仨島日本料理 (已結業)

因為呢排成日落雨既關係，門口都唔想出，所以係叫外賣，咁岩見到呢間啲set lunch好似幾抵咁就試吓。我今次叫個set lunch 係豬骨湯肥牛烏冬加壽司，呢個set lunch 既份量我覺得都中規中矩，啲壽司貌相幾好，不過唔知係咪外賣加上落雨關係，多人叫外賣，啲飯唔夠實，一夾就散散地，但味道係ok 既。整體黎講，我覺得呢間以日本野食黎講價錢都算平既，份量合理，出餐時間都唔算話好耐，落左order 後大約45mins 左右就送到。不過以呢個價錢黎講唔好期望係好高質素。

疫情期間足不出戶，差唔多次次都食呢間餐廳，每次都係叫food panda外送 未試過堂食 每次出餐都極快 有效率 烏冬大大碗，仲有得選擇幾種湯底 ❤️可以轉拉麵每次都會追加糖心蛋 勁入味 無記錯加蛋的價錢也不貴配送的餐飲熱茉莉綠茶好香，唔太甜，好好飲最正係烏冬餐仲配埋壽司 炸蝦卷🍣三文魚刺身 超滿足！！！仲要係新鮮好味既！良心店舖 性價比高 價錢經濟實惠 街坊生意的平民高質日本餐廳 之後都會繼續幫襯 期待親臨堂食深夜打文，越講越肚餓⋯⋯⋯⋯

今晚再次同男朋友去食☺️今次叫咗肥牛鍋燒烏冬同雞扒鍋燒拉麵😋肥牛鍋燒烏冬係配蕃茄湯底👍🏻蕃茄湯底好味😋雞扒鍋燒拉麵就配味噌湯底，湯底唔會好咸，唔錯🥰仲有併盤好新鮮😍有三文魚刺身2件，吉列蝦卷3件，北寄貝壽司1件，劍魚腩壽司1件。估唔到晚餐同午餐一樣價錢👍🏻抵食，值得介紹比大家😊

經過發現一間日本料理，見價錢幾平，所以入去一試。我同男朋友叫咗鰻魚粒便當，雜錦壽司拼盤同一份鹽酥雞。送熱飲-蜂蜜綠茶，本人覺得幾好飲😋雜錦壽司新鮮味道唔錯👍🏻鰻魚粒便當份量幾多，不過飯比較軟🍱鹽酥雞份量比想像中大兜👍🏻整體都覺得唔錯😋仲要讚一讚員工好好清潔每張枱同消毒👍🏻每張枱客人走佢地都用心消毒完先下一個客人坐。

96元一個打邊爐，無野飲，面食要加錢。肥牛六片左右。丸仔四粒，青菜只有一款。另外一個70幾 黑豚肉打邊爐，更只有四片肉。保證讓你食完好似未食甘樣。店員安排你座對住門口座位，裡面大把位唔卑人座，可能讓人係出面望入來好似客人爆甘……

之前行過見到開左間新野，星期三就約左三個朋友一齊去試食，可能我地比較早到，唔洗等位直接入去。入到去環境都不錯，簡約設計，座位都幾好坐。睇好餐牌我地就（柯打）野食（價錢合理）啦。食野就如下；野食唔錯，特別係條魚（）P.s 可以再去

今日要去葵涌拎野諗唔到食咩，誤打誤撞去左哩間不太起眼既小店，估唔到選擇無錯，好彩無中伏、仲幾好味、所以同大家分享下！當時3點幾所以人流都唔多、所以好寜靜好舒服咁食左一個下午茶、先講店內感覺好乾乾淨淨、衞生情況好好、完全無一般壽司店既臭魚腥味超讚服務都不錯叫左壽司併盤好新鮮仲係即做既、飯既大細剛剛好一啖一件刺身叫左三文魚腩、係入口即溶食完好有滿足感既最後叫左個燒尤魚筒、一啲都唔乾、鮮鮮甜甜幾好味列入有下次

日日返工都係茶記，今日拉埋D同事去試下間日本野。食左個蕃茄湯雞扒拉面，個湯底甜甜地，茄味好出，不過最緊要係夠平，跟埋野飲$50都唔洗~~~正~!!只係差在個拉面麻麻地，下次+$5轉烏東試下。同事點左個壽司定食，有個烏東跟埋，仲有8件壽司，佢話個烏東好正，好彈牙，最後食唔晒~因為多得濟~!!另一個同事就食左個鹽燒鯖魚飯，鯖魚燒得剛好，應該同出面參唔多，跟埋野飲$45~抵食!!總括黎講，依間日本野值得再食，上一手好似係荼餐廳，冇咩人，而家依間好旺，等我收工又去試下^^

超濃蕃茄湯底，烏冬煙韌，肥牛唔鞋口，應該係最尾整熟牛肉先放落去，可見廚師用心之處每次必點既褔餅，糯米皮好軟熟，唔太甜，有綠茶，椰子，藍莓，朱古力，芒果口味，因為多人食，有時去到想要果隻味道就要碰碰運氣了

屋企附近開左間新野，膽粗粗同屋企人走去試下~!叫左一客壽司併盤，牛柳粒烏東同刺身船。個刺身船好抵食，靜係餅海膽都抵返晒，好新鮮!!小朋友好鍾意個烏東，因為係蕃茄湯底^^不過個牛柳粒確實係唔錯!同老細吹左陣水，比左客福餅我地試食，好好味，比小朋友食晒，冇相^^是日$600有找，4個人，抵過食放題!!

新開呢間日本野真係好抵食！上次收工唔知食咩好。。。又唔想食嚟食去都係果啲興幸俾我遇到呢間新開日本野初嘗揀咗呢個餐，咩都有啲真係好抵、好抵、好抵！ （重要的事情是講三次😂😂）又有柚子沙律、烏冬、壽司同魚生！仲有野飲添😇簡直飽到上心口🤰🏽P.S. 啲魚生絕對係厚砌😍😍今日lunch time 再去，仲要唔駛等好耐～（唔知會唔會係新開咪係好多人知啦⋯⋯）不過order 後，上菜時間都好快（你都知Lunch Time時間好有限架啦⋯⋯呢到快食完，就要衝返公司💦）今日仲有Lunch Set 揀～又係真心抵!!以後唔駛食嚟食去都係果幾間，又多個選擇啦

放假諗住去食lunch,點知樓下開左間日本野,新開張做下白老鼠. 見裝修唔高當，原本冇咩期望，點知有驚喜。叫左個雜錦刺身飯，好大碗好多魚生，仲要幾新鮮下，正👍👍唔知係唔係新開張或者可能係後生仔開，服務都唔錯，以後有好野食😋。期望以後有會員咭等優惠比熟客😀😀😀