京香閣 (已結業)

.如果鍾意食上海嘢, 就要嚟上環試吓呢間正宗京川滬菜酒樓新推出嘅兩小時任食片皮鴨自助餐，每位228元 （兩位起），任食兩小時。.每位額外送一份砂窩花膠雞湯及原隻鮑魚花菇特色小菜﹐另有其他數十款菜式、小食、冷盤、甜品和飲品，源源不絕的供應。更窩心的就是還有些點心和甜點，為保持食物品質，即叫即做，任點任食，相當有水準。.🎏京式片皮鴨廚師即場片皮，鴨子皮脆肉嫩﹑油香滿溢，自家製煙韌餅皮特薄，配搭青瓜、哈蜜瓜、京蔥、京醬， 相當有風味！.🎏原隻鮑魚花菇食材名貴，上等花菇及鮑魚﹑以蠔油炆製﹐入口彈牙爽口﹐香味濃郁。.🎏砂窩花膠雞湯落足料嘅滋補養顏靚湯，採用原隻厚身大花膠，入口即溶，精選靚雞配合砂窩長時間燉煮，膠質豐富、又好味。.🎏東坡肉入口肉質鬆化冇渣，皮軟滑有膠質，香甜的配料味滲入五花肉，好好味啊！.🎏其他包括鴨崧叉子燒餅、手撕雞、乾蔥豆豉雞、京蔥牛肉、翡翠炒蝦仁、京式素鵝、五香牛肉、四川回鍋肉、醬茶鴨、水煮牛肉、酸辣湯、宮保雞丁、八寶飯、桂花糕等等，數之不盡！.依家係「Yahoo購物」可以用優惠價享用片皮鴨自助餐！😍😍😍🎏🎏🎏🎏🎏🎏🎏🎏🎏🎏🎏🎏京香閣地點︰上環德輔道中199號無限極廣場2樓營

好耐冇食片皮鴨，見到朋京香閣做緊限時片皮鴨自助餐，好似好正咁就去試下。價錢$228 2 小時放題，加埋茶位同加一，平均每人$270，價位唔錯。 要試就快，推廣期到6月中。而加每位食客入座後會送一份花膠雞湯同原隻鮑魚＋花菇，花膠湯濃郁，花膠大大塊。鮑魚彈牙入味。點心叫了小籠包、鍋貼、包點甜品……呢啲都要自己手畫落單。而其他都可以好似自助餐咁自己去拎野食。必叫既小籠包每粒裡面都有湯汁，先細啖咬一口，啜左d湯再食好正，仲有窩貼、紅油炒手、炸饅頭，點心類都好好食，按番人頭數量叫，而多數mouthsize, 有得試試鐘意先再隨意添加，最緊要唔洗浪費自取區主要係熟食，前菜，主菜，有宮保雞丁、手撕雞、東坡肉等等，大約有幾十款食物，全部都熱辣辣，而且refill得好快。必食既主菜片皮鴨，由廚師即切即食，任拿任食，一個字， 滿足！甜品都係畫紙仔；有高力豆沙，豆沙餅，驢打滾，桂花糕等等，每款都係mouthsize，食哂咁多款都唔會濟！

上環京香閣$228 任食90分鐘高級京菜自助餐每位送原隻鮑魚花菇及花膠雞湯 任食片皮鴨重點推介😍絕對飽肚 瘋狂仼食 #京香閣 #京菜自助餐 #鮑魚 #花菇 #花膠雞湯 #手撕雞 #京蔥牛肉 #片皮鴨 #東坡肉依家係上網可以用優惠價享用片皮鴨自助餐！😍😍😍

.熱愛中餐既我發現在間中菜自助餐🥢.一黎飲碗靚靚花膠湯..再食隻鮑魚仔🙊.立刻衝去拎片皮鴨🐣大大件加上超甜哈蜜瓜🍈食極都唔膩🤩.冷盤.熱盤款式唔算太多.但味道唔錯.特別係水煮牛..鴨肉松子餡餅🌶.但好可惜樣樣野都唔夠熱🔥.蒸小籠包.煎餃等過下口癮都還可以但味道不太出色..炸春卷餡料不錯....甜品如薑汁湯圓.酒釀丸子反而出色點🥰騾打滾十分細件..明白可能怕人浪費..但細件到攝牙縫都唔夠😂.

