影片
开饭介绍
主厨入行逾二十年，曾任职五星级酒店主厨、为米芝莲餐厅设计菜单，经验丰富；其新派高质厨师发办糅合各地时令食材、烹调手法，卖相精致，是约会及庆祝重要日子的好地方。
继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
以上资料只供参考，请与餐厅确认详情
-
网上订座服务暂停
同事介绍我呢间omakase，佢劲推介同埋佢已经返兜过，听到咁已经觉得有信心!当日lunch试左佢地$888𠮶个set，有6道料理、8贯寿司、仲有玉子烧、卷物、汤同甜品，好满足！食材新鲜之余，配搭仲超有惊喜！青酱加用鱿鱼扮嘅意粉、剑鱼腩扮叉烧嘅叉烧饭、新鲜马友同马友咸鱼嘅cross over，师傅真系好有创意! 最后师父仲请我哋食佢自己整嘅truffle chocolate 😋感觉到厨师同侍应都好有心做，值得支持 💪🏻
继续阅读
令 Decree by T📍中环阁麟街46-48号FOCO 22楼日x 法创意餐厅挂画，餐盘、杯碟全部都用贵野由开始订位，我话唔食生野，肯帮我转其他野食，到我食完第一道菜放低筷子，已经即刻过嚟帮我呢个左撇子转筷子摆位，佢地嘅服务好过好多星级餐厅Chef Thomas 每上一道菜都会好详细讲解食材、做法，仲要有晒打卡位🤣好多都系自创菜式，连渍物都系自家制， 出面唔会食到， 当你食fine dinning 食食下其实好多间都系差唔多菜式， 呢间餐厅真系比到惊喜Omakase 16道菜自家熟成吞拿鱼火腿野菜温泉蛋沙律网烧北寄贝寿司魔鬼鱼面颊天妇罗配蜜饯柑桔酱葱油味噌鸡肝配冲绳菠萝炙烧醋渍鲭鱼配法式芥茉乳酪松茸蟹肉蒸蛋鱼汤赤羽太海胆毛蟹寿司熟成吞拿鱼腩寿司鲍鱼肝酱炒粒贝冷泡花胶汤叶鸡白汤北海道白海胆三文治鹅肝雪糕虾子捞粗江户前玉子烧牛肝菌炖响螺自家制伯爵茶雪糕#令decreebyt#创意料理#日法料理#finedining#服务100分#中环美食
继续阅读
生日月😁呀姐请我食好西🥰系我食过最特别最正既omakase 🩷每道菜师父都会详细介绍有咩材料同埋有咩特别既烹调手法第一道料理上黎卖相已经好吸引！-烧鲭鱼 金柚 干飘 日本既芥末籽 烟熏鱼子酱 下面有个蝶豆花西米纸装住👍🏻再黎第二道料理-意大利青酱慢煮🦑墨鱼面 好清新 口感好特别👍🏻第一件寿司-手撕北海道凡立贝 用煎酒渍呢个方法去做既第二件寿司-彷佛鱼🐟 4日湿式熟成 鱼肉会实啲第三件寿司-赤虾 虾壳粉 半熟 质地好好食 弹牙爽口👍🏻第三道料理- 鸡胸卷 鸡肝 白松露都劲香👍🏻第四道料理- 慢煮剑鱼腩再烧左个面 上面个蛋黄酱都系慢煮 加自家制叉烧汁👍🏻第四件寿司-黑鯥鱼 鱼皮网烧面头有啲干葱第五件寿司-酱油积吞拿鱼背位 辣根代替 Wasabi 第六件寿司-7日熟成 既中拖 油脂好丰富 成个口都系油香味👍🏻第五道料理-慢煮日本真蚝 意大利西西利亚蕃茄汁 👍🏻好醒胃中场做反个 中和既效果 清一清个口腔 突然又想再食多啲野😂第六道料理-新鲜野生马友 连埋啲鳞一齐煎 咸鱼味好香👍🏻第七件寿司-北海道白海胆👍🏻第八件寿司-烧碟鱼边樱花虾👍🏻第九件寿司-系由几款吞拿鱼位置既寿司卷👍🏻师父指教要一啖过食 一口食到几款唔同既寻晚肉汁再加油香 真系好正别特追加左个 生日限定 🎂-鲍鱼花胶鸡白汤长寿面👍🏻所有！系所有都好好食！呢餐生日饭食得好满足🥰💯
继续阅读
想带两老食好嘢，又唔想烦菜单又惊传统omakase食得好拘谨嘅话可以介绍嚟呢间。朋友嚟食过赞不绝口，我就预先喺社交媒体网站问清楚菜单可唔可以换走食物敏感嘅材料，就订位（要落订留位）💕厨师发办加入港式创意元素：有惊喜！除咗鱼生仲有海胆，炸物，汤，最特别系𠮶个港式叉烧味嘅鱼生饭。。。呢啲先系代表香港嘅餐厅！飞去日本或者返深圳都唔会食到呢D有香港人用脑花心思整嘅菜式。 最紧要唔系gimmick - 道道菜都好食，又花心思，连茶都有Pairing。隔咗成个月我都要记得写返个好评餐厅全部都系吧枱位置，大概12位左右。大厨Thomas又健谈，两老都食得好开心😀呢个价钱喺中环区食到咁高质素，仲要有八五折✌️午市都食得咁精彩，期待下次试晚市menu🎉庆生一定再来🫶
