影片
一般来说，人们walk in拣食肆，大多数都会先系铺头外面「装」下多唔多人食先决定入唔入去，少人帮衬的食店通常都系代表质素差。不过凡事都总有例外，有时少人帮衬，可能系因为食物太贵，或者食肆选址太「隔涉」。而位于九龙城的京魂一应该唔系以上两个原因，我谂系因为九龙城食肆太多，佢呢ｄ细铺根本就好难做得住。加上铺头太细间，想一大棚人食饭，一定唔会去呢度。无论如何，一次机缘巧合下，我系呢度遇上了令我印象深刻的窝蛋牛肉饼饭。一试难忘。午饭时间，入去京魂一，有几个非常后生的男侍应。放左约十张台的铺头，坐左唔到一半的食客，多数是一人客。昏暗的灯光下，播住有ｄ旧的日文歌，气氛好清静，个人都放松下来。一坐底，未叫野食，个侍应已经拎左杯绿茶、前菜（迷你沙律）同甜品（大菜糕）比你。我见个窝蛋牛肉饼饭定食有店主推介个ＬＯＧＯ，于是搏一搏。相中见到，前菜、味噌汤、饭及沙律、甜品，盛惠$32蚊。物超所值啦。无谂过32蚊的饭可以好食得去边。点知......真系咁好味。牛肉饼入口松软，调味适中，啖啖juicy，肉香在口腔内四射，好正呀）））））加埋牛肉的好拍档－太阳蛋，以及软糯的珍珠米，ＯＭＧ......简直人间美食！至于前菜、味噌汤同大菜糕，好一般啦，最紧要个饭好食。一个喜出望外的廉价午餐，令我对通涨升温的世界又重拾希望。P.S.不过唔系全部野都咁正，之后我再度光顾，叫左鸡扒饭定食，好一般咋。所以话，美食是可遇不可求，睇你拣唔拣得岩好食的东西。
继续阅读
睇过 "饮食男女" 同报纸的广告, 每位 $188, 好似都几 o.k., 广告仲有张汽水任饮 coupon, 于是一试, 一行四人, 下午 6:30 去到, 只得1 台客. 开头唔见其他食评讲尖沙咀和铜锣湾分店队俾你食的几盘猪, 牛, 鸡肉, 以为呢间冇, 点知系跟埋我 order 的食物一齐黎, 张台几乎唔够摆. 食物种类不算太多 (预左), 但就绝对冇 "饮食男女" 里面的相 o甘靓, 最想食的所谓 7 吋长大虾, 我 7 点几问个侍应有冇, 佢话未出, 1至6号 order 纸没有了1 号, 可能就是海产类食品, 亦唔见有安格斯一口牛. 到 8 点再问有冇虾, 先拎左 4 只黎, 但质素嘛嘛, d 虾肉好黏壳. 另外要弹的就是通风极差, 每张台只有一把约 6吋的小抽气扇于墙角, 系完全冇用的, 开头餐厅人少, 仲冇乜开冷气, 后尾有多几台客先开大d 个冷气, 其次个炉系一枝枝横条, 得好快, 火又唔均匀, 侍应加水入炉后个炉仲漏水, 整到我裤同鞋都污糟晒. d 侍应个个都冇喱神气, 问野又冇乜反应. 好彩原本就冇期望, 所以都唔算失望, 但系就唔会再光顾喇.
继续阅读
个别后生服务员态度差及冇礼貌。食物质素差，鱼生非常唔新鲜，跟本冇寿司食，但新出既广告仲大大只字有寿司供应。辛苦揾钱，谂住可以吃餐好，感觉完全比人强奸。只值$80
继续阅读
14号夜睌去食,一心去食牛肉,但唔系想像咁好,冇乜牛肉味,而且切到好细块.跌左好多块系个炉入面,抽气甚差,食完全身油烟味,其它都可以,如果一心想去食牛肉,不去也吧!
继续阅读
由于尖沙咀店booking满, 唯有到九龙城店, 心想同一集团, 水准应差唔多, 点知........哎~~真不明白何谓任点任食....餐纸分1-6号, 偏偏抽起第一张, 仲话果张系有专人烧埋, 仲要一人得一串, 最唔抵系冇海鲜食, 同尖沙咀烧魂一好大分别.好一个情人节晚餐, 俾呢餐搅到一肚气..第一差: 抽风设施不足, 好大烟第二差: 用黎烧肉既炉系gas炉, 好慢, 好不专业第三差: 鸡翼并唔系全只上, 系一分为三 ; 肉类太薄片, 摆上炉烧烧下会跌落纲架内 ; 分发食物没按照客人入座先后奉上, 而且太慢, 要多次催促, 常出现冇野烧状态 ; 肉类之调味一般冇口感.第四差: 大虾变虾毛, 仲要一人得一只第五差: 字眼"任点任食"跟事实不符, 有误导消费者同场听见多台客人埋怨, 食物已点好耐未到, 订好台又冇位俾, 要等既情况出现, 这样管理及经营, 应该好快要打烊..唔会再有下次黎食, 太差...以咁既收费, 自助韩烧会好得多.
继续阅读