細佬最近返工見到上環呢度有間食中菜自助餐既餐廳，知道爸媽中意食中菜，就book位黎試下啦！二百零蚊一位，每人有一份花膠湯、鮑魚花菇，同任叫任食既片皮鴨同京菜！自助任食既菜式大致上係以下果啲除左自助形式外，仲有啲點心同甜品係即叫即蒸，幾多選擇！花膠雞湯好足料！成大件花膠，好厚身、好稔，感覺好多骨膠原！個湯都好濃，好好飲，一定㷛左好耐！鮑魚花菇花菇好厚，好入味！鮑魚大只，亦係炆得好入味！爽得黎好稔，啖啖滋味！師傅一陣就會出黎一次片鴨，因為食得好快，加上refill得快，所以好少會缺貨係我食過皮最脆最鬆化既鴨，個皮一咬就化開，加上中間果層既油脂，無得頂！小籠包薄皮，餡好多湯汁，肉夠入味，仲要任叫！即叫即蒸，新鮮熱辣！正！飲品有豆漿、茶、汽水其他熟食有醬茶鴨、炒小菜等。冷盤涼菜有京式素鴨、多春魚、牛展、花雕醉雞同拍青瓜等，全部都幾入味！甜品我地叫左炸高力豆沙球同薑汁湯圓。前者稔稔地，好鬆軟。入面有紅豆同香蕉，好香！呢個好好食！湯圓好煙韌，個湯好薑，喜歡薑的一定好喜歡！正！中式自助餐岩晒屋企人！會encore！

朋友話京香閣做限時片皮鴨自助餐好正😍就約埋一齊去試下，價錢$228加埋茶位同加一，平均每人$270，食2小時左右推廣期到6月中。地點係上環無限極廣場直接由地鐵上環站E出口出來就到，非常方便。 餐廳好full好多人，不過我地有訂位好快就安排到坐位入座後每位會送一份花膠雞湯同原隻鮑魚＋花菇，花膠湯濃郁大大塊花膠😍鮑魚有彈性而且好入味。除左點心小籠包、鍋貼、包點甜品……要自己手畫落單之外，其他都可以好似自助餐咁自己去拎野食。必叫緊係小籠包啦，每粒裡面都有湯，先細啖咬一口，啜左d湯再食好正，仲有窩貼、紅油炒手、炸饅頭，點心類都好好食，按番人頭數量叫，食完可以隨意添加，最緊要唔要浪費自取區主要係熟食，前菜，主菜，有宮保雞丁、手撕雞、東坡肉等等，大約有幾十款食物，全部都熱辣辣，而且refill得好快。主菜最鐘意食片皮鴨，由廚師即切即食，仲要任食😆真係好滿足甜品都係畫紙仔；有高力豆沙，豆沙餅，驢打滾，桂花糕，每款都食細細件一啖一口，岩哂我地樣樣都想試細細份，鐘意食先再叫

Buffet食得多京滬菜的自助餐還是頭一次食😋這間位於上環地鐵站上蓋的＂京香閣＂位置方便就腳，溫馨提示記得book位，北京片皮鴨即烤即片，填鴨無限供應師傅片到手都軟非常專業，這個價錢，怪不得人山人海真的值得試一試砂鍋花膠雞湯+ 原隻鮑魚花菇砂鍋花膠雞熬燉出白色的濃湯，花膠亦很厚身。鮑魚鮮味十足，一口放在口中滿足非常涼菜：花雕醉雞，醉翁蝦，烤夫，小雲耳，拍青瓜，涼拌小茄子，油炆筍，麻辣多春魚這些涼菜蔬菜都是自助的，食物源源不絕老闆不會吝嗇，不斷添加👍🏻醉雞入味，醉翁蝦大大隻，烤夫有上海人口味，油炆筍很嫩沒有渣蔬菜：干扁四季豆，炒土豆絲，上海翡翠苗蔬菜類亦不少，四季豆和炒土豆絲都迎合香港人口味不會太過辣，上海翡翠苗可能當造就有少少老酸辣湯吃京滬菜又怎能少了酸辣湯，酸辣湯味道剛好，很醒胃北京片皮鴨🥢主角當然是這個北京片皮鴨，即烤即片，喜歡片皮鴨的朋友仔真的不要錯過，皮酥化肉嫩，香氣四溢，我和朋友都已食八九塊都值回票價了😆小籠包，北京水餃，上海春卷🥟最欣賞他們是自家包製的，這些小籠包水餃都是即叫即做來到熱氣騰騰，皮薄湯汁多，賣相味道都很地道👍🏻難怪客人源源不絕🥳甜品：豆沙鍋餅，高力豆沙，薑茶湯

