今佐日本料理

营业中

休息中

在個半月前，主人與奴隸獸已在『今佐』訂了位食自助餐。當晚最吸引的，是供應源源不絕，讓人食過痛快的新鮮海膽，食落甘腴鮮甜。其它魚生刺身亦非常新鮮。廚師推介是蟹皇粥，粥夠綿，蟹膏蟹肉頗多，非常鮮甜美味。手卷、烏冬及Main Course天婦羅、照燒牛肉，可經侍應落單另點。不過照燒牛肉的質素就較為強差人意，有些牛肉燒得又干又硬。其他食物的味道尚算 OK。當晚感到耿耿於懷的，是由一名黑口黑面，由始至終，毫無笑容的女服務員，全程招呼我們，真是遺憾。其次是鄰桌的客人，不停地高談闊論『金融海嘯』及『股票狂瀉』的話題（大吐苦水），真是令人食慾大減。P.S. 今佐的自助晚餐，只在星期六、日才推出。時間是18:00 – 22:30。

多得大家姐介紹.....知道呢間有任食海膽魚生buffet.....一吹雞....4個人立即成團.....一入到去....我對眼即被海膽吸引住.....唔理 3-7-21....即食.....海膽無限量無應.....個人覺得呢D唔係最好味的....但係絕對係中上貨色....全晚共食左8小底....三文魚一貫的出色....帶子都好味....不過我試過上網訂北海道空運到港的...果D仲正...鮑魚仔.....超爽...彈牙到爆炸...反而似食緊擦紙膠.....hahaaaaaa...反而有兩樣食品...令我刮目相看:1. 甜蝦....令我人生第一次覺得甜蝦真係甜架......2. 魷魚...平時唔鐘意食...因為難"趙"..又硬...但係呢間D魷魚...一咬即斷....又勁爽口....完全唔覺自己食緊果D 係魷魚....手卷即叫即做...上檯時D紫菜仲係脆卜卜.....但係唔好食咁多....浪費 quota....要左一碗可以任添的手打麵....一般....好彩我地醒目地4個人分....每人可以兩個 main course中揀一款....我地4個人...正好每款要兩份....- 燒牛肉..

上星期六同太座兩個去試了今佐這個自助餐,口感如下:冷盤: 種類算多,因為計埋魚生同小壽司的話,酒蒸鮑魚- 味清淡了少少,但這可能是想客人嗒真D飽魚味啩烟鴨胸- 非常有鴨味比一般的行貨突出,但小心這裡做的黃芥辣則比較刺鼻,肉類的箱壓之類的小長方形肉凍- 應該是豬肉來的,做得不錯只是不能多吃,因為後面還要留肚,多春魚的漬物- 醃製得宜,味道不會過咸又有適量的甜,加上切絲的醃蘿蔔絲給予魚肉水份,吃起來才不會乾巴巴的,蟹肉蒸豆腐- 這個是本人比較喜愛的一個,蟹肉是在底部,從面只是看到一小磚豆腐,顏色是淡黃色,不知道是天花射燈影響還是什麼,色是很似玉子豆腐的色但質感則很好有豆腐質感/豆味及蟹的鮮味,我懷疑豆腐是先破壞再重組那種做法,但真的是否這麼複雜就不得而知了,豆腐頂的青芥辣也做得比較刺鼻沙律菜- 一般的雜菜沙律菜及日式芝麻醬油沙律汁了魚生- 油甘魚整條上(當然是分数次啦)真的很肥美,但魚油很豐腴的關係也只可以有節制地享用,可能其他客人也是這樣,相對其他三文或舌拿魚是換出得比較慢,一板4~6件的海膽也只能吃兩板了,鮮帶子肉同甜蝦質量很好,顏色鮮明,甘甜味豐,反而估不到的是魷魚也出奇的鮮味,小壽

