人人和平小飯店 (已結業)

開開心心老公帶我去食靚义燒，好食！😋但的服務態度差到極點，西口西面，鬧完你仲返轉頭鬧！的枱通通是訂左枱，做到好似好多人食咁，香港人做到咁唔怪得個個走上大陸食（雖然我唔去）但呢間恐怖食肆，以後不會去！…查看更多

去咗人人和平小飯店，試咗佢哋嘅和平四寶飯，總括嚟講，呢個燒味飯嘅評價係一般般。 肥腩叉：肥腩叉好多汁，肥肉好豐富，入口即溶，但冇咩特別，有啲失望。窮願佢唔好用荷蘭既肥腩肉去燒，感覺上個叉燒 只係得個肥字。燒鵝：燒鵝嘅整體黎講一般，主要係因為背骨位冇肉，食落去冇咁多燒鵝嘅香味，有啲失望。 豉油雞：豉油雞嘅味道還算可以，但係有d 太鹹。 總括嚟講，我覺得人人和平小飯店嘅和平四寶飯質素一般，特別係以燒味飯嘅價格黎講80蚊食呢個燒味飯，我覺得質素同價格唔太相符，有啲貴。…查看更多

連日大雨，胃口麻麻，雖然撞正係星期日，吾北上，只想留港消費。1條友咁啱路經北角，想起好耐無幫襯和平，又想回味佢個波瀾壯闊肥叉飯，二話不說上斜坡去到店門，12點半居然人不多（心諗果然北上對和平都有啲影響）。見有幾個卡位，二話不說，坐低就睇餐牌，鵝肶/肥叉，難以取捨，結果都決定肥叉，以表初心！點知店員話1個人吾可以坐卡位。心情頓然麻麻，我回一句：「咁多空卡位都吾比坐？」店員嘅回應係：「公司規定1個人吾可以坐卡位」。嬲嬲地，剛才嘅食欲吾知去咗邊，二話不說，走人！出去同入來嘅速度一様，只係心情吾同！…查看更多

由於朋友話呢度ok, 今晚第一次光顧，但除了义燒，黑松露抄蛋及湯熱度𣎴足，帶子無味，並規定湯一定要叫2個起，每個$58，沒有道理！還有一點不可接受，兩個餸到晒叫左白飯，催左三次先有！隔離熟客後來一叫一兩分鐘就有！其實叫系叫人裝一裝飯！今晚叫系三四成客，水準都咁差，𣎴會再來。…查看更多

有 bookmark 想嚟試，今日同 elegant 契媽聚會，佢話想去近屋企嘅，就約佢嚟啦，原來佢之前已經嚟過，亦話好食。一坐低，契媽已選定叫3寶套餐，難得有人作主，我二話不說就點了。套餐有肥叉，荷飯同雲吞雞湯加花膠，2個女人食必定打包啦。肥叉，又不是想像中肥，反而覺得佢嘅焦黑蜜糖可以係賣點，叉燒入口鬆化，又不太甜，仲有伴碟嘅蜜豆，此物真係冇乜幾多間食肆提供，識欣賞嘅就知佢係寶，唔怪得係皇牌。雲吞雞從來不是我杯茶，但我就好欣賞個湯同花膠仲有幾棵菜(細津白?)，雖然不是我杯茶，啲雲吞好足料，又大粒，雞...大概都有半隻份量。荷飯，好耐冇食了，有成粒瑤柱乾，又有蝦乾(並非蝦米乾呀)，仲有啲肉，足料㗎。之後仲送腐竹蛋糖水，我們倆清了肥叉，同湯，個飯就打包2/3，隨後享受糖水。個人覺得套餐夠3-4人份量。…查看更多

今日放假去北角試「人人和平小飯店」。 試一試人氣燒味店！ 這次光顧是在午餐時段，特別點了可以一次嚐多款燒味的和平四寶飯。叉燒可選擇蜂蜜加拿大瘦叉燒或荷蘭闊嘅肥腩叉，而雞可以選擇貴妃雞或醬油雞。❇️和平四寶飯 （$80）我選擇了肥叉、燒鵝、鹹蛋及醬油雞！雖然價錢比平常茶餐廳貴一點點，但是份量都很足，而且味道不錯，比起附近的燒味店好吃多了！略嫌燒鵝比較瘦。附送的例湯也很足料沒有味精，非常吸引！ ❇️蜆蚧鯪魚球 （套餐追加+$46）新鮮炸的，鯪魚肉好彈牙，蜆蚧的咸香很惹味！…查看更多

