仿膳

营业中

休息中

樂悠居Food Court 係我既飯堂！呢度有唔少隱世高手經營既小店，仿膳係其中一間。推介蜆肉米線，有廿幾粒蜆，粒粒飽滿，湯底係花膠雞湯，唔口乾，好味到湯都飲埋。呢個要加入荃灣必食米線之一！另外仲有各種雞飯，豬手飯，好足料！推介大家來！

以前住附近成日食仿膳既魚翅撈飯，搬走左之後都不時返黎食，一直以黎店舖員工都好友善同好有禮貌。但最近搞婚禮，本來想搵返仿膳訂翅，就問佢地報價，講一忽唔講一忽，佢都未報價就叫我地比訂先，果$5000都唔知係報價定係訂金。 我地問點樣送貨，就咁一句「叫車」就算，喂你叫車都要講清楚你係用順豐定其他公司、運費係店家預付定我地到付、有無附加運費、預計係當天朝早送定有其他時間送貨（我之前係電話上已經講曬我地晏會資訊）等等架。我地資詢緊場地比唔比我地係外面訂魚翅（有附圖，我地真係問緊），等緊答覆，遲左幾日覆佢就開始催，又+又？咁樣。然後過幾日晨早8點幾就send個反白眼🙄emoji，一瞓醒起身見到呢個emoji真係黑人問號？？ 唔知有咩得罪佢，然後佢仲話我呃人，我由始至終都無confirm過要落單，淨係問佢攞報價。總之，我地以後都唔會再幫襯。

普通午餐，叫個2餸線食一攞餐，就覺得怪怪地。碗米線水汪汪一邊， 平時食米線，都會見到的餸係面。返到位，用筷子夾下，數一數5块又薄又細 腩肉 + 3 块 細短 牛栢葉仲少過$35蚊車仔面無下次

叫咗外賣，「鮮雞姬松茸牛肝菌米線」同「白蜆米線」：前者嘅米線冇乜特別，特別在佢個湯底，味道係濃郁嘅菇菌味，撈底見到滿滿嘅湯渣，除咗上面兩種菇菌仲有蟲草花，好足料，幾乎搶咗主角鮮雞嘅風頭，一向食開嘅舖頭用嘅雞九成九都係厚皮有層肥膏，呢次嘅雞肉質尚算嫩，最緊要係皮薄、冇肥膏，呢點一定要讚！至於後者，配咗米粉，冇特別，白蜆非常新鮮，隻隻都有肉同飽滿，數一數竟然有成25隻，啖湯除咗有蜆味，撈底見到有金華火腿，好有誠意！以晚餐動輒要六十幾七十蚊嚟講，相類價位下，呢間嘅出品真係性價比高，值得推介！

三人晚飯去了荃灣樂悠 food court,點了仿膳的二人套餐$198，包括有：一碟油菜一碟燻蹄一碟霸王雞一碗例湯一鍋魚翅兩杯茶兩碗白飯油菜是菜心，有蒸魚豉油配搭，又嫰又好食。燻蹄不油膩，鹹味送飯恰到好處。個人覺得它的例湯比一般餐廳好飲，不油（可能有豆卜、支竹配料）。霸王雞有雞味，而且雞肉嫩滑，肉與骨自動分離，好食。魚翅足料，有鮑魚仔、翅、金華火腿、少許雞肉等，好食。值得一試，再試。但這裏最差的地方是網絡問題。

星期日去荃灣朋友屋頂拜年，係佢屋企下面個foodcourt見到有鮑魚魚翅撈飯食，只係$108，咁耐冇食過魚翅就買左個試下。本來只收$108都諗住冇咩突別，點之食落有驚喜，用料十足，鮑魚有3隻，魚翅份量都唔少，食落好好食，完全冇味精，汽水都係飲得一半，一d都唔口渴，foodcourt人少少坐得幾舒服。同個frd講，佢話呢間野其他都好食，佢介紹我下次食霸王雞飯，佢話雞滑同個蔥油汁好正，其他地方好少整到個汁咁好食。

去開荃灣工作就一定在這裡吃飯,  今日同朋友一齊食飯, 我食左魚翅霸王雞套餐$120.之前在這店多數食米線, 米線湯底很正, 沒有味精, 可飲曬成個湯平時很少機會食魚翅(只有去飲先會食). 今日試佢個魚翅霸王雞套餐,魚翅好好食, 用料十分足, 仲有2隻鮑魚仔係入面,  仲好食過去飲食個D霸王雞個蔥油豉油好好食,  好夾個雞, 送飯一流. 雞滑好食, 份量十足跟餐送玫瑰花茶而家係香港$120蚊真係食唔到咩好野, 呢個餐我覺得真係十分超值

原來樂悠居開咗間新雞湯米線，重有魚翅撈飯，價錢唔貴，呢個商場新裝修好大又乾淨，又多個飯堂，可以開飯，個雞湯米線啲雞好滑個湯都好飲，下次想試埋佢個鮑魚花膠湯飯見到隔籬枱食，食飯時間都有位坐，又一新選擇