終於的起心肝去試半島今佐，雖然唔係平，不過一世人豪一次啦。其實buffet形式係刺身﹑熟食同甜品生果任食，手卷﹑湯麵任order，再每人可選一個main course同2球ice cream，我地既main course有照燒牛肉or天婦羅，份量好少，不過真係好好味~另外，今次海膽唔係一底底上，只係用青瓜托底，真係有d失望，不過不斷強調無限量供應，真係好好味。魚生好新鮮，仲有我最愛既帶子，正~~熟食我無咩食到，不過有蟹﹑煎銀雪魚﹑炸蝦丸(好似)﹑蒸水蛋﹑麵鼓湯﹑雞軟骨﹑抄野菜，由於無食，所以不能評評。甜品都好正，水晶糯米茲ok，食到一半先開始出cake，我只係試左一款tart，超勁好味，好似叫咩咩蜜桃撻，諗起都想再食。ice cream有柚子﹑綠茶同紅豆，我唔食紅豆，點知佢比錯左我，咁又照食啦，都覺得好味，真係晌日本食果d味咁，最後好飽都食晒。

9/8(六) 7pm於西貢橋咀島乾煎了數句鐘及費神於那條悠長的石春路後,先走回尖沙咀Pacific Coffee打盹片晌,養精蓄銳,備戰"今佐".buffet六時開始,我倆約七時到埗,餐廳已有八成入座率.店子裝潢簡潔,未算貴格,而且空間感尤欠,環境挺吵耳的,這下子有點出狀況.至於食物,半島集團向來以質取勝,可別期望款色何等花樣百出,桌上的亮點絕定是一板板供應源源不絕,教人垂涎的海膽;我倆以膽為膽,共幹掉十板海膽,自製海膽菜餚.此外,北寄貝,甜蝦,鮑片,油甘魚刺身,日本鮑魚仔無不鮮美!反之大路的三文魚及吞拿魚刺身味道尋常.壽司卷物們,以龍蝦沙律軍艦為優.相比之下,熱葷的水準只能拋出一句"不過如此".唯獨西京燒銀雪魚較得歡心.除此之外,可於餐牌上任點5款手卷:魚翅天婦羅,鮭蔥胡麻,海鮮沙律,加州及鯖魚洋蔥手卷.點嚐了首三者,以海鮮沙律手卷尤佳.主菜方面照燒牛柳及什錦天婦羅各一;牛柳表現踏實,不嫩口,有點乾涸,味亦不怎麼樣.什錦天婦羅則屬上好者,輕柔,不膩口,食材鮮皆雖留給甜品的配額實在有限,輕嚐了其Tiramisu,熱情果慕絲蛋糕,芒果慕絲蛋糕,紅豆,綠茶及柚子雪糕;全為一級棒出品!服務生

從來都未試過响1個月之內去同一間餐廳食2次Buffet, 今佐係第一間令我心動的!以buffet嚟講,今佐的款式算很少! 擺放食物的Buffet枱也只有約30幾呎長! 但食物的質數是超班的! 加上我又係刺身壽司嘅super fans,所以每次食完都回味無窮推介:海膽 -- 第一次去海膽係盛放在一片片的青瓜上, 第二次去係放响一板板的細板上。 2次都十分新鮮美味 (當然若要和北海道當地比較, 還是有點距離), 但响HK食到呢d質數, 已經算係佳品啦!日本鮑魚 -- 鮮甜爽口日本和牛 -- 正各款刺身 -- 三文魚, 帶子, 甜蝦, 吞拿魚......全部都係高質數!如果你本身只係抱著想食日本放題嘅心態嚟今佐食嘢, 咁可能你會失望! 因款式很少!但如果你係一位刺身(尤其是海膽) 壽司嘅super fans, 而對食物喜好是貴精不貴多, 咁你一定會愛上今佐!Buffet 只限weekend供應, 我估如果佢日日都供應buffet, 可能會蝕錢! 因為好多食物都算係貴價貨!P.S. 半島酒店有3 hrs free parking!