今天約了Honey去吃放題，然而，不是吃日式，而是中式。地點位於無限極廣場2樓，食物款式多，所以吸引到不少客人光顧。因於是中式食物，所以帶老人家來食都是一個好選擇。今晚我們好幸運，座位編在提供北京片皮鴨的餐桌旁邊，所以每當片皮鴨出爐時，我們都可以第一時間去拿片皮鴨。其實大家不用擔心，我粗略估算過，每15分鐘左右，就會有新一輪片皮鴨出爐。片皮鴨一點不肥膩，鴨肉非常香。每次我都要包著兩片來吃。每位客人都會有一份砂鍋花膠雞湯和原隻鮑魚花菇。花膠大片爽口，鮑魚肉厚鮮美。在我們身後便是其他食物桌，我們一轉身走去便可以拿到心儀食物，非常方便。五香牛肉、油炆筍、糖醋魚塊、燒多春魚上湯翡翠苗、青瓜，爽脆清新。翡翠炒蝦仁、XO醬炒螺片、椒鹽排骨、宮保雞丁酸辣湯，不太酸，香辣味足。鴨崧叉子燒餅、醬茶鴨、土豆絲醉雞、鎮江肴肉醉蝦、翡翠炒蝦仁。個人認為翡翠炒蝦仁是全場至好吃的。還有東坡肉非常腍，而且入味。另外，有些食特是即點即起的，可以從order紙上挑選。不能不吃的是小籠包、鍋貼、高力豆沙和豆沙鍋餅。總括而言，這個中式自助餐價錢合理，食物水準不錯，職員服務也不錯。

星期六約了家人一起食飯，有大有細想食放題，但又唔想食日本放題和任食火鍋，在 OpenRice 搜尋了一會，找到這間位於上環德輔道中無限極廣場內的「京香閣」做緊一個京式片皮鴨自助餐，優惠價每位 $228 兩小時任食，每一位跟一個砂鍋花膠雞湯和原隻鮑魚花菇，之後有各式各樣的涼菜、主菜、蔬菜、甜品、湯羹、點心當然唔少得京式片皮鴨任食，一於試下先。砂鍋花膠雞湯砂鍋花膠雞湯，鷄湯味香濃加上膠質極重的花膠，男女老少都十分適合。原隻鮑魚花菇花菇大大隻非常厚肉，鮑魚炆煮得軟腍鮑魚味濃郁，老人家和小孩食都不會有問題。京式片皮鴨 一個獨立的位置看著師傅，在廚房帶著兩隻新鮮滾熱辣的片皮鴨出來下停手地片，很快已片好兩碟，之後師傅又帶兩隻出來，一路片一路片源源原不絕，真的浄食片皮鴨已回本，片皮鴨質量非常好，香脆得來鴨油香味濃，食的時候用薄餅皮加青瓜、京蔥和甜醬一起食真的很滋味，當然淨食鴨皮也可以。還有很多冷盤鎮江肴肉、花雕醉雞、五香牛肉、醉翁蝦、油炆筍、涼拌小雲耳、每樣都交足貨，不停供應尤其是油炆筍，鮮嫩沒渣非常好味，醉翁蝦蝦肉爽口彈牙酒香味濃。熱盤方面五花腩肉煮成的東波肉，晶瑩剔透一層皮一層肥一層肉一層肥再一

