影片
港铁深水埗站 D2 出口, 步行约1分钟
继续阅读
开饭介绍
主打平价大大块花胶及其他新式车仔面𩠌，如日式糖心蛋、手打墨鱼饼。汤底汁酱可自由选择，有酸辣、咖喱等。
继续阅读
营业时间
*最后落单时间：22:00
星期一至日
11:00 - 20:00
公众假期
11:00 - 20:00
公众假期前夕
11:00 - 20:00
以上资料只供参考，请与餐厅确认详情
相关文章
-餐牌方面都揾到比较特别嘅𩠌，例如陈皮鱼蛋 & 门鳝带骨炸鱼皮，另外估唔到会有牛舌饭食，不过今次试咗车仔面先下次再食。蕃茄汤底 & 河粉都冇乜特别，辣椒酱有原条辣椒，加咗入去更加有层次。🐽猪颈肉 - 属于BBQ𠮶只腌制方式，有好多黑椒，都有少少咬口，会encore。🐟鱼皮- 都几厚，建议浸入汤之后再食，单食就太硬，冇骨！✨酸斋- 1入口真系几酸，之后先有少少甜，只酸喺我舌头挥之不去，下次唔会点🐠🥚陈皮鱼蛋 - 都够弹牙，有少少咸。(*´∀`)~份量超级多～女仔应该食唔晒推荐指数：⭐️⭐️⭐️平食一餐，CP值好高，味道就一般般。📍任你点车仔面 (深水埗)📍深水埗福华街147号地舖
继续阅读
韩国名厨白种元早排嚟到香港周围觅食，同时拍片放上 YouTube，影片即时掀起唔少话题.其中一集讲述佢去深水埗文记食车仔面，于是我又去吓文记开餐，虽然门口排队人龙唔太长，但只猪脚突然间有D痛，于是快快揾间餐厅坐底唔想企系到等，结果行落下一条街，试吓另一间车佢面，餐厅叫任你点.上网睇睇，佢地最出名系花胶，而车仔面档有花胶又真系唔多见，于是会一会哩个花胶，睇吓系咪真材实料.我点咗米粉，萝白猪大肠金钱肚鱿鱼猪软骨，女友小熊点咗贡丸牛栢叶鸡中翼肥牛花菇，两碗都,点咗花胶.优点:1, 有花胶提供够创意，花胶份量唔算少，入味又够冧，果然名不虚传!2, 花菇同样入味又够冧.3, 唔系档档车仔面有葱花，任你点有我大爱葱花提供，赞!4, 汤底清甜.5, 冷气够冻.6, 落单写系块过胶板上，够环保.缺点不少:1, 萝白超甜，但系甜到好似糖水咁就好似有D奇怪!2, 更奇怪系猪大肠有股酸味! 但又唔似变坏，因为我食完之后第二日都无肚痛，可能我消化力强吧，总之.... 果种酸味好奇怪.3, 日式猪软骨，软骨部位只系煮成爽脆口感，唔系软冧口感，软冧口感更夹自己口味.4, 金钱肚唔入味又有少少韧.5, 牛栢叶缩哂水.6, 贡丸虽然煮熟，但口感有D硬，无咗贡丸果种松软口感.7, 环境俾我感觉系唔够干净，枱面行D古旧风，我就话唔识欣赏啫，但天花又好似渗水，喇叭同埋四围又有D厚厚嘅尘，墙身又污糟.....8, 座位编排又好奇怪，两旁座位系面壁而坐，感觉好自闭，唔舒服.最后餐厅又系用趟门设计，D食客又总系无手尾，只识开门唔识唔闩门走哂D冷气浪费能源.成两旧水俾咁嘅性质，性价比低，红磡喜喜面馆更抵更好味，环境卫生又大大扣分，无法唔俾负评了....
继续阅读
我有个习惯就系如果见到或谂起好想食嘅食材，就唔理佢系咩菜式，有得食就会满足。今日见到呢个餐牌就怀住兴奋嘅心情食门鳝带骨炸鱼皮。。。食物上桌，心一沉，我就知呢篇食评必然系喊喊。炸鱼皮：唔够脆，冇骨嘅，大家可自行判断。汤头：接近清水嘅程度，我叫嘅系小麻辣，系清汤加小小麻辣油。河粉：滑，弹牙，合格以上。云吞：虾系爽嘅，味道一般。秘制鸡扒：皮脆，有肉汁，全餐最好食嘅，如果当日系为鸡扒而来，应该会感到满意。 牛舌细𠮶两旧好干，又硬，非常失败。大嘅部位算靓，但局部位置偏韧，好食讲唔上，就不过不失。
继续阅读
今日嚟试呢间出名嘅车仔面，出名大份抵食，面真系好大碗，配料都比好多，丸一份都比四、五粒。我叫咁油面，食车仔面最紧要食落去唔会淋，够咬口，𩠌方面我叫咗萝卜、咖哩鱿鱼、饺子。另外叫咗个韮菜。首先汤底方面够味，食落去唔会好淡。饺子好食，本身饺子都有调味，几香，又够大只。然后成碗都好多葱，正！对我呢啲葱迷嚟讲，觉得好惹味~咖喱鱿鱼辣味就唔系好浓，但就够晒弹牙，份量都唔少。萝卜麻麻地，唔系好入味～Overall都几抵食，啲野都几大份，但味道上都唔错
继续阅读
深水埗一向多食港式食物嘅良心小店，又平又正，今次就特登去帮衬任你点食车仔面 🍜 往日玻璃墙上有著很多创意，虽然现在墙上字画已不多，但到访的食客还是可以用枱上的Marker在墙上作画𓂅 鲍汁炆花胶 / 手打墨鱼饼 / 柱候牛腩 / 日式溏心蛋油面( ᴴᴷᴰ 68 )𓂅 秘制鸡排 / 手打墨鱼饼 / 柱候牛腩 / 日式溏心蛋 ( ᴴᴷᴰ 68 )讲番食物，ᴴᴷᴰ16食到鲍汁炆花胶厚身又大旧，炆得饱汁味出，呢个价钱无得弹👍🏻 手打墨鱼饼同样ᴴᴷᴰ16 但系系惊喜嘅，厚实口味仲食到粒粒墨鱼！另外汤底方面都十分多选题，今次就试咗腩汁加麻辣，配上油面食刚好～
继续阅读