影片
食家推介
食记 (29)
2018年11月装修前帮衬后，成个熟食中心就装修，等咗2年啱啱今日经过见到开返舖，仲改咗新舖名「鸿记茶档」。肥哥哥老板依然冇变好好招呼，亦好有礼貌，一边食一边倾吓偈，人情味十足👍🏻。早餐只是$31，有沙爹牛面，煎双蛋，奶茶☕️ 牛肉好新鲜，唔会似有一些茶餐厅预早炒定，摆到硬同吸晒汁好干好咸，奶茶茶底唔会死苦味，好香好滑。介绍食呢度好出名嘅辣椒油🌶️，好好味，炒得好香好足料，食到有虾米🦐仔，好似马拉盏XO酱嘅味道。下次要食其他牛腩云吞粉面配嚟食吓。见到午餐餐都好抵食，全部$42，尖沙咀真系难揾到。新装修后，环境好好，好有怀旧感觉，清洁光猛又够通风，铁皮顶天花都高咗好多，感觉十分良好。而家开始入秋，冇咁热，应该成日都可以去帮衬，唔怕边食边抺汗。暂时只有3档开返，今朝我包场，只得我一个食客😄 到我走先有个男客人，见到只有我一枱客就坐咗隔离枱。眼见都只有几个似系记者或写文嘅人周围影相同埋同老板倾偈，应该系准备介绍呢个熟食中心重新开幕嘅报道。
继续阅读
第一次去熟食市场，一入去见到呀伯狂sell牛丸，以为仁利就系出名的牛丸店。点知坐落先知唔对路，感觉受骗，碗米粉完全冇味，碟油菜又系冇味 垃圾小店，不要光顾浪费时间及金钱！
继续阅读
近排时常要出尖沙咀做野，但其实尖沙咀除了一些知名的餐厅和高级食府以外，还有什么好食呢？但细心一想，原来在广东道附近，还有在香港寥寥可数的熟食档，这就正是我们昔日一起长大的地方，今日就走入这行内帮衬这间名叫《 仁利粥粉面 》熟食档里面的环境，就正如我们从小长大的情景一样，内里没有豪华装修、没有柔软的梳化今日怀旧一番，叫了一个芙蓉蛋饭仍然采用一些传统的煮法，里面有芽菜叉烧等的配料，表面煎得甘脆，但里面仍是柔软用上一个传统玻璃杯奉上的热菜蜜餐牌形用想一些传统的做法，简单清楚
继续阅读
一心嚟食德发，但初五未开炉，结果食仁利⋯⋯⋯之前都中过一次伏㗎喇，碗丸米冇咁好味仲要贵$5 （德发$30碗）今次食鱼蛋河，味道叫做接受到，但份量超少。叫多碟油菜，大家睇相就明，hea到呢⋯份量又少又有阵怪味，仲要收人成$15碟。食食吓仲听到仁利个老细（男人）同其他食客讲德发坏话，话人地啲只系名牌效应，丸系深圳丸，同埋人手唔同晒，已经唔系上一代咁好～虽然佢讲嘅有可能系真，但用人地德发张台仲要讲人地唔系太好啰。 讲返食物质素，其实仁利可以更好，可以扭转劣势，唔洗一味做Plan B。
继续阅读
今日lunch食唔饱，所以决定食返个下午茶充下饥先叫左个西多士，呢个多士好特别，花生酱系查系上面，而唔系放系入面，食落去都几得意，内脆外软！切开西多花生酱就流入去内面铺头老细好搅笑
继续阅读