經朋友介紹，介紹今日特意去上環吃片皮鴨自助餐。成人$228/位，連砂鍋花膠雞湯+原隻鮑魚花菇。小童則半價$114/位。侍應先上花膠雞湯和原隻鮑魚花菇。花膠雞湯很足料，雞湯味道很濃很鮮甜，花膠很大件，入口即溶，好正。原隻鮑魚亦蚊得很好吃。很淋。肉質鮮甜美味。讚👍之後我哋就去咗攞片皮鴨。見到個師傅係即場片的，好新鮮！另外旁邊有餅皮，京蔥，蜜瓜條，青瓜，片皮鴨醬自取份量。片皮鴨肥瘦適中，油份充足，皮脆脆的，實在太香口美味。我食咗足足五件！之後我哋出去攞嘢食，淨係頭盤選擇都很多。有醉翁蝦，素鵝，麻辣多春魚，五香牛展，麻辣小茄子，鎮江肴肉，花雕醉雞，四喜烤夫,等等。我最喜歡的是醉翁蝦和花雕醉雞。蝦的肉質爽滑彈牙，配上花雕酒香很好吃。花雕醉雞肉質嫩滑，酒味香。另外還有多款特色小菜，例如鴨崧叉子燒餅，手撕雞，乾蔥豆豉雞，水煮牛肉，翡翠炒蝦仁，甜酸魚塊，東坡肉，上湯翡翠苗，江南素齋，四川回鍋肉，等等等等40多款小菜任食。我試了多種，感覺味道中上，很不錯！尤其喜歡水煮牛肉和翡翠炒蝦仁。因為已經吃得太飽，只是叫了一籠四件小籠包，給一些甜品淺嚐。小籠包皮薄餡靚。肉汁多且味鮮！必食推介！甜品叫了高力豆沙，薑茶

今晚一行4人第一次食中菜自助餐，菜式幾吸引，價錢都ok就入座啦！每人送一客鮑魚同花膠湯鮑魚好入味好林，紅燒汁！花膠湯大大件花膠無沙，正！雞湯濃而不咸嫁，有得再飲就好！涼菜西式沙津都有，自己加芝麻醬！之後仲有肴肉同四喜烤夫唔會失望吸汁花生味重，因為肴肉透明體，所以好骨膠原。手拍青瓜勁清新多汁！素鵝金黃，冬菇絲多多。點心小籠包、上海春卷上海啦齊全。小籠包包厚左少少，但多汁同滿肉！紅油抄手、北京水餃，餃子狂可以開口啦！煎餃係煎得唔熱氣，白白既底煎香硬。紅油抄手叫幾回，酸中帶小辣皮彈牙！蔬菜四季豆係最好食既菜荳類，土豆絲話辣，但其實唔會反而爽口！蔥油小芋奶第一次食，好creamy！翡翠苗快拎快食，唔係會老左！湯羮係酸辣湯，過下口引。主菜有辣有唔辣，一定有岩食！北京片皮鴨自助區多人排，抵既，平時都貴，依加任食！皮勁薄，鴨油勁juicy！不停排隊都正！鴨肉嫩厚實！東坡肉豬肉好新鮮，五層肉肉。水煮牛肉既紅薯粉驚喜過牛肉，麻辣！宮保雞丁反而無佢咁辣，仲有腰果脆脆。椒鹽排骨岩岩熱食就好野味，好足料有蔥炸蒜，唔厚粉！主食麵飯都有實飽！雪菜炒年糕多筍，年糕就算痴住都易分開，少鹽油咁，讚！上海粗炒上海麵實在同

一行八人買左yahoo 團購6點45分入場 那時候食物菜色也算齊全都大概七點三到七點半左右開始人潮洶湧差唔多坐齊曬全場 食物開始沒有refill會發生有片皮鴨肉冇麼麼皮 有麼麼皮無配料 中式菜式 完全空缺 連飲品豆漿都冇加幸好一行人較早到 食得半飽 唔係應該會食得好嬲遇見同場客人都有好多不滿意嘅聲音反應 但都係一個比較差嘅狀況用yahoo團購 加 茶水錢同加一服務費240位 不值仲有點心紙點完嚟到係唔熱嘅即係唔係即整如果有幸見到呢個評語你就三思下

