任你點車仔麵 (已結業)

灣仔平價又好味嘅車仔麵之選d餸選擇夠哂多其中花膠真係大塊到出哂名夠膠之餘仲好入味，幾過癮，我每次必點！溏心蛋都好正真係煮到日本拉麵果隻蛋咁俾你食牛腩就不過不失-其實食車仔麵真係豐儉由人幾錢埋單都係由你揀幾多款餸決定我覺得尼三餸計埋杯凍奶茶先$52蚊真係好抵！

💛任你點車仔麵·呢間我之前lunch已經食過一次㗎啦 但係個次我無影相 之後我近排再去食多咗一次 我覺得佢好食左😍😍唔知係咪因為我今次終於岩嘅嘢食🤣·花膠$13墨魚餅$13糖心蛋$11沙嗲米線$10佢個墨魚餅好好食 好厚身 而且超級彈牙🦑之後佢個花膠真係超大塊 面積佔左隻碗既一半 而且口感都唔錯 真係有啲膠質 性價比極高😈之後個溏心蛋都好夠流心 而且佢個米粉好掛湯 係真係索晒啲沙嗲味 整體都唔錯唔錯😌😌·📍灣仔駱克道139號地舖📍深水埗福華街147號地下📍九龍城衙前圍道7號地舖

📍大大塊花膠‼️ -- 任你點車仔麵🍜💛車仔麵係小編嘅comfort food之一😆bookmark咗任你點好耐，因為佢有花膠食！早幾日就同媽咪去試下～呢到有好多款餸、麵底、湯底可以揀，自由度好高㗎🤤------------------------------⭐️鮑汁炆花膠（$13）牛丸（$9）菜芯 （$8）幼麵（$9）清湯近排食得太濃味，所以揀咗清湯，飲落微鹹唔油膩，唔會太重口味🙈👍中意濃味嘅朋友仔可以揀腩汁、沙嗲喔😎幼麵份量都幾多，煮得啱啱好，食落帶微微嚼勁，亦幾掛湯😆花膠超級大塊，好似個碗咁大🤣食落好腍滑捋捋🤤炆得幾入味👍牛丸頗大粒，不過食落較實身唔係彈牙個隻，但肉味好濃🤤菜芯嘅份量同樣唔hea，而且淥得夠腍‼️（事關小編去過唔少車仔麵店啲菜都係硬到好難咬....）食落仲好有菜嘅鮮甜🙈整體嚟講足料抵食～值得試下💛------------------------------賣相：6.8/10味道：7.5/10性價比：7/10回頭度：7/10------------------------------店舖資料名稱：任你點車仔麵地址：灣仔駱克道139號地舖前往方法：灣仔站A1出口

今天特意走去灣仔買外賣回公司吃，這家餐廳我已經吃過兩次了。花膠真的超大塊，花膠佔據了整碗麵🤭，吃完好飽，花膠大得令我懷疑給多了😌1️⃣油麵（清甜蘿蔔，鮑汁炆花膠，紅燒豬手）$42外賣加$2-蘿蔔真的很清甜，甜到令我懷疑浸了糖水但應該不會的。😛-花膠超級大塊，一天吃了很多骨膠原好開心。-豬手炆得很軟腍，而且很香，豬手肉質也很嫩滑。但花膠和豬手有差不多的口感因為同樣有滿滿的骨膠原，我建議花膠配搭豬軟骨，那可以有不同口感，因為我之前吃過豬軟骨也不錯。🤤

車仔麵灣仔想平平地可以食A1出口對面就係 好易搵叫車仔麵一定最少要叫三餸起啲豬腸無清曬入面啲野 好肥 有啲唔敢再食🤓但勝在豬腸份量夠多！魚片頭真係好大舊直頭可以同長州大魚旦比見好多人麵推薦佢個手打墨魚餅所以都叫咗但我個人覺得無咩特別 一試無妨碗粉真係超多 大食都夠我個人就食唔曬😂😅呢碗加凍飲都係$50但個湯太油 油到唔想再食CP值係高 灣仔區黎講算平但佢地既防疫措施真係唔多得完全無間版仲要同其他人搭枱真係有啲驚😰

任你點車仔面💛人均消費$50💛💛以前經常喺深水埗分店食 記得好平好好食 而家喺灣仔返工又見到佢 二話不說就走咗去試 質數都唔錯 但由於係灣仔區 價錢比深水埗貴啲 但都係合理水平今次叫左個三餸車仔面連凍飲都只係$46 叫左牛腩、蒜辣雞翼尖同蛋白魚腐配油面（車仔面一定係配油面🤤加杯凍鴛鴦份量一啲都唔細 大大隻公雞碗裝爆左 無論係餸定係麵都好夠 一個大男人都食得飽 完全唔需要加底 所以建議細食既朋友可以小面食過灣仔幾間車仔麵 呢間質素都算係中上水平💛 最緊要係黃💛💛

本人好鐘意食車仔麵更加鐘意食任你點車仔麵平時去開九龍城食今日第一次食灣仔分店介紹同事黎食 佢都話好正😍😍每次都會心大心細揀麻辣定泡椒辣揀完辣又會揀勁耐食咩餸蘿蔔 墨魚圈 紫菜 魚皮泡椒中辣配米粉第一次叫魚皮 無諗過係成碟上以為係幾塊係面咁蘿蔔好甜又大舊不過墨魚圈比九龍城分店既硬身次次食到尾都係餸多個粉🤩🤩真係好夠飽 男仔都唔怕我通常都揀泡椒辣 因為食落無咁油膩 你見個湯都無乜油但又有辣既感覺罪惡感無咁大🤭🤭灣仔分店闊落過九龍城好多坐得好舒服 店員態度又好大推 任你點車仔麵!!!!!!!!!!