今日又要再到楊屋道附近做 follow up野，諗返起之前去過有個 food court 今次再去試吓上次食過海鮮粉絲果間仿膳，睇吓有咩食，見到個電視螢幕有個餐、魚翅霸王雞餐，有翅又有雞好似好正禁，決定試吓先，我記得上次有杯茶，好似係玫瑰茶，不過我對玫瑰茶個味道麻麻地，今次買嘅時候問吓佢哋今日係咩茶，佢話係玫瑰茶，所以我叫佢唔使比杯茶我。之後坐低試吓個餐，先試吓個魚翅，第一啖食落口感覺味道好正，好似以前去飲嘅時候食嘅翅一樣，再試吓個雞，雞好滑豉油好好味，發現倒呢兩樣嘢送飯一流😋😋對於我平時食半碗飯嘅我，今日停唔倒口食曬成碗飯，超飽，整體感覺好滿意，如果下次再嚟楊屋道做嘢，會再試其他嘢。

好耐未見過香港有魚翅撈飯食，價錢仲平過泰國，食落係堅魚翅，味道同平時去飲食翅差不多。翅入面仲有2粒鮑魚仔，性價比十分高，雖然係Food court，但質素一D都唔差，環境坐得舒服。地點就十分唔放便，真係過開來先會知有呢個地方。不過想食魚翅個陣真係會專登來食呢個foodcourt都幾多選擇，有韓國食物，小龍包拉面，西餐，台灣野，素食，海南雞飯。呢個foodcourt質素都算係好高，不過呢度完全冇野行。

今日要到荃灣楊屋道附近做嘢，到 Lunch 嘅時候仲諗緊食乜，發現附近有個food court，所以決定上去睇睇，見到有好多唔同嘅嘢食，選擇左一輪之後，見到呢間有海鮮最後決定試吓，揀咗個海鮮粉絲。見到出嚟賣相都唔錯有蝦有青口又有八爪魚魚蛋，我通常第一時間一定會試吓個湯好唔好飲，飲咗第一啖之後發現個湯好鮮好濃，再試埋粉絲發現口感一流，食完成碗嘢飲完大半碗湯過咗一個鐘之後都唔覺口渴，同其他地方 D 粉麵完全唔同，點都有啲口渴。成碗嘢七十零蚊我覺得超抵，如果下次過嚟做嘢我一定會再試，因為見到個 Manu 我都有其他我都想試。

Account 開左好耐都冇打過食評，原來要200字先可以評分。見間呢間餐廳咁好，只係得1個Like, 所以睇唔過眼，要打篇食評黎幫下佢。之前無意之中係網上外賣平台叫外賣，先發現原來樂悠居一樓變左做food court, 拎外賣果陣見到人流唔多，但間間食店望落都幾高質，所以趁今日weekend 得閒D 就走去堂食。去到老婆話好似係荃灣人 見過有人讚過呢間野，話個蜆果個米線有成28隻蜆咁多，所以我地都有叫返碗黎試下。但睇黎佢地人手唔夠，店面冇職員，企左幾秒，個廚師係廚房見到我，就飛奔出黎同我落單。而家係香港食野真係好少見咁熱情啦 (不過我估佢就係老闆啦，如果唔係都冇咁熱情) 好啦, 等左唔夠5分鐘左右就有得食啦。拎果陣老闆真誠咁同我講左聲多謝，亦係同一時間，有個岩岩食完佢地個雞湯米線的食客，同佢地講返個雞湯米線好正，個老闆就話原來佢地個雞湯係煲左十幾個鐘，搞到我都好想試返碗。好，講返碗蜆米線，我地果碗同係荃灣人D 街坊一樣，有勁多蜆，真係起碼有2,30粒，而且隻隻都唔細，又冇乜沙，重點係鮮甜，我相信佢係用新鮮蜆黎煮，唔係唔會有果種解甜，除左蜆之外，碗野仲有d 花膠碎，支竹，豆卜，總之成碗

今日行去荃灣搵飯食 行到樂悠居 原來2樓有個 food court 住咁耐荃灣我都唔知 走上去試下 見到有間新嘢有魚翅撈飯！不過我今日試左白蜆雞湯米線～ 雞湯底 味道鮮味，白蜆清甜 ， 豬手還可以啦 份量超多 ～。$65蚊嚟講好抵食 ， 其實仲有個魚翅花膠撈飯同 花膠雞 但份量真係太多我已經包到食唔曬 下次再試

基本上每星期都會來兩三次，價錢唔算平，但係真材實料雞食得出好新鮮，白蜆米線好鮮甜，蕃茄麻辣湯同雞湯都好足料，啲湯飲晒都唔會口渴。反而咁耐都未食過鮑魚同埋魚翅，希望搵日試吓。女員工雖然黑口黑面，但係基本禮貌都有，睇得出只係生手，唔係冇心機做，老闆好熱情，成日喺入邊忙碌煮湯製作食物，廚房睇到晒，基本乾淨企理。OpenRice非常愚蠢，必須要寫200個字先可以為食物評分，所以基本上剩係得打手，佢哋都係靠咁賺錢。