低調高手大街小食

营业中

休息中

尋晚介紹完座落於東大街嘅另一人氣店，而行多幾步就會發現依間同樣係IG洗哂版嘅雞蛋仔！男友係等緊雞蛋仔出爐時發現店名入面高低大小都對齊哂，話唔定師傅係深藏不露嘅詩人？！( ˶ｰ̀֊ｰ́ )੭"❝原味雞蛋仔❞ ($22)話佢外脆內軟係絕對正確陳述！外層的確比一般雞蛋仔薄脆得多，熱辣辣放入口先有咬落卜一聲﹑然後再到煙韌嘅內餡，每粒雞蛋仔中間係半空心嘅，比例控制得十分好。蛋香就唔使多講，未行到埋去已經聞到，更何況拎到上手～香甜程度亦啱啱，食半底都唔會膩。𓂃𓈒 𓂂𓏸 低調高手大街小食 𓏸𓂂 𓈒𓂃 @master_low_key_food_shop 筲箕灣東大街76A號B3號舖地下港鐵筲箕灣站B1出口，一出出口直接抵達每日13:00 - 21:00營業（聽聞每星期會不定期休息一天！）𓂃𓈒 𓂂𓏸 用餐提示 𓏸𓂂 𓈒𓂃週末下午到訪等待時間大概為35至40分鐘，建議黎掃街嘅大家可以一到埗就落咗單先，然後再去附近行下食下再翻黎都未遲～附近有空地可以企埋一邊享用。𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ✄✄✄✄✄✄✄✄✄✄用餐體驗 |

平時好少去筲箕灣，今日有啲事情要辦，去到嗰頭，又點會錯過聞名已久嘅低調高手食雞蛋仔呢？！舖頭真係好低調，喺街邊嘅一間地舖。我行到附近已經聞到雞蛋仔嘅香味，舖頭外型亦有幾位客人喺度等緊。等咗10至15分鐘之後，就食到新鮮熱辣嘅雞蛋仔。唔可以講笑，真係好好味！可能係我食過最好味嘅雞蛋仔😍外脆內少少煙靭！不得了💯除咗雞蛋仔，佢哋仲有叫格仔餅🧇開頭我完全冇諗過嗌，因為我心諗，格仔餅即係waffle啦！行超市都成日買雪藏嗰啲返屋企。不過我先生堅持要嗌，咁就由佢啦。老闆好細心，知我哋又食雞蛋仔又食格仔餅，所以專登等我哋D雞蛋仔食到咁上下先幫我哋整格仔餅😊其實我應該未食過真正嘅港式格仔餅🙈咬咗一啖先有發現新大陸嘅感覺😆乜原來可以做到好似雞蛋仔咁外脆內煙靭，仲要有牛油、花生醬同砂糖top it up a notch! 低調高手果然係高手！今次之後，我唔介意專登去筲箕灣，只為咗一嚐佢哋嘅雞蛋仔同格仔餅！

講真低調高手都幾出名，今次第一次突登去試佢既格仔餅🧇，但可能期望口碑太高，食完感覺落差好大。🫤首先，外皮稱不上係脆，應該係話硬同厚，應該係火侯或者製作時間冇掌握好，外層過熟。🫥再講，內層係林，做唔到煙韌既口感，估計係個蛋漿太稀；另外亦都冇咩蛋🥚味。然而，佢地個醬係幾好，夠多，唔會太甜，都幾掛到上個格仔餅。😌不過可惜，如果個餅唔好食，D醬係發揮唔到同蛋餅相輔相乘既效果🥲希望低調高手檢視下製作方法同材料，我都好希望食到一個好好味既格仔餅！💪🏻

呢一間係筲箕灣東大街嘅小食店 長期都大排長龍！個人超推介佢哋嘅黃金格仔餅🧡💛超香嘅牛油同蛋味 食落外脆內軟 入面夾滿晒鹹香十足嘅蛋黃醬 再加埋砂糖同煉奶 鹹甜嘅味道真係一流！

閒日放假，見天氣好決定萬里長征去鶴咀郊遊，出發前先喺東大街附近醫肚。另一半話我上次已提過想食雞蛋仔（自己完全無印象），堅持未食飯先食甜品，有啲無奈又有啲心甜。原味雞蛋仔 $22因地點唔就腳關係，數數手指應該有七、八年無食，心裡都有少少期待；等咗大約十分鐘到手，雞蛋仔飽滿，每一粒都外脆內軟，蛋味香濃唔過甜，同回憶中一樣美味。可惜路途遙遠，唔係都想試下佢啲特別味道，如蘋果、雙辣/三辣味，聽落古靈精怪但吸引呢！

🐥低調高手大街小食🥚又黎食全港NO.1 最好食嘅雞蛋仔啦排咗半個鐘都係值得嘅咁耐無食 質素完全無變所謂 「最簡單嘅嘢愈難整」原味雞蛋仔係世一(о´∀`о) 拎上手新鮮滾熱辣外層好脆而且蛋味濃郁口感同味道都掌握得好好咬開入邊嘅餡料大概佔咗五分之二Keep到個空氣感之餘又唔會咩都食唔到係筲箕灣必食香港本土街頭小食望到店內有好多個計時器計住烤同吹風嘅時間就覺得製作好認真不得不讚有準則先會做得好其實好想Encore格仔餅可惜食得太飽已經食唔落啦 T^T地址：低調高手大街小食 (筲箕灣)筲箕灣東大街76A號B3號舖地下