第一次接觸今佐，是在東洋，只安排飯局，自己卻未吃過。在香港吃過幾次，都不是近年的事，印象卻也不差，始終是六星級酒店的日本料理，也有一點保證。但從來聽到這裡的評語也不佳，而大多也是來吃任食自助餐的。當鹿悅已變了「放題」店，這裡的水準又如何？是次再臨，是朋友請客，一心想地方好一點的，來了這裡。平日的午市，是空無一人，坐在餐廳的正中央，兩位侍者跟領班就招呼一檯客，真有包場食飯的感覺。午市餐牌選擇不算多，價錢由二百幾至三百，不便宜。與朋友都要了「特選壽司套餐」，當然有一部份是對半島這個招牌有信心。喝一口綠茶，用毛巾抺抺手，由前菜開始吃。前菜是幾片蓮藕片，切得幾薄，吃起來口感爽脆，加上是涼涼的，是一涼十分「夏日」的前菜；小吃是炸帶子丸，雖然帶點油膩，但外皮很香脆，而內裡的帶子肉很鮮甜彈牙，亦加了馬蹄粒去增強口感，看起來簡單，但做得幾出色的一道小吃；蔬菜沙律幾豐富的，亦滲有帶子粒在內，感覺是比平常的豪華一點； 茶蒸蛋嫩滑又有蛋味，蛋內下了不少的切粒松茸，幾有香味，加上雞肉及銀杏，也很對辦。唯獨是有兩截小蟹柳，都幾剎風景的；味噌湯味道很好，是昆布魚乾的清鮮味，有不少的滑子菇及豆腐粒在內，幾認真的。主

11月4日係我和老婆的一周年紀念,訂左半島今佐食晚飯,應該幾好嫁..點知.........魚生有6~8樣到啦~不過食唔出有一樣係出色的...D貨色就同去食普通的國際形自助餐一樣...瘦!海膽仲衰..半溶...熟食方面都係麻麻地...以上個D係自助形式GE...ORDER方面.有手卷和MAIN..手卷有5樣....唔係話佢唔好食...不過D用料真係CHEAP到爆...主菜海鮮窩AND 金菇牛肉卷...係我今餐覺得OK 的一樣...甜品有3種雪糕CHOOSE2種...不過我真係未食過D雪糕入面係有少許冰塊係到...服務方面D人好似新人咁...落左2次單..都MISS左...要個經理幫我地跟番...食完啦~經理過來問意見..我作出批評,魚生跟本唔見得人,問佢係咪將價就貨(都唔平..448一位),佢話冇..平時都係E D.........後尾佢仲叫我下次來散叫試下..真係..你都識講係E D貨啦~我仲來食咩...最後經理請左我地食左件溫室密瓜補數...不知所謂!!!

- 魚生只有一般大路款色, waiters refill 不夠快- 壽司, 手捲款式,質素一般，味道與元氣分別不大　　- 熱盤不倫不類, 日式自助餐竟會出現咖哩蟹- 主菜選擇少(照燒牛或天婦羅）, 味道一般- 環境極度嘈吵- waitress 經常未聽完客人的order 便急急腳離去，　不能相信這是五星級酒店的水平半島???　唉......去inter continental 好過啦

今次再去食但就失望, 因為刺身/燒物等等款式都少咗好多, 而且味道亦差咗, 服務態度又麻麻, 下次唔會再去

上月一個星期六跟老公一起來這裡食buffet慶祝生日, $418一個人未計加一其實都算貴, 不過生日又是半島酒店, 我跟老公又喜歡食日本菜, 加上我朋友說是值回票價的, 便決定豁出去一試.我們準時六點到達, 不過場內已經有兩三枱的一家大小在閒談等食了. 裝潢可算是沒有一點日本餐廳氣氛, 餐廳亦比我想像中小得多, 所以食到中段人滿的時候是頗嘈吵的, 坐位雖然是梳化椅, 不過我們被安排坐路邊, 感覺都不是太舒服, 不過要讚那位經理, 當我們甫坐下, 他便走過來跟我們介紹這半自助餐食法, 並提議我們不要急於叫主菜, 先把出面的都吃過才叫. 當開始人多, 他更特意走過來笑說我們的坐位其實是最好的, 因為可以第一時間看見有什麼新食物. 我們都覺得這種服務態度很親切及有一種被重視的感覺呢! 不過, 其他侍應的態度就... 黑面的黑面, 有的叫兩三次才應一次, 還有的犯了食buffet大忌: 未食完便收走你的碟! (我手上還拿著快子呢)食物方面可真一讚! - 冷盤食物有驚喜, 計有鮑魚, 還有燻鴨...好食!- 三文魚生, 大甜蝦, 海膽, tuna... 都異常新鮮, 尤其是海膽, 很久沒有吃過零

