伦哥尊尚火锅私房菜

Lungor private club
265
16
15

【性价比爆灯】高质! 不限时火锅放题: 鸡煲X游水海鲜任食!


平时食放题要限时;食鸡煲未够喉就要加汤打边炉……咩都限住真系好唔过瘾!今次介绍嘅「伦哥尊尚火锅私房菜」,就无限时、无限量任食鸡煲、海鲜、打边炉。系呀!系食完一转鸡煲可再加、再加,食到够再转锅打边炉,汤底仲系自家足料熬、零味精。 但私心提你要留肚,因为呢度嘅游水海鲜、40种火锅配料全部任饮任食。同场仲有鲍鱼、刺身、美国牛颈脊、炸虾等…讲紧只系成人$338/位,食饱埋单嗰刻,真系无谂过呢个价钱会食到呢个质素,而家平日仲有9折优惠!
无限时放题,任食高质鸡煲、海鲜、打边炉。
仲有自助区食物、饮品区。
店内好多梳化位,坐得舒服。

无限时放题优惠!


无限时放题价钱*:成人$338/位、小童$169/位

优惠详情:逢星期日至三,每位88折;VIP房按照原价

价钱:星期五六日,假期及假期前夕每位加10元

 

*任食火锅须2位或以上

免开瓶费及免切饼费

即睇放题有咩食!


无限时任食

-宫廷四小碟(前菜4款)
-*列国刺身并盘 (虾,帆立贝,三文鱼,北寄贝,八爪鱼...)
-阿麻鸡煲
-*帝皇蒸海鲜三式 (鲍鱼,元贝,蚝,圣子,贵妃,象仔...) (款式不定)
(蒜蓉/剁椒/鸳鸯)
-*#自选汤底(自选汤底 6选1)
姫松茸五珍菌汤
伦哥麻辣鸭血汤
老檀酸菜鱼汤
牛乳猪骨汤
芫荽皮蛋汤
招牌番茄汤
-寰球海鲜(4-6款时令海鲜) (海虾,龙趸片,鳝,青口,多宝鱼 ,广岛蚝,脆鲩片,蚬,鲜鱿...)
-无语伦比牛颈脊
-黑毛猪火锅片
-#自家秘制多款手工丸
芝士墨鱼丸
顺德鲮鱼丸
梅菜豚肉丸
荽茜牛肉丸
辣子鸡肉丸
-#特别推介调味火锅肉
十三香五层肉
麻辣嫩牛肉
花雕五花腩片
西班牙黑豚肉
-#自家秘制手打滑
虾仁墨鱼滑
墨汁墨鱼滑
-阿妈云吞水饺
-低盐少油响铃鱼皮
-田园蔬菜篮
-多达40款火锅配料
-罐装饮品及自家制饮品
-雪糕

*为非任食项目
*满4位可免费升级汤底
(仙气鸡炖汤/花胶鸡金汤)

【无限追加】古法香辣鸡煲 零味精


以前对放题刻板印象,都系重量不重质,但呢度完全打破呢个谂法。无论鸡煲、汤底、海鲜都系用心制作,鸡煲酱甚至系独门秘方!特地由重庆买入香料—肉桂、花椒、八角等炒成粉,再加柱候酱炒3小时而成。入口香辣不呛,後续轻甜极有层次,一食就知唔系现成货色。

鸡煲过後打边炉!零味精足料浓鸡汤底


食够鸡煲嘅话,可通知员工换锅打边炉。呢度有共8款火锅汤底选择—牛乳猪骨汤、老檀酸菜鱼汤、伦哥麻辣汤等,但个人最锺意温泉鸡汤、花胶老鸡金汤,一上枱一定要要饮碗热汤先,浓郁暖胃嘅鸡汤,一饮就知系自家足料熬制。

温泉鸡汤 超鲜甜椰皇+海鲜


汤底用椰皇、老鸡、鸡脚、猪手、赤肉等熬制,坊间少见以椰皇代替椰青,虽然成本较高,但椰皇确实清甜得多,完全令浓郁鸡汤甜中带香。
员工教落饮完第一碗汤後,唔好急住放肉打边炉,而系先放免费追加嘅游水海鲜,滚起再饮多碗又多种鲜甜味,好似将个汤提升咗个层次咁,呢个变化几有惊喜。连饮汤都咁讲究嘅放题店,确实难得!

花胶老鸡金汤 原鸡炖煮


开始秋凉,就心思思想饮鸡汤暖胃。呢个鸡汤用足花胶、老鸡、鸡脚、猪手、金华火腿、赤肉、红枣等熬制,熬汤前仲特别将鸡肉爆香,令汤底味道色泽均更浓。全部真材实料,绝无味精同现成鸡汤。加埋咸香金华火腿吊味好有层次,而且花胶好足,每啖汤都感受到花胶种黏口,口感十足。
温泉鸡汤、花胶老鸡金汤2位享用价$128;4位免费升级,并需最少一天前预订。

无限追加!寰球海鲜拼盘


店家每日下昼1点买入游水海鲜,再放入鱼缸养饲,300几蚊任食游水海鲜真系无得输,今次就有纽西兰中蛏子、虎虾、贵妃蚌、象拔蚌BB、龙趸、蚝等。每日时令款式唔同,无限追加一定食到满足!

列国刺身船 挪威三文鱼+日本刺身


讲开海鲜,其实食鸡煲、火锅前已经有大大个刺身拼盘,有三文鱼、凡立贝、北寄贝、牡丹虾等,如预订VIP房更免费送马粪海胆1客。
列国刺身船,每日随机4至6款时令刺身。
挪威三文鱼外,全部刺身均来自日本。
想食得豪啲,可预早1日时令价预订原条象拔蚌。

入座即送 无与伦比牛颈脊


打边炉不得不提肥牛~除咗有美国肥牛任食外,入座仲有免费手切美国牛颈脊1客。牛味够浓,食落亦估唔到咁厚肉,好难忍住唔追加多客。

香港出品 高质丸饺! 仲有40几款火锅配料任食!


丸饺都系香港高质大厂出品,食落就知有诚意,个人最锺意芋泥包心丸同芝士丸,芋泥馅绵滑淡香、芝士丸爆馅流心。同场仲有多款火锅配料任拣,秘制手工滑、低盐少油响铃鱼皮、黑毛猪、美国靓肥牛、蔬菜田园篮等。当中台湾制造嘅墨鱼滑同虾滑好高人气,最劲试过有食客食足40几条呀。

8款佐酒小食 慢慢等齐人都唔闷


约班朋友食放题,实有几个迟到...食住等嘅寰球八小碟前菜都好丰富—麻辣鸭血、吉列炸虾、小丸子等,大厨坦言想食客由前菜到甜品都食得满足,唔会有一刻闷场。显而易见,佢哋真系做到。
寰球八小碟有多款香口小食,同样系无限追加。
仲有香辣小食!
入座时按人头免费送鲍鱼。
全场罐装饮品、自家制饮品任饮。
食饱饱仲有Movenpick雪糕食。

宅在家都得!懒人鸡煲/边炉


店家推出懒人鸡煲,将即制新鲜鸡煲入盒,返到屋企加水就会发热滚起,等10至15分钟就食得,味道同堂食一样㗎! 鸡煲系新鲜整再入盒,味道同堂食一样。HK$68 (1人份量) 火锅外卖已包括锡纸盘、火酒膏,喺屋企倒汤点火就食得。
概要
类别
粤菜 (广东)、港式、火锅、海鲜、私房菜、名人店
热门菜式
条件
包厢、电视播放
* 以上资料只供参考,请与餐厅确认详情