與朋友慶祝農曆新年，選了以經典港式小菜作主打的 人人和平小飯店，其中的 蜂蜜叉燒 和 菠蘿船咕嚕肉，讓人印象深刻。蜂蜜叉燒 選用肥瘦均勻的加拿大白豚，以蜂蜜醃製後烤製。叉燒外層酥脆，內裡鮮嫩多汁，帶有淡淡蜜糖的清甜。菠蘿船咕嚕肉 以菠蘿殼盛載新鮮菠蘿及咕嚕肉，咕嚕肉炸粉薄脆，醬汁掛在咕嚕肉外皮上，酸甜開胃。Hopers' Base is a perfect choice for year-end gathering with nostalgic Hong Kong dishes, including their signature honey glazed char siu with incredibly tender pork and sweetness of honey, and sweet and sour pork in a pineapple boat.…查看更多

.[北角美食推介🍽 ] 人人和平小飯店🍚講到燒味，其中一間頗為出名既就係今次呢間 ‘人人和平小飯店’，呢次專程嚟到嘆返個下午茶🤣#冬甩仔女_北角#冬甩仔女_燒味🍩冬甩仔👦🏻🍩食評👅👦🏻迷你懷舊叉燒飯🍯🐷🍚 (7/10) $45一上枱🤔Um….但飯真係有d細，似小朋友份量🤨不過吾緊要啦，志在食叉燒😆佢地既叉燒係用蜂蜜🍯味道又吾會太甜，叉燒咬落冧身🥰微微焦燶👍🏼叉燒係出色既 食完仲想食🥹有菜心做配菜 如果份量可以再多反少少咁多🫣就prefect 👦🏻凍菜蜜 (+$3)🍩冬甩女👧🏻🍩食評👅👧🏻燒鵝瀨粉🪿🍜 (9/10) $48反而燒鵝份量係正常😆呢度嘅燒鵝主打係用荔枝柴燒🔥既新會古井燒鵝 🪿食落皮脆肉嫩😍咸道適中 配埋自家製既酸梅醬🤤簡直係一流👍🏼奶粉方面都係正常發揮，問佢地拎燒味汁再加落個湯度更加正🥰佢地既燒鵝都係頗為出色，值得一試👍🏼👧🏻凍檸茶 (+$3)🍩冬甩小資訊🍩1️⃣收加一服務❌2️⃣下午茶時段:1430-1645(Mon-Sun,Public Holiday)💲抵食:7/10👅好味:8/10🍩推薦:8/10📍人人和平小飯店 (北角)北角堡壘街6-8號地下A號舖🕛1100-2200(Mon-Sun)…查看更多

我最近去咗人人和平飯店，試咗佢哋嘅燻蹄切雞飯，真係好正啊！呢間飯店，環境好舒服，裝潢好有格調，令人感到好放鬆同開心。我叫咗燻蹄切雞飯，服務員好迅速咁送上嚟。一上枱，燻蹄切雞飯睇落色澤金黃，我先試咗一啖燻蹄，肉質好嫩。切雞亦都好出色，肉質好滑嫩，配埋醬汁更加好味。飯就一般有啲硬，如果軟熟啲就完美！除咗食物唔錯，服務都幾好！服務員好熱情友善，樂意解答我嘅問題，確保我有一個開心嘅用餐經驗。佢哋迅速整理枱面，保持整潔，令我覺得好舒服同安心。總括嚟講，我去人人和平飯店嘅用餐經驗好開心。佢哋嘅燻蹄切雞飯真係令我印象深刻。我絕對會毫不猶豫地推薦呢間飯店俾鍾意食嘢嘅朋友。無論係用餐環境、食物質素定係服務態度，佢哋都做得好出色，令我享受到一頓美味嘅餐飲體驗。…查看更多

