影片
港铁大埔墟站 A1 出口, 步行约7分钟
继续阅读
电话号码
92889750
附加资料
欢迎来料加工，可代买海鲜
营业时间
今日营业
11:00 - 15:00
17:00 - 22:00
星期一至日
11:00 - 15:00
17:00 - 22:00
以上资料只供参考，请与餐厅确认详情
食记 (23)
大埔熟食街市隐藏好多隐世美食！今日大埔嘅地胆介绍黎试，入座时候差唔多夜晚八点，原来已经食紧第二轮，想食沙姜鸡已经卖晒，朋友话原来五点几第一轮已开始！所以如果想试鸡嘅真系要早啲去！头盘的沙姜鸡脚入味十足，令人回味无穷。胡椒猪肚汤虽然重料，但辣味稍嫌不足; 冰镇咕噜肉外脆内软，搭配水果清甜，火龙果加黑提子，酸酸甜甜，口感一流！经典的蒸蟹饼更是打卡必试，厚身肉饼肉质鲜美，不过唔系经常有，因为要睇吓羔蟹有冇蟹膏，好幸运今次可以试到！另外可能黑椒薯仔一口牛，薯仔同一口牛个比例好似唔系好平均，唔太特别，其他𩠌菜好正常粟米板块就一般。炒面唔错，需要食块面嘅朋友嘅可以一试，炸大肠后加但系已经好饱，所以冇食到打包了。六人共享九𩠌一汤，价钱仅1500蚊，性价比非常高，让人满意。
继续阅读
职员好笑容，好服务，因为好晏先赶到冇乜时间所以叫职员帮忙买海鲜，而买嘅质素都好好，食物质素不错，价钱抵食，绝对有大排档应有嘅气氛，冷气充足卫生程度都算理想，绝对会再帮衬👍🏻
继续阅读
位于大埔熟食中心 性价比高嘅话就食镬气小炒小菜类 想食高质海鲜 预早同老板讲声 老板帮手买海鲜加工平时好少去熟食中心 但今次少少颠覆我嘅想法 原来系冷气强劲 卫生情况正常 而且爆场 龙趸酸菜鱼$580 买条2斤几龙趸加工 汤头好惹味 龙趸口感系唔同啲 喺大排档食到新鲜酸菜鱼系好特别 而且你可以根据价钱去选择 龙趸/老虎斑/鲈鱼最平嘅鲈鱼 $200-300但鱼嘅质感就系正常一般（我真系酸菜鱼迷😂）$500系贵啲嘅 但卖相同埋品质系值呢个价啤酒牛油虾 $180-用咗新鲜草虾劲大只 我冇夸张 呢个酱汁好特别 配合呢一款虾有一种食紧龙虾嘅错觉 口感弹牙超厚肉 可以再另加伊面底 我个人口味嘅话 就算唔叫酸菜鱼 都一定要叫呢个虾 必食！麻辣香锅 $120-呢个系 Off Menu, 莲藕片，土豆片，四季豆同猪颈肉。炒到唔会好似出边咁劲油，又够入味，辣得来好过瘾，饮啤酒一流冰镇咕噜肉$168-个皮炸得好脆 味道正常发挥 份量大足 加埋冰镇生果有诚意
继续阅读
朋友介绍佢食过几次所以推介这间，第一次食d间真心好好食，员工服务态度非常好有人情味，特别要讲冰镇咕噜肉，真系好食又大份脆卜卜，唔记得叫咗啲咩蒸鱼，但系都好好食。椒盐鲜鱿正常水平。本身想叫酸菜鱼，但系店员话鱼太细条，所以无叫。这里价钱又不贵，下次再和朋友来食👍👍👍👍👍👍👍😋😋😋😋😋😋😋😋😋😋😋😋😋😋………………………………………………………👍👍👍👍👍
继续阅读
每次去大埔买𩠌，中午的一餐好多时都会系街市解决。不过，我们有食惯的档口，几乎每一次去，都系果一、两档。但，今次，太太食惯的粥面店没有开门啊。(感觉上，许多的所谓老字号都上晒岸，开唔开都冇所谓咁。) 她们要另外找一家食 lunch 了。正在等位泊车的我，收了电话，她们在《伽文》坐低了。日头既《伽文》，如没带楼下的海鲜来加工，这儿就是一间茶餐厅。然而，作为一间主打晚饭小炒的食店，中牛来些炒粉面，应该是最正了。所以，阿仔牵头，点了一份豉椒斑腩炒河。出来的河粉爽滑香滑，豉椒斑腩亦够多汁而且斑腩亦能够保持香脆。因为够汁，吃入口的河粉充满了味道，是一份好好水准的一个炒河粉。茹素者们，就点了一份罗汉斋炒面。面底够脆已经可以给这碟面一个好高分。罗汉斋亦以纯蔬菜加菇类食品煮成，打的豉油茨汁又够味道，而枝竹同豆腐又够豆香。再加上镬气足够，是非常好的一碟炒面。另外，叫给小朋友的是一份西多士。炸得香，内心的花生酱馅也好好味道，不得不给一个好。最后是奶茶同柠茶。茶底正，冲出来的热或冻茶饮，自然也是有水准。两者的茶味足，浓度适中，入口也有一定我滑溜感觉。以简单两个字来形容，就是出色。大埔街市，出色的食肆绝对是不少，而这一家《伽文》就是其中的一间。中午来食炒粉面，夜晚来食晚饭，我觉得，都是一个好选择。
继续阅读