仙踪林 (已結業)

飲品偏淡, 太多冰, 請調味那位師傅自己試試味啦~服務唔錯, 員工待客有禮, 值得一讚!!

中學時代比較鍾意去仙踪林飲野, 因為比仙跡岩多款, 食野就仙跡岩好d, 但成日都好多人同有人食煙所以好耐都冇去過, 近期去左次,(因為小魚滋味要等位, 我腳又勁痛and冇睇清潔個店名就入左去以為係仙跡岩) 一睇menu就知唔對路, 事但叫左個咩紅酒牛肉意粉+ 珍珠奶茶, 朋友都係, 哇, 個意粉都未熟, 硬ge, 好難食囉, 珍珠奶茶d珍珠一樣好硬, 以後都唔會再去>_<

真係唔明呢間仙踪林點解可以支持落去.....員工愛理不理，"唔休做" 的咀面,本人都領教過!另外一位"木口木面" 態度, 亦屬一絕!不過, 話時話, 有次姐姐仔見到個外籍顧客(鬼佬),就不知幾好笑容, 莫非想轉行做"旅遊大使" ?大家應該明白點解呢度咁容易搵位啦!亦應明白點解呢度坐得較舒服, 無人催促你走啦!

與友人逛了一整天花園街,在各店子都擠滿了輪候座位的人龍,我們倆人便選了這間客人稀少的仙宗林.我己經超過1年沒有光顧這類店子.除了一般飲品及小食外,也有數款意粉,湯麪SET,還有一些木便當SET.由於原本選擇了水餃湯麪沽清,所以選了黑椒肥牛拉麪木便當+一杯珍珠奶茶.肥牛的確很肥,>50%是肥膏,很肥膩的口感.幸而黑椒汁撈麪的味道也不錯,麪身尚算彈牙.珍珠奶茶也沒有奶茶味.朋友點了RBF牛肉湯麪+一杯珍珠奶茶.朋友說這麪有點辣,味道還可.我們坐得較近門口,距離櫃台較遠,而且也有大柱阻擋視線,悄悄地離開了店子也不會被人發覺!雖然我很欣賞這個位置(因為隱蔽可以靜靜地交談!)不過點菜時就很不方便,因為要很大動作地招手才會被侍應發現!是一個可以傾談的地方,不過不要對食物有什麼要求.

約朋友在太子等，點鬼知佢住響附近都要遲到，等佢同時既口渴又嬲嬲地，又係時候用錢買野食哄自己！本來想飲例牌既百香果紅茶少甜加珍珠，怎料收銀哥哥話佢地依家冇出紅茶系列飲品，皆因ｄ紅茶混入哂去ｄ奶茶度！（ｏｈ！什麼．．．？！）不過真係好口渴，唔等得，唯有叫杯茉香珍珠算數！有個大肚女人接手做收銀，態度不好，唔笑，問佢要等幾耐都唔答＠＠；點知畀左錢唔使１分鐘就有（總之唔問好過＝ｏ＋）珍珠有咬口，奶茶都好飲，不過１８蚊一杯，始終份量細了點．．．

拿了電話去整，要等個半鐘先有得拎，唔想周圍走就黎依度飲野。我飲藍莓乳酸，男友飲的是熱蜂蜜綠茶。我覺得熱蜂蜜綠茶比藍莓乳酸好飲。環境好嘈，服務麻麻，但點都比沙田分店好，至少唔會食到一肚氣。不過下次飲野都係情願去番starbucks啦。

環境不錯~~坐起來蠻舒服由於下午茶時間去所以只是點了一點小食及飲料可是小食是一般急凍小食番熱我叫了杯莫加咖啡比想像中的好可是朋友的藍草莓特飲喝得他面容扭曲由於對藍草莓沒興趣的我也沒去試了我想都不太好喝了很重色素的感覺

我指係杏花村個間~想飲珍珠奶茶咪開開心心走入去買杯試下. 試下d新野叫左杯藍莓珍珠奶茶....飲左第一啖就知道我認錯左仙宗林同仙跡岩. 杯野味道奇怪無比仲要甜到不得了, 藍莓既香精味好重又無奶茶味...只係d珍珠就煮得適中. 平時一杯野我唔使幾分鐘就可以消滅啦...個杯野要用左成差不多半個鐘先免為其難咁飲完.

昨日(星期六)搵地方食lunch,見度度爆滿又落雨﹐加上又趕趕地時間﹐見呢度唔使等位就入0左去。正當看看想坐邊張檯之際﹐個矮矮瘦瘦應該係分店經理的男職員帶我坐一張近門口的2人檯﹐由於我唔想坐近門口﹐所以我同佢講話我想坐入少少果張(兩張2人檯拍埋的)。由於得我自己一個﹐所以佢好似唔係好想﹐仲語氣有少少悔氣話: 我當然明白這個到道理﹐但係使唔使用這種語氣?呢間0野D服務真係好差﹐有個女侍應黑口黑面﹐好似全世界欠0左佢0甘。我仲親眼見到佢將D刀叉"啶"落隔離檯﹐紙巾又"拿"埋一舊!隔離檯客都被佢嚇0左一嚇。使唔使0甘呀?唔鍾意咪唔好做0羅。講番D食物﹐真係好唔惦。我叫0左個套餐:吞拿魚意粉&熱甘吉青寧。飲品OK﹐但係意粉好唔惦﹐份量細又唔熱﹐吞拿魚+白汁一"pat pat"。但係要成$40,真係好搵笨!比多兩蚊0係附近的"紅螞蟻"已經可以食到一個好好的局飯套餐﹐如果唔係見附近間間要等位兼落雨﹐我都唔會幫襯呢間﹐真係無下次!