5月4日晚5時50分。滂沱大雨。慕名而來。泊好車後便進入店內。當時人不多，只有三、四桌。看了餐牌，點了燒鵝下庄。穿黑衣的服務員卻說沒有下庄。還說：「個個點下庄，咁上庄點賣？除非你叫半隻啦。」餐牌是寫明可點上庄、下庄。散客就不準點下庄，這是什麼服務態度？一場來到，附近泊車也要34元便改叫上庄加咕嚕肉。下了單後約五分鐘黑衣服務員便對收銀說有下庄賣。正常來說，如果只是五分鐘應該通知客人是否願意等五分鐘，或者有下庄時改回下庄給客人。西面服務員倒老闆米。所以香港人不想消費不是沒有原因的。說回食物。上庄上桌。鵝皮不脆，鵝肉當然較粗。名過其實，好多燒鵝專賣店也做得比呢間好。咕嚕肉則不錯，炸醬不厚也啖啖肉，但178元價格偏高。坦白說，肯花178元點一碟小菜都沒有服務，客人又怎會再來。埋單兩碟小菜加一碗白飯要420元。唔平。一點小費也不給。以後也不會再來。…查看更多

北角堡壘街對我黎講滿載感情🫶 知道嗰度有間一直用心經營嘅餐廳 @hopersbasehk 專登黎懷緬吓同支持本地小店💪 义燒、燒鵝都係得獎菜，义燒係幾出色，可惜人少試唔到燒鵝，惟有下次再帶多啲朋友去支持💪 臨走記住買埋佢哋嘅新會陳皮花生，手信佳品呀👍🏼Fort Street is a place that holds so many memories from the past for me. Came here @hopersbasehkfor dinner and realised the food they served was quite good. We liked the BBQ pork which was delicious, and authentic sweet & sticky but unfortunately we didn't get a chance to try their signature BBQ Goose which I was told the meat was tender and soft. I also bought their Chenpi Peanuts as one of the best souvenir items to bring back home. …查看更多

個個侍應好似未瞓醒咁, 十問九唔應, 聽野聽一半我理得你係咩搬鋪未set好system定未train好啲人基本服務態度完全欠奉!漏單問題不在話下, 追單頭3次同侍應好聲好氣講, 冇人理, 冇人跟, 冇人覆等咗9個字, 第4次追單, 侍應反而會同個客鬥大聲+問候打開門做生意做到咁, 一定唔會再幫襯野食凍冰冰+普通到不得了咁嘅服務, 絕對係飲食界之恥…查看更多

食物質素唔錯，但員工服務態度十分惡劣，粗口應對，如無必要，唔會再貼錢買難受！由疫情幫襯到而家，通常屋企叫外賣都係食佢，食物質素唔錯，但服務態度真係好差！由之前疫情時電話落order開始，另一邊接電話的阿姐態度惡劣，非常不耐煩，我話我係買外賣套餐，所以預早打電話黎落order, 對方一聽到已經破口大罵，話我無喺佢一接電話嘅時候講明係預定order。我哋去攞外賣時已同店舖經理反映過該位落單同收銀阿姐嘅服務態度。今日，我哋再打電話叫外賣午餐，我哋叫左2個餐，只係再睇下第三餐要乜，同一位戴眼鏡略胖外賣收錢阿姐竟然喺電話低聲講句「快(_)啲啦！」，咁嘅服務態度，公司唔正視，我唔會再貼錢買難受。…查看更多

在這間飯店買外賣，買了肥叉飯，全肥，全脂肪，一丁點肉都沒有，算，又係自己叫肥叉，不過奉勸大家就唔好試，另外叫個油雞飯，呢幾件雞係隔夜下欄嘢，肉已乾及極柴加鹹，其實，係咪外賣就比啲最差嘅野客人，一個餐$65，全部極似廚餘，本人無話可說，但以後唔會再幫襯！:(…查看更多