常聽人說這日本餐廳的自助餐很不錯，但因我比較懶，不太喜欢吃自助餐，所以撰擇了平日來。前日星期一晚，朋友訂了檯，7:30pm 吃晚餐。想不到餐廳裝修得如此簡单，真不相信我是在半島酒店內。坐下点了菜之後環顧四周，就只有我們這一檯。以为時间尚早，但直至我們吃完甜品，大概十時半左右，还是只有我們一檯客，真为那餐廳經理感到難為情。点了幾款魚生、寿司、兩客和牛、一点小食及一瓶清酒，食物夠水準但並沒有太大驚喜。埋单差不多三仟七佰多，貴是貴一点，但要在半島酒店，三亇人包了整间餐廳來吃一頓晚餐，聽起來又是挺化算，但就是有一点冷清。如你問我會不會再來，我想我會等它重新裝修過，口卑再好一点再想想吧！

The waiters do not know what high quality service means. They just rush every food you ordered at one minute. They seem to have used to work in fastfood shop. You can't imagine that you're in the Peninsula.Wow! Don't set in Peninsula if you can't provide high class service, please!

今日lunch 老細請食飯, 要我自己揀地方, 揀左好耐, 黎左呢度食..一入到去, 有d 失望, d 裝修唔係幾靚, 好似仲有d 舊咁, 如果同情人去食浪漫餐\, 一定唔揀呢度呀!叫左:1) 海膽刺身-- 勁甜, 我老細唔鍾意食, 我食晒, 好正呀!2) 立魚薄切- 都算新鮮, 不過無驚喜3) 油甘魚刺身- 都幾甜, 可惜切得唔多靚, 一d 薄, 一d 又厚d咁4) 拖羅- 本人見識淺博,係第一次食, 係好肥美, 不過好\"流\", 有d 滯, 仲有, 又係切得唔靚, d 形狀好怪5) 軟殼crab手卷- 炸得好好味, 紫菜略嫌唔夠脆6) 天婦羅(南瓜加茄子) - 南瓜好甜, 炸得好鬆脆7) 煙肉帶子串- 最難食係呢個, d 帶子唔甜, 仲有d 硬添8) 雞軟骨串- 不過不失9) 野菜稻庭麵- 呢個我覺得好好味, d 湯底清得黎有味, d 麵好滑, 本來好飽, 都忍唔住食晒~~10) 龍蝦麵鼓湯- 都幾多龍蝦肉, 我老細好鍾意飲至於service, 酒店格式, 不過本人覺得欠左少少細心, 比我想像中好似差dd 咁~~

愛吃日本菜的男朋友慶祝生日，十三號星期六準六時正到達。我倆是首枱顧客，穿黑色制服的部長/經理簡短介紹自助餐的一般事項---除自取食物外，亦有指定餐牌食物：(1)任點即做---包括魚翅、海鮮沙律、三文魚洋蔥芝麻、加州、鰤魚洋蔥共五款手卷；(2)二選一主菜---照燒(小塊)牛排及雜錦天婦羅；(4)任點即做---稻庭烏冬；(3)三選二口味雪糕作甜品---小倉紅豆、柚子和綠茶。之前我見食評話食物不多，起初有點擔心會吃不飽，但我和男朋友只是取自助餐枱的多款魚類刺身、海膽、麵豉湯、蟹肉粥、鱈魚柳、蛋糕甜品，連同一款主菜及甜品都已足夠，還吃過小鮑魚冷盤、蓮藕釀魚餅天婦羅、和果子，故我倆未有選擇手卷。遺憾的是以紅茶招呼客人，而且沒有鰻魚與原個生果雪糕甜品。另外要讚賞侍應很體貼、殷勤，並且服務態度專業。