影片
近排天气转热，想揾间食店坐低食啲凉凉地既野食，行行下发现原来系光辉围有一间唔起眼既寿司小店，一于走入去试下!由于小弟系中午时段光顾，所以买任何丼类都会有一个蟹籽沙律同纸包饮品/啫喱送，而小弟就拣选左啫喱。佢地个啫喱几特别，有一粒玫瑰花放左系入面，食落有少少花香而唔系一个普通罗拔臣啫喱👍;而个沙律就不过不失，作为前菜开胃都唔错，沙律入面有青瓜丝、椰菜丝、甘荀丝同蟹籽，个人觉得如果有蟹肉会更好，但毕竟系送赠品，所以都系唔好太高要求😅讲完个前菜同甜品，接下来入正题讲下个丼饭丼饭选择不多，价钱大约徘徊系$40~$70之间，小弟最后拣左个松刺身丼👇松刺身丼入面有三文鱼、鲷鱼、希灵鱼，蟹肉、小贝柱、螺肉、玻璃虾同蟹籽。其实都几足料，刺身都几新鲜，听师傅讲条三文鱼仲要系岩岩先㓥👍，以58蚊呢个价钱呢个质素黎讲算唔错👍。同埋有样野要赞既就系个醋饭，醋味浓郁之余酸甜度适中，唔会太酸唔会太甜恰到好处，而且饭系偏暖似系岩岩煲好，暖饭既优点就系食落唔会太硬痴埋一旧旧咁，口感上的确优胜于冷饭。至于服务态度方面，店员既态度亲切，基本待客礼貌都有，整体比人感觉都系舒服既。
继续阅读
今次呢间小店喺光辉围嘅后方，路过唔留意嘅话真系会错过🤣 佢哋卖嘅鱼生饭好足料，价钱相对嚟讲都几抵！佢哋主打做外卖，堂食都有几个位！😋 杂锦鱼粒饭 $45呢个鱼粒饭好杂锦！有三文鱼、油甘鱼、希灵鱼、带子、蟹柳同埋蟹子，鱼生粒系多到好惊一郁就会跌晒🤪 三文鱼占最多，同埋真系好厚身好大粒！小编劲钟意食希灵鱼，有啲鱼子有啲咬口同埋甜甜地，但有几块油甘鱼畀雪柜雪冰咗🤯 45蚊份量都足够，可以列入粮尾fun系列🥳Btw佢哋话就话开到8点，但如果卖晒啲鱼生嘅话就会早收，晏去可能都无咁多选择，大家要留意返喇😬
继续阅读
手写嘅餐单有寿司，鱼生饭想咩都食下就叫咗松（大）鱼生饭有八爪鱼鲷鱼赤贝希灵鱼带子仔蟹籽蟹柳个饭系热但好彩都系醋饭鱼生几新鲜 特别系鲷鱼好好味下次经过会再试下 半条鲷鱼饭
继续阅读
叫左个大鱼生饭整体唔错,足料抵食饭有醋味,饭唔会暖鱼生解冻得好,无雪味三文鱼好食以后都会再试下叫其他样样野都系成本简单既手写menu 同店铺设计 先可以食到咁抵既食物细铺一个人一脚踢唔易加油
继续阅读
自从呢间小店开左后就经常帮衬。老板好倾得又nice冇架子，所以一开冇耐就已经储到一班熟客。价钱方面真系冇得输，平靓正。推介鱼生饭，又平又足料。杂锦鱼粒饭$40 大大碗又好食我个朋友就叫鳗鱼饭，$45，仲要即场烧，好好食。咁既价钱应该好难揾到仲平过佢。另外一个朋友就话想食雕鱼饭，叫左半条雕鱼饭+佢自选既鱼生。不过鱼生好似太多 唔记得果晚佢有冇食滞左老板一脚踢，卖完就收工，所以成日都早收食唔到 不过最近好似开左社交平台page update每日几时收工，咁就唔会摸门钉
继续阅读