好耐以前都聽過西九龍有間上海野有放題食，估唔到今日來到呢間位於上環嘅京香閣，都一樣有任食，幾過癮，價錢唔貴，可以試下。餐廳位於上環無限極廣場，直接由地鐵出來可以。可能今日星期五，餐廳都好full啊，門口中心就係自助區，可以好似自助餐咁，自己去拎野食。呢個片皮鴨自助餐價錢係228蚊，食兩個鐘，推廣期到6月中，加埋茶位同加一，人均270蚊。睇你大唔大食囉，時間就唔趕，因為樣樣野都整好哂，而且fill得快，唔會用左好多時間來等自取區主要係熟食、前菜、主菜，夾埋甜品都有幾十款食物。入座仲會每位送一份花膠雞湯同原隻鮑魚花菇，花膠湯濃郁偏鹹，鮑魚有彈性，入味。試左好多，例如鎮江淆肉啦，ok嘅，所以我都夾左兩轉片皮鴨過得去，始終係任食，我唔會要求太高。另外仲有拍青瓜、素鴨、涼拌雲耳。主菜方面除左片皮鴨，仲有宮保雞丁、手撕雞、東坡肉等等，宮保雞丁都可以試；我仲夾左干煸四季豆，略嫌濕左D。我覺得最好食係花雕醉雞，幾入味，而且雞肉啖啖肉第二好食係醉蝦，因為佢真係爽同入味嘅。點心同甜品可以寫紙仔，上菜速度快。甜品有高力豆沙、豆沙餅、驢打滾、桂花糕等等，鐘意佢地嘅甜品全部迷你size架，咁可以試左一小份，啱食

今曰相約朋友到京香閣吃晚餐。雖然只是七時，或許是週末的關係，早已坐滿食客。原來晚間時段是供應2小時京川菜自助餐，怪不得人山人海。今晚就試一下。2小時自助餐$228除了砂窩花膠雞湯和鮑魚花茹是每位一份外，其他的食物和飲品是任食的，另外還有點心紙可以任點，各適其適。砂窩花膠雞湯這砂窩花膠雞湯湯色奶白，味道清雅，一點也不油膩，仲有大大片花膠，好養顏。原隻鮑魚花茹這鮑魚炆得夠腍又入味，而花茹十分厚肉爽口，加上蠔汁，不錯。自助前菜選擇了醉雞、木耳、上海肴肉和灼海蝦等。其中以灼海蝦最得我心，海蝦是中等大小，肉質爽彈，味道鮮美。北京填鴨北京填鴨一出爐，食客蜂湧而至。北京填鴨剛剛出爐，鴨皮脆香，帶一點肥，啖啖肉。再配上甜醬、青瓜、哈蜜瓜、香蔥和薄餅皮，是傳統的北京填鴨風味。甜豆炒螺片剛剛炒起，熱哄哄的，炒得唔錯，甜豆爽脆嫩綠，而螺片亦爽口唔韌。椒鹽肉排炸得鬆脆可口，啖啖肉，充滿椒鹽香，又唔太油膩。點心方面點了小籠包、紅油抄手和椰汁蒸饅頭。小籠包一口一個，皮薄多汁，肉餡鮮美，不錯。紅油抄手沒有預期的辣，帶一點麻香，辣味十分溫和，是老少咸宜的味道。椰汁蒸饅頭是迷你版，饅頭質地軟熟，甜甜的，帶一點椰香。最后

任飲任食都盛行多年，多以中式火鍋、日式放題及韓燒為主，今日就去了上環這間以京川滬放題的京香閣，一試中式放題。放題除了有傳統的小籠包、餃子、肴肉外，還送上鮑魚冬菇及花膠雞湯，兩個小時基本上十分充足。鮑魚雖然細細隻但炆到入味又腍，雞湯味濃郁花膠大大件帶點爽。小籠包皮較厚，但有豐富肉汁。肴肉膠質重，而且肉質結實。醉雞及醉蝦都十分入味，充滿酒香。片皮鴨新鮮，剛燒好就有師傅拿出來即切，還可以食到頸部油脂豐富的一口酥，鴨皮香脆。東坡肉炆到很腍，完全唔算油膩。水煮牛就可能就大眾口味，所以只帶微辣。豆沙鍋餅表面香脆手，高力豆沙是香蕉味，細細粒不會太膩。