人人和平岩岩做冬去既以前都有食過lunch set呢間係堡壘街既舖頭都幾勁由街坊生意做到區外人黎排隊再逆市擴張又西餐又私房菜最近仲係銅鑼灣做埋焗豬仲話會租埋格離舖位黎做大檯客呢邊就會做番散客為主品牌真係幾重要既一樣野始終可以做大既黃店唔多仲係唔係一間收收埋埋既舖頭不過新舖唔知幾時先開始營業都係係番舊舖食今日同親戚做節九個人就坐長檯食物係唔太方便去分不過舖頭設計問題無計將來話新店會放圓檯應該會舒服好多普通餐具餐牌封面係蒙羅麗莎抱住隻燒鵝咁大概都估唔到呢個係最招牌既菜式餐牌二人餐四人餐都有唔會話係乜都有得食但都已經夠晒咁多個人去揀而且都係主要想黎試下燒味牆上面有廚師推介本來都想叫蠔餅但唔知賣晒定點話今日無有屋企人叫左兩杯啤酒而家慣左叫皮蛋一人半隻做前菜呢個蛋黃就黃色既上次係庸記果隻係黑色我就唔知有無咩分別但係人人和平呢個就比較有蛋味同埋都係溏心叉燒都係人人和平既名物之一而且佢仲有唔同選擇有加拿大瘦叉波蘭肥叉同埋加拿大白豚既半肥瘦差最正路應該就揀肥叉既但係白豚又貴d wor所以呢碟係白豚半肥瘦黎都有燶邊不過切得比較薄食落口感就一般爽口但唔係軟淋之後就到餐廳最出名既燒鵝今次多人就叫左半隻話係用荔枝柴去燻但就唔太覺得有pizza烤完味出果種柴香味同埋有少少涼左亦都無汁墊底就無好似大圍小館咁爆汁既情況食落都唔差脆皮有肉地但就唔算太驚喜老母教落做節就一定要叫雞所以仲落左南乳吊燒雞一隻佢有還原番個形出黎如果燒鵝都叫全隻好似都可以做得到皮更脆亦都唔鞋口無乜紅色位幾好食炒飯跟住燒味上可以送埋飯呢個係L佛大推既鵝汁炒飯佢有例牌同加大分別呢個係加大版分比全家人每人一至兩碗都仲有得淨都只係180蚊好多中高級餐廳普通一個炒飯都唔只呢個價入面就唔多料不過用鵝汁炒油香重惹味真係粒粒分明既狀態唔會黏埋一舊跟住都係要就番食素既老母叫番d齋菜黃金豆腐粒份量都幾多下又唔厚粉亦都唔會好油膩size一口大細又有調味紅燒豆腐呢個就普通正常D鮮竹浸菜苗之前都話無蠔餅叫所以都只係得一碟普通小菜菠蘿船咕嚕肉用半隻菠蘿上碟老母話個菠蘿新鮮好食另外咕嚕肉已經去晒骨啖啖肉入口隻醬又唔會過酸樣樣都岩岩好真係我食過最好既不過平時去中菜廳都唔會點叫咕嚕肉所以就比較唔到最後仲有個齋炆米茄子都唔錯佢有得叫對面西餐甜品不過感覺就唔係咁夾同埋最後會送每人一位既腐竹糖水咁就唔同大圍小館人人和平都係同樣出名但並唔係收酒店價位因為另外仲有間私房菜做平均五六百蚊一位所以呢間定位就算係平民中中低價茶錢每位只係十蚊已經有糖水送九個人十樣野兩杯啤酒連加一都只係1866每人平均兩舊水左右就真係好抵食仲平過兩個人去食二人餐我有預早大半個月訂檯怇地話係餐廳規矩唔記得話多過幾多人要落500蚊訂金同埋晚市有分兩輪我地今晚食六點至八點小店上菜都幾快兩個鐘其實都好夠仲好多walkin客呢個市道都有唔少人等位同外賣證明餐廳名聲真係算幾好平時hi黎hi去既老婆都話幾好食不過我自己就覺得可能每樣都只係食少少就記憶唔深下次可能兩公婆再黎叫精d食餐廳都有後生侍應正常有禮貌雖然唔會特別熱情但都算係間比較有活力既中菜係廁所比較污糟地面痴立立仲有十人長檯講野傳菜都係差少少算係可以改善既地方不過佢地都自己出po話新舖位有改善就盡量期待下同埋fb ig都真係keep住日日更新講下自己d特色野又唔洗交比食客賣廣告呢方面係出色既真係要好好珍惜香港仲有呢種黃店堅持落去…查看更多