通常來港島東的筲箕灣，是前往熱門行山路線 龍脊、鶴咀、石澳打卡的熱門地的乘車地點，最適合行山前後在這裏著名食街東大街「掃街」！東大街的街坊小店林立，地道小食充滿香港風味，也有幾間餐廳可以堂食享用美食。我就是行完龍脊後需要在東大街醫肚的其一員，看到一店門口滿滿人都在等候店名"低調高手大街小食“非常有魔力落單一底格仔餅，可以分 2袋（1開2）原味格仔餅$ 22外皮脆內鬆軟，花生醬、砂糖、煉奶、牛油都非常足夠，多到成手都係

雞蛋仔緊係即叫即製最好食，呢間「低調高手」絕對做到即叫即製💛～因為門口長期超多人等🤣 之前都睇過好多人介紹呢間雞蛋仔，所以上次同朋友去完鶴嘴出返筲箕灣就去咗買嚟試吓～當日係星期日下晝4點去到，都要等半個鐘以上😥•🥢 原味雞蛋仔 $22原味就可以食到蛋味，但呢個又未至於好濃郁🤔 入面係半空心，仲有少少蛋糕嘅質地，所以做到少少外脆內軟嘅口感👍🏻 好食過普通小食檔賣十幾蚊一底嗰啲，所以去開嗰頭都可以一食，但又未至於要專登山長水遠去筲箕灣食🤣•🥢 蘋果格仔餅 $33蘋果格仔餅用咗蘋果片+梅果醬，梅果醬酸酸甜甜，加埋爽脆嘅蘋果片，味道其實都幾夾嘅，但唔知關唔關加咗梅果醬事，成個格仔餅好腍，一啲都唔脆😖 個格仔餅嘅口感真係扣咗好多分😢但值得一讚嘅係店員有主動問使唔使切開一半，方便同朋友share食👍🏼

📍 低調高手大街小食 Master Low-key Food Shop 🎗📍 筲箕灣 𝗦𝗵𝗮𝘂 𝗞𝗲𝗶 𝗪𝗮𝗻 • 東大街76A號B3號舖地下-When you come to Shau Kei Wan, be sure to eat around Shau Kei Wan Main Street East!There are a lot of restaurants and snack bars around here so you will find something that appeals to you.One of the popular snack bars here is < Master Low-key Food Shop >, which specialises in the Hong Kong traditional egg waffles (格仔餅) and egg puffs / eggettes (雞蛋仔).Would recommend to people who are searching for some light and delic

呢度除咗雞蛋仔之外 佢嘅格仔餅都唔錯架上次就買左個原味格仔餅 佢比起雞蛋仔少油少糖啲 感覺好似健康啲😂格仔餅整到外脆內軟 唔會好似坊間嗰啲咁成舊都好軟淋淋 最普通嘅原味已經好好食😋不過內餡嘅醬就唔夠多 如果再多啲嘅話就Perfect喇！

東大街呢間超低調嘅小食店 真係高手嚟 無論幾時去 都見到有好多人排緊隊👀嗰日就去試咗個黃金味雞蛋仔 真係超香❤️雞蛋仔新鮮出爐 熱辣辣 外脆內軟 蛋香十足 再加埋中間嘅鹹蛋黃粒粒 個鹹甜味實在太夾了！

雞蛋仔一直都係我嘅最愛❤️仲記得以前讀書係歐洲買過價值5Euro嘅又淋又無味嘅鬼佬雞蛋仔😹今次附近食完dinner 9點幾發現無人排隊?!成功搶到收鋪前最後一底😹▪️原味雞蛋仔 $22老實說$22真係有少少貴🤧一收到袋雞蛋仔發現凍冰冰兼且碎咗少少🫤🫠打算叫店員換過一底嘅時候，店員話：「唔要就退錢🥱」於是我唯有照要😴最為驚訝係個雞蛋仔相信都已經擺了好一陣，但都做到超級無敵香脆，脆到勁容易碎😍至於蛋味就未話去到超級香濃，不過入面都尚算唔會過於空心，口感一流👍🏻下次一定要熱辣辣果陣幫襯多次🤩

建議：#低調高手 實在太多人，記得要落單買左先🤣 可以邊等邊掃其他舖係2月尾既時候去開#筲箕灣 ，見有啲時間就順便去埋#東大街 覓食。為左節省等候時間，就先去低調高手買定底雞蛋仔先❤️ 因為之前睇#雞蛋仔關注組 話有機會要等1️⃣個鐘😳 落單時老闆會講定大概要等3️⃣0️⃣分鐘左右，比完錢拎左飛就可以安心去掃其他舖先🤤 係東大街兜左個圈再掃埋幾間舖，點知4️⃣0️⃣分鐘後再番去都仲未有🤣 等既人仲多左。最後大概5️⃣0️⃣分鐘後，終於熱辣辣拎到手👍 今次試左：▫️黃金雞蛋仔 (HK$32)新鮮熱辣真係最正，每粒雞蛋仔都有少少咸蛋粒，咸香度好夠。而且每粒都好薄脆❤️好食既野係真係值得等待。🥚雞蛋仔/格仔餅有齊：甜(原味)酸(蘋果)苦(朱古力)咸(咸蛋) 辣(辣肉腸＋黑胡椒，格仔餅會加埋黃芥末) 食完一底好想再Encore 格仔餅，不過實在太多人，下次再黎試🤤

一直都有食開，去開東大街晚飯就必食😋就算幾飽都會買返屋企再用多士爐番熱都做到脆口嘅口味😬但今次食冇乜蛋香味😂細粒左好多😂唔知係咪轉左老闆呢？竟然食剩唔想食😂

無影食物，招牌名已經夠撐!✔️#雞蛋仔 #格仔餅 即叫即製✔️多款口味✔️必試 #鹹蛋黃格仔餅 又名 #黃金格仔餅 #鹹蛋黃 配上 #砂糖 #煉奶 是 #花生醬 外另一滋味之選筲箕灣東大街 必等必食之選