灣仔返工咁耐，呢間車仔麵鋪係我經常會幫襯既鋪頭，因為佢近公司之餘，價錢又合理，而且食物質素亦算唔錯。佢車仔麵既餸款式又多，可以連續食幾日都唔會厭。鋪頭外賣會用隔分開放，所以外賣返到公司都唔會變到唔好食，就係上面咁多種因素令到佢成為我心目中LUNCH公司飯堂 我本人多數會食三餸麵，今日就食返我最喜歡既配搭(豬紅　牛腩　豬大腸 配米粉 腩汁+沙嗲汁) (外賣$43) 豬紅:質感軟硬適中，淋得黎都有咬口，而且好入味牛腩:有3,4舊，雖然數目唔算多，但勝在大舊，炆到淋哂，無韌既感覺豬大腸:份量十足，腸內少少肥膏好好味，入口軟滑，推介米粉 腩汁+沙嗲汁：米粉正常發揮，腩汁+沙嗲汁令車仔餸更加美味，而且沙嗲汁有花生香，又唔會太濃郁，平衡取得好好 附近返工既朋友仔，呢間鋪係你地唔錯既選擇

中午1點 Lunch time 時見門口排左好多人等外賣。堂食就有位唔洗等。麵底揀左 ： 烏冬底 清湯 + 沙嗲汁最底消費係3個餸： 蒜辣雞尖 + 墨魚餅 + 生菜再加左杯凍奶茶超多既沙嗲醬加落清湯已經夠味～蒜辣雞尖 好野味👍🏼墨魚餅仲有炸過都好味😋烏冬唔會好淋凍奶茶正常侍應服務都正常有禮貌，出餐時間合理，分量都Ok唔算係超多Lunch time 煩忙時間就搭枱搭得好進取 50蚊係灣仔堂食食到3餸車仔面有冷氣都係好抵了 ：）

好有驚喜的一間車仔麵店！一入去發現原來有兩層，好多位。每位客人都有一塊膠片點餐，幾有條理！仲有是日推介，我嗰日去有陳皮魚蛋🤗 好多料選擇！受歡迎的有鮑汁炆花膠😯 份量又夠多！已經食過兩次了～ 車仔麵店新寵兒😃第一次食叫左最愛嘅粗麵配腩汁。餸有瑞士雞翼尖、柱侯牛腩、豬大腸🤤 雞尖牛腩都好入味👍🏻 牛腩唔會韌，豬大腸入面仲有不少油脂，但唔會好重味除左平時的麵類揀之外，仲有拉麵&烏冬。第二次食左蕃茄湯烏冬，略嫌唔夠茄味🍅 今次試左爽滑豬頸肉同魚肉春卷👍🏻 豬頸肉份量好多，真係爽口唔肥膩喎！春卷味道good! 如果軟身啲仲好～

今日自己一個人去左食車仔面呢間都好多款送 面 汁同辣度都可以簡都係加唔同錢 細有細食 大有大食今日有D肚餓 叫左3送我叫左油面 加沙嗲汁配魚皮餃, 手打墨魚餅同日式豬軟骨份量都唔算太少 沙嗲汁夠哂濃味 好惹味 岩哂我呢D重口味人士我最鐘意食豬軟骨 佢呢到煮得好柔軟入味 唔錯唔錯手打墨魚餅 都算彈牙 都OK魚皮餃就正常味道 不過不失加埋凍奶茶TOTAL $52係灣仔來講係快靚正之選下次可以試下個大碗飯 好似都係$48

估唔到車仔麵檔都可以食到鮑汁炆花膠🤩，$13已經有兩大塊，以鮑汁炆煮過後，入口爽滑，質感軟腍帶微甜😋。豬大腸軟滑有咬口👍🏻，滷水汁超入味，配麻辣湯底食好正，推薦✨。魚皮餃就一般般，可以不試。-麻辣腩汁湯底惹味，同車仔餸好夾，小辣岩岩好😽。$43有三餸連飲野，超抵🤞🏻！

星期六放工後已經兩點幾，覺得太餓，所以決定去食呢間係附近嘅車仔麵店。一開頭揀呢間店係因為黃，點知頗有驚喜。除咗餸嘅選擇好多，仲有平時比較少見嘅，例如鮑汁炆花膠、日式豬軟骨同日式叉燒等。係眾多選擇之下，我決定叫一碗豬紅、生菜、日式叉燒、油麵，同叫咗杯熱檸檬茶。一上麵嘅時候，有被佢足料又大碗而嚇到😂日式叉燒好味有驚喜👍🏻 係抵食又幾好味。 整體上店面乾乾淨淨，而店員亦態度親切。呢間係值得再食嘅車仔麵店！💛

果排武肺仲係好勁 呢間鋪頭衛生做到好足一入去量體溫就不在話下啦之後就會叫你消毒雙手 又會用消毒野抹下張枱 餐具都係獨立包裝 等大家可以安心食用～自己唔係咁肚餓 又見到有下午茶  就嗌左黎試下份量黎講算係ok 仲包野飲 d餸就唔好expect會好多啦 始終下午茶d餸都好夠味既～ 

晚餐，係星期六係灣仔駱克道，做完運動，見到有家食車仔麵的，看見店面整齊企理，所以決定試一試，疫情時間，入門即探溫，坐下發現由台面到調味樽都乾乾淨淨，即刻安心點餸，我點了溫泉蛋，牛腩，蘿蔔。太太點了花膠，魚片頭，同 日式叉燒。另加左一入細細粒的鮑魚仔。每樣餸都好好味，特別係牛腩，花膠，夠軟綿又入味。鮑魚仔20蚊有4粒，雖然好細粒，但係又幾鬼好味。所有嘢連兩柸飲品都只係112元，抵食！下次黎灣仔，一定要再幫襯