继续阅读
三年前, “预约困难店” 遥不可及, 今时今日终于可以逐步解锁, Decree by T 系目标之一, 尖沙咀原店已结业, 缘份未尽, 今日嚟到中环店.🤗 餐厅位于中环 FOCO, 沿半山扶手电梯直达, 搭䢂上22楼, 玄关又挂画又玻璃, 玩唒艺术. 再进用餐区, 设长形十二人寿司吧枱, 一字排开, 玻璃窗望楼景.🥢 开年饭, 梗系一步攻顶, 点咗午餐, $880+10%, 包六道料理, 八贯寿司, 玉子烧, 卷物, 汤, 甜品, $680 版本少三道料理. 另点清酒, $350+10%.吞拿鱼肠粉𩽾𩾌鱼肝雪糕筒富山白虾北海道带子樱鱼鲷茶碗蒸剑鱼腩深海池鱼腩梭子鱼大拖罗白子赤羽太海胆右口鱼边吞拿鱼太卷玉子烧粟米鱼蓉汤白桃乳酪🐟 料理一… 吞拿鱼肠粉. 肠粉皮用豆乳制, 包住吞拿鱼酱油渍, 配辣根. 菜式设计具心思, 好食嘅, 但埋没咗酱油渍嘅甘香.🍦 料理二… 𩽾𩾌鱼肝雪糕筒. 𩽾𩾌鱼肝, 无花果垫底, 山楂皮, 柚子胡椒. 貌似西餐嘅餐前小食, 卖相加分, 食落少似泡芙, 一体感超赞.🦐 第一件寿司… 富山白虾, 昆布渍, 竹炭盐. 黐𥹉𥹉口感, 有趣, 但系冇乜味. 🐚 第二件寿司… 北海道带子, 煎酒酱油, 柚子汁. 带子爽甜, 酱油味略淡.🍣 第三件寿司… 樱鱼鲷, 柚子胡椒. 烟烟韧韧, 鱼味略淡, 味道由柚子胡椒带领.🍥 料理三… 茶碗蒸. 用蟹壳熬汤蒸蛋, 蟹肉蟹膏放面, 柚子皮. 蟹肉蟹膏味道极度鲜甜, 非常出色!🍚 料理四… 叉烧饭. 剑鱼腩 (扮叉烧), 蛋黄酱. 又几似叉烧㖞, 有趣.🍣 第四件寿司… 深海池鱼腩. 鱼油充足, 肉质紧实.🍣 第五件寿司.. 梭子鱼. 调味似三升渍, 带蒜香芝麻香, 抢了味.🍣 第六件寿司… 大拖罗, 两星期熟成. 非常肥美, 又唔腬.🐚 料理五… 香煎白子, 意大利青酱. 麻麻地, 我钟意原味.🐟 料理六… 赤羽太, 立鳞煎, 白面豉, 葱油. 鱼肉爽弹, 口感少少似白鳝, 鱼鳞翘起, 十分脆, 调味汁似西餐嘅忌廉奶油, 神级之作. 🫖 京都焙茶. 解一解肥腻, 舒服晒.🐚 第七件寿司… 北海道小川海胆, 配紫菜. 忌廉口感, 鲜甜, 出色!🍣 第八件寿司… 右口鱼边. 炙烧迫出油香, 绝配脆脆紫菜, 掂!🍙 吞拿鱼太卷. 吞拿鱼, 吞拿鱼蓉, 白身鱼, 干飘. 一啖食晒, 正! 我觉得好食过 “云隐”. 🍮 玉子烧. 玉子烧嘅材料一般系虾同埋鱼, 今次全用墨鱼, 加山芋蓉, 低温焗. 口感软绵, 赞!🥣 粟米鱼蓉汤. 鱼味非常浓郁, 渴身, 惊喜之一.🍨 白桃乳酪. 无加糖无加奶, 扮雪糕. 完美结束.🤗 总结: 食得多传统 “江户前” 寿司, 可以试下 Decree by T. 环境装修走高档路线, 听讲挂画杯碟全部名牌, 打卡一流. 今日副将招呼, 大将间中客串搭嗲. 服务人手充足, 但寿司吧枱太深, 苦了师傅同埋服务员. 初尝日法混血料理, 摆盘抢镜, 加分, 菜色设计充满惊喜, 十分过瘾. 但系呢, 某几道食材, 例如赤身, 白子, 我更期待原味, 哈哈. 📖 翻查资料: “江户前” 原指 “江户城前的河湾”, 即现在嘅东京湾, 当时鱼类品种丰富. 另一个意思系 “江户前” 嘅 传统寿司制作方法 或者 手握寿司哲学. 江户时代尚未出现如今先进嘅交通工具同埋雪柜, 人们想出不同嘅方式保存海鲜食材, 包括煮, 腌, 浸泡等, 演变出一套制作寿司嘅哲学 .
继续阅读
您可能会有兴趣的...