休閒咖啡

营业中

休息中

給門口的法式門牌吸引。但入到去係兩回事。餐廳細細但服務差-應該係冇服務。個餐多左蘋果沙律但唔覺特別好食。荼餐廳食物但整個法式招牌。價錢比普通荼記貴。一個早餐加隻旦6蚊。材料十分普通野但可以咁。既價錢。咖啡普通但阿姐的服務趕客。冇下次。

服務員態度非常惡劣.完全唔係做生意.下次一定唔會食佢囉🤬🤬問佢要杯暖水食藥.話我令佢哋個杯有藥味.我都係第一次聽到.今時今日嘅服務態度真係太差.根本唔會再幫襯佢囉.

想食平平地西餐就來呢到呢到好近返工地點於是今日叫外賣，5-10分鐘後到餐廳就有呢間店只收現金今之食左餐肉雞尾腸長通粉，牛肝菌汁，飲熱奶茶入店時只有一位客人，入店時間為中午十二時價錢$48，價錢算唔貴，而且味道係唔錯，份量足夠夠飽。餐內有餐具及兩包糖。

極差！劣評!!!差，差，差從來冇林過唔係食緊壽司，食個碟頭飯居然可以係凍既，直至係雪櫃拎出黎隻冰凍阿，呢個「冰」既黑椒汁炭烤雞扒頹飯係價值緊62蚊港紙連凍飲，同個侍應講佢仲同個廚司講笑咁嬉皮笑臉話唔記得撳掣「叮」，完全冇林住道歉，直到見到我拎個手機出黎影相，佢先係埋單個時話唔好意思請問你地當d客係咩？！其實你地唔想做生意可以出聲，咁樣趕客，真係太有問題lor，咁樣做生意不如閂左佢，完全唔會再食，個體驗極差

lunch 食咩好？呢個真係打工仔每日都要諗既難題今日行行下見到呢間野有d 似間cafe 咁得意就試下佢值得一讚既係佢既裝修係有花過心機牆身油左隻粉藍色配柔和既燈光店內樓底好高 全部椅都有軟墊比人有種平靜，幾舒服既感覺Lunch menu 如上圖有dd 似車仔麵既叫法可以自己配搭要咩送咩麵咩汁～今次我揀左菠蘿漢堡扒+牛肝菌汁長通粉飲熱齋啡咖啡我略嫌佢過份苦澀🤔第日都係唔敢叫黑啡可能揀朱古力咖啡會好d 吧食物味道同粉量都正常漢堡扒有三塊菠蘿係罐頭既，一圈價錢around 50元都算係平民價錢既西式餐有時食飯/食茶記冰室食到悶悶地不妨可以黎食下意粉/長通粉佢仲有個叫長通粉沙律聽店員介紹係冷盤凍食既下次再試下先

午饭时间在油麻地附近找地方吃东西，看到这家小型餐厅，便走过去看看。店外餐牌有介绍午市套餐，街坊价钱，而且还有十多款选择，看上去不错，就决定在这里解决。原来还可以加一点钱，大概 5-6元左右追加沙律、雪糕、多士等配菜。不想吃太多东西，只点了一个长通粉，再配牛肝汁。通粉上有五块厚切烟鸭胸，入口啖啖肉，吃得颇过瘾。肉没有雪味，味道不错。至于咖啡，普通的水准，味道不怎么样。从价格的角度而言，这里是不错的选择，性价比不低。

今日好想食個豐富嘅早餐，本來諗住去食開嘅茶餐廳，但點知裝修，轉角見到呢間餐廳，望落個門面唔錯，諗住試吓就咁睇餐牌，呢類早餐來講，價錢偏中上同朋友一人叫咗一個餐司華力腸炒蛋 牛油厚多士司華力腸真係令我有啲失望，個份量真係好少，我諗過呢度連半條腸都冇炒蛋亦都令我好失望，嚴格來講，佢係一個冇餡嘅奄列，而且仲要冇味不過牛油厚多士幾好食，醬夠晒香滑沙嗲牛肉蕃茄公仔麵其實佢並唔係沙嗲牛肉，佢只係喺碗麵入邊加咗啲牛肉熱奶茶熱奶茶值得一讚，茶底夠香夠滑凍朱古力正常發揮結論係食物質素一般，價錢亦都唔平。唯一正常係飲品，可能專心做coffee shop會比較好...環境相～

油麻地榕樹頭附近， 有一間好細間、好細間嘅西餐廳。外面望落去會唔敢入同覺得可能好似好。入去你見到淨係得細枱，大約可以坐到二十個人左右。 我地今日入去係食早餐， 因為地方太細，所以係坐滿人。侍應見我地坐底即刻攞咗個餐牌過嚟畀我，好有禮貌咁問我地想食乜。跟住我叫咗個蘋果沙律、 牛油多士、 凍檸茶。 朋友就叫咗吞拿魚三文治、熱咖啡。 蘋果沙律，好多蘋果再加椰果、青瓜等配料。 蘋果超新鮮及爽口，沙律做得相當出色。 牛油多士係厚身嗰隻， 好似無乜特別又唔夠燶但食起上來脆卜卜的。 凍檸茶就淡咗少少。 吞拿魚三文治、 冇乜特別。 反而杯咖啡就好好飲，好香、好濃。 最後，見到有花茶，我地就叫左嚟試下， 足料花茶， 夠香， 又解渴。最估唔到係向呢間西餐廳竟然有花茶飲。唔錯！

