影片
星期日瞓到自然醒就同C 小姐岀去食brunch ，谂唔到食咩之际，记起之前有media 讲过仙迹岩原来仲有，所以我地就去到最近既呢一间喇。系一个街坊商场入边好易揾到，我地叫左我地中学放学去hea 既每人最爱餐单😂我既有 抹茶吐司 细个已经好钟意抹茶味，加上呢个吐司焗得个抹茶酱脆脆地，个面包底又软，放学唔系好多零用钱又想饱d，食佢就啱哂。食完抹茶吐司再加青苹果绿茶，真系咩回忆都番哂黎。青苹果绿茶同珍珠奶茶另外，C小姐食左盐酥大块鸡都系以前既味，外面好脆，里面有肉汁。今日食完好似变番中学生呀😂
继续阅读
今晚继续同亲戚朋友一齐食饭真系好开心呀！帮佢哋呢d小朋友庆祝系来得更特别。叫咗个猪颈肉配卤蛋饭，佢可以拣蛋之余仲可以拣配涵肉。咁我觉得都有两种肉就好似太多，就拣咗卤蛋。猪颈肉肥瘦均匀配埋卤蛋就完美配合。之后本身叫咗炸虾丸嘅，咁店员就唔小心落错咗，虽然我系想食虾丸多啲，咁但系都唔紧要啦。我就照要咗花枝丸。虽然得三粒但系大大粒。花枝丸都颜色炸出嚟都好靓好吸睛。我中意佢外面个皮几有咬口。之后再点埋佢一d椒盐嘅调味料更加惹味😘再叫埋个大大炸鸡扒系非常之吸睛吸引，香脆炸鸡好似盐酥鸡咁样非常香脆！而且份量都够大，好顶瘾！再叫埋嘢饮先就叫咗胚芽珍珠奶茶。平时通常都系饮珍珠奶茶，但系嚟到呢度想食啲特别啲嘅就饮呢个非常之有营养嘅胚芽珍珠奶茶，佢都几多胚芽好足料，味道配合得好好。另一杯要左芝麻珍珠，芝麻味道香浓，非常足料，淡淡清香芝麻香扑鼻，健康之选！今晚喺呢间铺头入边，融合咗香港台湾同埋巴基斯坦嘅三种情怀来得更加特别。
继续阅读
今晚同亲戚啲小朋友食饭当庆祝佢哋生日来得特别窝心💚💗我哋嚟到佢哋屋企附近新蒲岗广场入边嘅仙迹岩。呢间餐厅以前都食过，系我最钟意食嘅台式食品店。而且装修光鲜亮丽。以前都好多分店架，不过有啲可惜系而家好似式微左，就得返几间分店。不过都无损我追随嘅心。一嚟就带咗两杯嘢饮先啦，最爱饮品♡系我嘅主打心水！叫左一杯芝麻珍珠同埋茉香绿茶。本身钟意食烟韧野既我就想叫埋加珍珠嘅。但系又惊食唔晒。所以都系单点啦试吓纯茶味！一嚟到啲饮品都几大杯同以往一样。芝麻珍珠上面浮浮沉沉左一层又一层嘅芝麻，非常足料，可以系饮奶茶嘅时候饮到淡淡芝麻香，健康之选！之后一个值得推介嘅就系茉香绿茶💚有睇开我食评嘅人都知道我系好钟意饮茉莉绿茶嘅。因为讲过好多次茉莉非常之清新怡人。绿茶又清爽解腻。夹埋系非常之配合嘅一个组合。佢呢度绝对系做得出色！点解呢？茶味香浓非常香浓。两只茶味都系非常突出。我系饮完再想饮多一杯！系非常之好饮！我谂如果加埋我最爱嘅珍珠我真系饮两杯都得😍😍仲有食台湾野又点可以唔叫一个牛筋牛肉面啊。碗面大大碗。牛筋都做得够淋，牛肉又够入味。再加上一个台式必叫既大大炸鸡扒，份量都几大，再加上椒盐味的调味。系非常之惹味，香脆炸鸡一囗又一口，食得好开心😃。呢间餐厅有好多回忆，佢嘅份量都几多，质素亦都OK。希望佢可以继续保存着我呢份回忆啦。
继续阅读
今日试左呢间餐厅，一试便爱上。价钱一啲都唔贵。而且重好大份，甜不辣非常脆口，点咪啲酱汁食真系非常之好味道。食到停唔到口。其他野食都一样咁好味。而且非常抵食。识食一定黎试下啦。
继续阅读
今日午餐继续系新蒲岗觅食，同事话想食台式野，就系openrice 睇下有咩好介绍，结果揾到呢间位于新蒲岗广场2/F 既仙迹岩。店舖位置有d 隐蔽，好彩同事带路，如果唔系都几难揾。惹味套餐有3款，可以算系set lunch, 我拣左台式三杯鸡配白饭。其实仲有其他饭餐选择：当然唔少得台式牛肉面同事叫既天然雪菊茶🌼台式牛肉面，有肉有筋，汤面都好味。😋最后有我既三杯鸡，酱汁偏甜，完全唔辣。鸡块大概有5-6旧，加埋配菜刚刚好食哂一碗饭。😝最后饮埋杯珍珠奶茶，刚刚好。👍
继续阅读