱，都唔知有無搵風扇吹過，正常就應該要吹先脆。外層淋呀，味道咸咸地。同筲箕灣店個味道同質感好似差好遠，以前食筲箕灣原店係有“嘩”一聲的驚嘆，果然d店出名左或者開左分店，就keep唔到品質。職員後生，但木口木面，都hea hea地咁。不過都好似唔少人買，特別係帶住細路仔的媽媽。其實附近都有snack express呀，可能平d。

特登去買，就買個最基本原味雞蛋仔同格仔餅，等緊期間。已經見到佢不斷癡底，底底都係甘刮刮刮，心霖希望自己個底唔好甘！點知，出到黎連個雞蛋仔要有個圓都無埋，個格仔餅又係甘，皮同中間分開左，以為係厚底餅底，點知都係普通size，大佬，你收$28一底呀，比少少態度得唔得！絕無下次，無樣無蛋香，得個硬字，入面無既野，好似食緊餅乾甘，講真$28底原味真係可以做到更高質素，宜家連$10底都不如，唔需要浪費時間，浪費金錢

之前特登去港島區試低調高手，嗰次食都覺得好好食，但始終太遠好少機會去。勁開心佢上年開咗入嚟將軍澳，就係 uny 入面。每次入到去超市買嘢一聞到低調高手啲雞蛋仔味真係本身冇諗住嗌都一定買返底。其實真係唔明點解都係雞蛋仔同夾餅，但係可以整到咁大分別，佢哋個雞蛋仔個屁真係好脆，但係又唔會好似媽咪雞蛋仔咁脆到硬，而個心亦都好軟熟，重點唔會好甜，香港人對甜品嘅最高評價 哈哈 雖然每次都要等成10至15分鐘，因為一定有人排，但其實真係好值得等，我覺得言語有啲難講佢有幾咁好食，因為個口感真係要新鮮熱辣試過下先感受到。其實佢都有唔同味，但係我食好多嘢嘅都係永遠揀返原味，先有最原始敘事到佢哋嘅手藝。希望佢哋喺將軍澳可以堅持落去長做長有。

低調高手係uny剛開店時，真係好旺基本都要等30-45分鐘，有次要等一個鐘......我趕時間嗰次都無落單，原味由$26加到$28宜家見生意靜好多一般等10分鐘就有，反而仲差過以前，但係雞蛋仔無吹？？太熱放入袋？？今次每粒都咁樣......失望......而且好甜又唔脆仲有重點低調高手個阿叔冇禮貌，有次叫我唔等得退錢，好巴閉咁宜家仲係咁嘅態度點做生意啊？？？老闆就可以咁咩？？希望改下啦......

今日行行下uny 聞到蛋香味 ，原來星期四 低調高手宜家無休息！！又唔使再去筲箕灣等…同排隊大熱天時梗係喺uny度買啦👍 格仔餅勁厚 啲醬有夠 超正超好味👍我同個朋友 有次星期六仲買咗兩底添！！位店員小姐仲會講明幾多分鐘有得攞，仲建議我地行陣再返黎，佢哋服務態度幾好， 主動問啲長輩攞長者卡畀優惠佢哋 ，非常敬老，低 讚👍 👍like:

從前常常到筲箕灣總店買雞蛋仔， 外脆內軟真係好好食， 但寶琳店的雞蛋仔， 初開業時，可能是人多的關係，未吹涼就已給客，所以外皮不太脆，可是蛋漿滿滿 ，今天晚上再經過，見人潮已消失，於是再次購買，但我一拎上手已經覺得離奇的輕，外脆是有的， 但內裡蛋漿少得可憐，失望！

今日去低調高手試咗個雞蛋仔，感覺有啲失望。🥺 雖然外型上睇落都幾吸引，但一入口就聞到一陣燒焦味，唔係我心目中理想嘅雞蛋仔味道。😕 表面有啲過硬，唔係傳統嗰種鬆脆感，反而有啲似餅乾。😬 內裡亦唔夠香滑，少咗啲蛋香同牛油香。😢我覺得可能係火候控制得唔夠好，令到整體口感出現偏差。😞 雖然價錢算合理，但都希望店家能夠改善一下製作過程，確保雞蛋仔質素穩定。👍總結嚟講，今次係有啲失望，希望下次試返其他口味會有驚喜。🤞

總店筲箕灣已經食過無數次前排寶琳及銅鑼灣都開左分店今日適逢黎到寶琳 心心念念想食雞蛋仔🥰下午三點令鐘 前面只有一兩個客人排隊設有等候區 大約十令人等緊🥲但由於雞蛋仔要等九個字⋯係九個字呀！！🤧諗左幾秒 最後揀左幾分鐘就有既格仔餅⍥ 黃金格仔餅 ❙ $38無論雞蛋仔或者格仔餅都有原味及甜酸苦辣鹹選擇我今次搞屎棍試下鹹食格仔餅 要求少糖😳拎上手非常熱焫焫餡料睇落好足 但就比較少煉奶難道我叫少糖會少埋煉奶！？😫食落口真係omg咁鹹😔😔😔無改錯名！而佢果種鹹我覺得似落左鹽既死鹹鹹蛋黃唔太油香 亦無沙沙地既口感格仔餅做到外微脆內軟熟 有少少厚度不過因為無咩甜味balance 🫣所以唔膩但就真心激鹹⋯⋯麻麻地喎真係😭😭

真係不吃也罷，不客氣嘅語氣，完全feel到佢叫你咪食嘅tune. 要等1個鐘點解都真係仲有人等呢，真係好食到咁？其實熱辣辣，好多間都好食啦！！！真係出名就咩都得？

早排先係筲箕灣食完佢既朱力雞蛋仔，係好味既，但比較甜，唔食得多。估唔到收到消息，佢係將軍澳寶琳新都城開左分店！😍 所以咁岩經過既我即刻去左試！五點幾去到唔算等得耐，等左5-6個號碼，10-15分鐘。原味雞蛋仔 ($26)四個字：外脆內軟，外面好似著片咁脆弱，係我鐘意既雞蛋仔質感，十分驚艷！🫰同埋佢對比朱古力味冇咁甜，可以食哂成個都唔會超級口渴 (點都有少少渴) 👍🏻。不過提醒，一定要趁熱食 趁熱食 趁熱食 (好重要，所以要講三次）同埋唔好焗住佢，過左一陣就會變得有點兒普通同淋。結論🫰外脆內軟⚡️一定要趁熱食！