影片
$28一细碟香辣长通粉同冻咖啡都唔算平，但个味道绝对值茄汁，辣味同香草既味刚刚好，好正食完个口仲留有香味@~@;;;冻咖啡一般
继续阅读
我都系下午茶时段行过呢间餐厅，见到下午茶一律$28，六时前离座不加一。下午茶有心太软，有雪糕伴，可以自己选味道。连饮品都只收$28。咁既价钱，真系好抵！我都有去过另一间湾仔法国餐厅吃他们很出名的心太软，但午餐连set叫，近日加了价要$25。都无雪糕。加雪糕要加$8即$33。就较贵。下午茶又系叫饮品才可以加钱吃心太软(+$25)。加雪糕(+$8)加饮品(+20)起码要$53。净系要心太软，唔吃其它东西就照原价无雪糕都要$33，加埋雪糕就要$38。所以呢间吃下午茶真系好抵食，但平心而论，这间的朱古力的质素要较另一间差。但亦可接受，大家不妨一试。
继续阅读
今天好开心, 昨天冇见嘉豪一天, 今天我收早他接我收工, 而且他买了一本书给我, 本书都好好笑, 不过都想食个tea,坐下来看下书, 之后我们路经"仙人掌", 见到个menu的下午茶都好抵食,$28免加一, 冻饮都不用加钱, 于是我们都入enjoy 个tea我们都想了好久, 因为我们都三心两意, 不过"心太软"我就一定会order, 因为好耐都冇食了,有朱古力,士多啤梨,芒果,香芋&云呢拿雪糕可以选择,不过我都是想食番最传统的dessert, 都是云呢拿比较好啲!之后嘉豪order了芝士白汁焗吞拿鱼长通粉, 他好喜欢食cheese, 食番个pasta先饮品两杯iced tea 都好快来到, 茶都好清晰, 预先放syrup, 不会太甜, 都好正!等了一阵, 个penne都好快送上, 好香浓&香喷喷的芝士味已经攻入我们的鼻子里, 当用叉拨开白汁的时候, 里面都好足的配料, 有mushroom, tuna, 有生的onion..., 不过爱食芝士的他也要些cheese powder配个penne, waiter都好helpful, 把香浓的cheese powder洒上整个pasta的area, 当我用叉勺起时, 一条条芝士丝都可以拉出, 咸咸地焗了的芝士真是好令人回味等了大约十五分钟, 个暖心朱古力布甸+云呢拿雪糕终于送到来了, 个卖相都好美, 如果加番啲生果装饰更美, 好紧张的时刻到了, 先用叉在朱古力布甸上切开一半再用spoon将朱古力布甸两边打开,哇...朱古力浆好快流出, 都好滚热的朱古力, 个布甸的外表好脆, 如果朱古力浆再"结"番少少更好, 将一啖的朱古力布甸再加上一啖的雪糕, 冷热互相在口里交流, 舌头上一冷一热的感觉,将个dessert发挥到升华的状态, 好似一个朱古力山爆发般,香浓少少苦的朱古力配上香滑又甜甜地的云呢拿真是好想再来多一客下午都不算好多人, 餐厅内播放著音乐版歌曲, 气氛都好柔和, 令人感到relax, 加上有卡位&sofa位坐, 好舒适的环境, 当我们埋了单后, 又有waiter帮我们拉门, 服务都好好,$28的下午茶真是好抵食, 不会因为下午茶令到食物质素下降,卖相都好美, 下次再去过
继续阅读
今日去完买野,又吾想周围去,就去左仙人掌一入去,再次坐系平时坐开果个卡位叫左个炸鱼薯条即磨咖啡好快到,注意系即磨!!因为见到佢用咖啡机炸鱼薯条等左一阵,不过有杯咖啡饮住等就无所谓啦鱼同薯条都系即炸,吾会难食28蚊真系好抵食PS六点前埋单仲吾収加一添
继续阅读
20-2-2009上次约朋友 J 食 lunch 迟到, 搞到食唔成呢间 ^_^", 难得到湾仔「下场」前朋友提议0黎试试 set dinner, 今日终于有机会试试食友 FL 介绍的心太软喇! 先0黎 starter, 拣了洋葱汤: 洋葱腍身, 汤就好稀, 味道太咸, 有点「豉油沟水」feel, 谂起都打冷震... 反而蒜蓉包几好食, 烘得脆卜卜又几香蒜味.朋友的 starter 好似叫「烟肠仔沙律」, 即两片 mortadella (?) + 泰式 dressing 的罗马生菜... mortadella 味道正常, 爽脆的罗马生菜就被橙色的 dressing「害」得「鸡毛鸭血」-- dressing 呈 jam / 状 (!!), 味道十足泰式鸡酱 / 加辣版 marmalade, 难吃. 十分麻麻的一道菜!我的主菜好似叫「紫苏忌廉汁蚬肉天使面」: capellini 腍腍的, cream sauce 味道淡淡的, 唯有自行落点胡椒粉「吊吊味」;「紫苏」就唔多觉, 唔通粒粒香草碎就系「紫苏」? 蚬仔虽然好似好细只, 但食落带点海水味, 鲜甜无沙, 意料之外地不错; 杂菌就麻麻, 个别几只带点「酸叔」, 唯有放弃.试了一啖朋友的主菜 (好似叫咩「鹅肝鸡肉卷」...),「鸡肉」味道口感都好似肠仔, 唔0岩食, 不过朋友觉得 ok 就得啦;「鹅肝」就系品质麻麻的鹅肝酱, 可以不试; on the side 的薯菜以 mashed potato 卖相最吓人, 睇个样都知唔好食, 唔怪得朋友掂都唔掂! 不过两粒 cherry tomatoes 就俾我食了, 都叫做 ok 的...又系饮热咖啡, 奉上室温花奶 (..........), 都几港式, 不过 coffee base 几香浓, 算啦.朋友饮热奶茶, 唔知得唔得?另外加了 $28 食个跟餐心太软: 食完主菜等了 15 分钟先有得食, 果然系即叫即焗... 拮开外层带点脆身的朱古力蛋糕, 入面劲多朱古力浆流出, 卖相系好靓, 食落够甜, 但朱古力品质太唔靓, 味道几怪, 都系 La Bons (http://www.openrice.com/restaurant/commentdetail.htm?commentid=1913926) 的好食得多; 朱古力蛋卷唔脆又无味; 0云呢0拿雪糕亦几失败, 唔香又唔滑, 仲有点冰粒, 唉. 可能下午茶0黎食会好 d?仲有一客另加的 a la carte Bread Pudding ($35), 除0左我唔食的 raisins 之外, 呢个整体就比心太软好 -- 果然好「面包」的味道, 热辣辣又几香甜, 可惜无 vanilla sauce 供应啦.由外面望入0黎, 带点酒吧 feel, 但内部就系港式西餐格局, 而且同场食客大部分都系一家大细, 横睇掂睇都唔似酒吧的; 招呼 ok.连加一每人 $110, 一分钱一分货, 价钱都 ok 的. 不过试完呢次, 应该唔会再0黎了.
继续阅读