此店還是淨飲比較好！上星期晚去了太子，晚餐沒有idea，見門外有一個宣傳板有意粉套餐$44，相片看來也不錯，就去試一試。點了一份龍蝦汁龍利柳意粉，飲品要了珍珠奶茶。珍珠奶茶總算是不俗，不過意粉卻是很差勁！首先，份量是極少，比起茶餐廳下午茶餐份量更少，當晚餐一定不夠。第二，意粉煮得過「林」而且碎，既不夠熱，上碟後有大量水份，稀釋了龍蝦汁令味道大打折扣，極之失敗。此外，此店雖設有吸煙和非吸煙區，窗口排全為吸煙區，但兩區距離近又無分隔，非吸煙區形同虛設！而且座位編排迫，環境算不上舒適。服務方面，服務員比較有性格！？放下食物時沒有說是什麼，隨意把碟放到她心目中的食物的擁有人面前就算，很可惜她連二分一機會也猜錯了！總體上，飲品不差，食物不濟！

呢間都算係旺角台式cafe中, 地方比較闊落同埋唔會一頭煙的cafe, 雖然地方好似遠左d, 但為去一間比較好d的, 都不惜要行遠d啦其實smoking區好似好坐d, 門口的sofa好正, service都係一般啦, 唔好期望咁高, 飲品就一般啦, 不過熱飲好似唔夠熱, 而且涷飲個大杯同一般size好似無咩大分別, 圖中的係大size, 係咪無咩唔同呢? 下次都係叫番normal size好係抵d

同朋友經過, 咪諗住坐低食少少野。我地叫左雞翼, 三文魚吐司同三杯野飲。味道一般啦!不過最搞笑既係, d野食接二連三咁黎錯, 初頭黎左個雞腎, 咁咪叫佢換過囉! 到上吐司時, 佢竟然比左個牛肉我地, 咁咪又叫佢換過啦! 但最離譜既係換多次都係牛肉, 咁我個fd 就講笑話, 莫非呢個其實係三文魚?! 咁跟住問佢地吉碟啦, 三隻有兩隻係污漕左既! 真係火都黎呀!咁既服務質素, 實在唔掂呀! 唔會再去!!

上星期五同兩個friend睇完戲又唔想食好多o野未走去飲下o野食小食咁啦, 點知個friend 揀o左杯凍o既乜乜藍梅花茶, 點知送到黎杯飲品滿到灟出, 個waitress 都仲敢拎埋黎, 杯花茶仲要另加蜜糖, 叫人點加喎, 未飲O左D 先囉, 點知個friend 話好難飲又唔係好凍又無冰...加完蜜糖叫好D 不過都係難飲, 咁我叫佢唔好再飲啦叫過另一杯好過啦. 有D 飲品SIZE 好似縮水囉, 好似珍珠奶茶咁比仙跡岩少成半, 其他都有D 係咁情況, 食物就算OK啦.至於服務正如先前提過唔應該拎杯無冰唔凍同滿瀉O野飲品比人嘛, 我見其他TABLE 有人叫O野OR 埋單, 我見D 姐姐仔好似好唔想做咁, 只係同吧檯d 人傾計都唔理人, 個客見無人理都嬲未只係放下d 錢仲要係散紙同大餅等個姐姐仔死過去時數咁佢o地就走人啦, 我覺得o個位姐姐仔d 態度好唔要得, 唔想做就唔好做, 調轉要d 客受佢氣, 佢有無睇劉生叫人要有好服務態度o架.

星期日晏起身,同嗲地媽咪去始創食個late lunch,點知變成一個唔多好既experience…話說去到仙踪林已經好多人,我地坐窗口位,冷氣好凍…落左order之後,竟然等成十幾二十分鐘都無事發生!第一樣上既係飲品,但已經係二十分鐘後既事,仲有上錯,熱飲變冷飲,要換,此換卻令呢個熱咖啡變成最後最後食晒野都未黎仲要催至黎既飲品!食物就要三十分鐘先有,真係等死你!試個所謂金錢瑤柱袋原來係無瑤柱既,意大利雲吞就可以啦,但略嫌粗糙,而胚芽珍珠唔單止胚芽份量比一般少,連杯既容量都好少喎!話咁快就飲晒!服務態度唔太好,好慢,又俾錯我地既野隔離枱,我地唔打算再去呢間店!

我18/7都係第一次黎呢間。喺晩飯時間既太子角區，都竟然唔駛等位，真係開心。我一個人坐最出面既梳化位，由於係等時間過，所以我買咗雜誌打算坐到夠鐘，食完嘢都冇人趕走，好開心，又坐得舒服。雖然食物只係一般，不過對於40蚊一個餐又想有乜要求呀！　=)