午餐繁忙時間共八人光顧, 侍應很快安排我們同坐長桌，效率不錯。.組合太多錯order?!午餐先選肉類，再選意粉、長通粉或長通粉紗律，組合甚多。上菜速度不俗，十分鐘內基本上來了五份食物。可惜連續落錯兩份單，炸蝦落錯炸魚，侍應尷尬問同事是否接受，他無奈照食。第二份豬排雞翼意，誤會成豬排腸意，幸好有替同事更換。整體份量不足...首當其衝的問題是分量太少，筆者吃不飽，當下午茶剛好。腸仔與意粉偏鹹，成味道最大敗筆。白汁分量如其他評論所說，亦很少。可能是被腸和意粉嫌為掩蓋，吃不出白汁味道。幸而豬扒相當有驚喜，煎炸得酥脆，有淡淡香茅味，依舊略嫌分量太少。

食飯時間都多學生係度等位，今日撞下手神，有位就食啦。真係有我揀左個1配長通粉牛肝黑野菌汁，加杯熱咖再加$10-15可以配埋多士沙律/芝士蛋糕，都抵食。我朋友都係叫呢個，不過佢係配長通粉沙律，溝左自家沙律醬嘅長通粉，係凍，都幾特別。豬柳淋身多汁，菠蘿就應該係某罐頭啦，個汁唔算太咸，稀杰度適中，菌味唔係太特出，但都好食，所以39一個餐係抵食。咖啡唔係三合一，唔太酸唔太苦，小小咖啡焦香，奶糖自己加，都比一般跟餐咖啡有誠意，幾好。值得回頭再試其他野。不過缺點玩open kitchen ，煮起野D油煙味幾大，出門口立即覺得自己好油，地方干淨，但座位唔算寬躺，如果有小小身型大嘅朋友，可能坐得唔舒服。

油麻地雖然話多食肆，但食來食去真係有點悶。最近去了久違的一間餐廳，店舖細小，但食客多數是熟客，有點人情味。要了午餐，主食加飲品。豬柳菠蘿意大利麵配蕃茄汁。碟頭夠大。蕃茄汁淡淡地，味道不夠濃。意大利麵軟硬度適中啱我胃口。嚟度的咖啡我最鐘意，味道夠濃郁，不遜於大連鎖店啊！

看戲前找地方落腳, 美都冇端端休息一個月, 唯有係附近找找, 就遇到呢間簡單的小小cafe, 入到去坐低, 地方不算大, 座位間比較近早餐同lunch 都有唔少選擇, 而且幾多元化叫左富士蘋果粟米沙律, 本來都係諗住普普通通一個沙律, 誰不知蘋果咬落真係好味道, 唔肯定係咪富士, 不過一定比一般蘋果沙律用既高檔, 咬落去好新鮮, 多果汁; 其他配料除左粟米仲有紅腰豆, 咬落唔會係軟淋淋爤溶溶既口感, 成個沙律連 dressing 都好好味, 真係好 surprise, 另外個夾餅係即做, 見差不多每枱都有叫, 可以想像質素唔差, 雖然我叫既餐係多士, 不過都可以轉, 脆口有蛋味, 正同場仲附送市區樹景, 身心舒暢, 偶然走過一條街, 就遇到新驚喜

今日獨自落黎食早餐。隔離枱要落order, 一個好生面口既侍應走過黎，站係我地兩枱之間。佢無啦啦移動我放係枱邊既調味瓶，然後一個美臀坐左落我張枱到，我呆左。首先，我唔係FF, 亦唔需要美臀伴食，所以我即時搖一搖動張枱，示意佢做乜事，咁佢都識醒水，立即道歉。不過，我都係等佢走左先再食過。原本樽調味瓶放右邊之後俾侍應移左調味瓶去中間，美臀就坐左係右邊枱角。故事仲未完。當我食完野，佢好有效率地走黎幫我收左碗筷。可是，佢一個華麗轉身，將碗內既湯汁飛淺出來，弄污了鄰座食客既衣服。真係冇眼睇。雖則地方真係細，食客又多，小不免會發生以上程況。不過，我始終覺得侍應坐係食客張枱上真係有點那個。仲要係食客食緊野。呢個係個人行為問題，唔關間餐廳事。有呢d員工係到，真係祝福佢啦。美臀侍應

上堂前經過，食個 Late lunch牛肝黑野菌汁吉烈炸蝦長通粉個野菌汁幾好味，但醬汁唔夠，所以食起上黎感覺乾左少少炸蝦好味Cappuccino 補差客叫左杯Cappuccino因為有玉桂粉0係面，所以一上枱時好強玉桂味咖啡可以埋單$48食物可以，亦算坐得舒服

朋友就住在這區附近,所以每當約見朋友時,我都會光顧此店吃早餐。貪佢早餐款式多又特別,還有咖啡和食品都和茶餐廳大有不同,所制作食品選材配料也花心思。最重要係價錢🉐,其中推出的沙律味道💯,若叫公仔麵餐,個餐靈魂就係個麵,麵質的口感好🆗,非一般茶餐廳味道。其中牛排和豬排也很出色。而環境格局也和茶餐廳不同,裝修設計也花心思,唯一欠佳就是店舖空間非常(細),又要應付客量,坐位勉強多加,但每次早餐時段就客似雲來,每有客離開就馬上有客補上,擠迫程度仍其門如市,唔到你唔服。至於服務方面未至於貼心,但亦不至於差,就如枱子細小,若客人需調味料,侍應也樂意遞上,而且人客頻密,從來也沒有給被催走感覺。至於本人未曾光顧午餐或下午時段,因此未能介紹其出品。