44
2
1
所有分店 (2)
电话号码
34254616
营业时间
今日营业
12:00 - 22:00
星期一至日
12:00 - 22:00
付款方式
Visa Master 现金 美国运通
其他资料
加一服务费
食记 (48)
日式吉列猪扒(とんかつ)好好食、好出名就好多人都知,吉列牛?乜料先?其实,吉列牛先至系日式吉列美食元祖,百几年前已经喺东京银座嘅日式西洋料理老字号「炼瓦亭」的餐牌上出现。不过,为迁就日本人口味,厨师将牛改为豚肉,而且越来越受欢迎,很快就盖过元祖的吉列牛。吉列猪扒甚至成为地道日式美食,很多日本人已经忘记其实源自西洋料理。唔知点解,大约六七年前左右,吉列牛扒忽然再次在日本流行起来。这股旋风也在2016年吹到来香港。第一次在香港食吉列牛扒的地方正是香港第一间(印象中)供应吉列牛扒的「琥酌」,估唔到这间将吉列牛扒风气从日本引入香港的餐厅竟然敌不过疫情,去年结业收场。记得2019年中,将军澳东港城2楼某一角曾经出现「京都胜牛」的装修围板,一直非常期待,但等到年尾都未开幕;去到2020年初,甚至装修围板上的广告照片都消失了。再过不久,舖位已变了另外一间餐厅。在差不多已经忘记了的时候,估唔到去到2020年底,「京都胜牛」终於继台北及南韩之後,落户香港,还要在铜锣湾及将军澳连开两间分店。将军澳分店由原计划的东港城迁移至近一两年已成为将军澳的美食集中地 Monterey Place 。去到时已经有10几人在排队,旁边是台湾过江龙「段纯贞牛肉面」,同铜锣湾分店的安排一模一样。原来两间餐厅同样由香港某餐饮集团以合作形式引入,唔怪得打孖拍住上。典型日式餐厅布局,门口橱窗摆满了仿真度极高的食物模型,将餐牌上的各款美食呈现出来,对懒得睇餐牌的人有很大帮助。室内设计简约,一望落去已经知道系日式餐厅。以浅色木材为主要装修材料,墙上又装裱了充满东瀛风情的装饰品及图案挂画。餐牌内的选择很多,除了主打的吉列牛之外,亦有吉列猪扒、吉列虾、吉列蚝,甚至吉列三文鱼柳!估唔到竟然还有大吟酿,但日本酒似乎同吉列猪扒唔系好合衬?「京都胜牛」创业历史很短,第一间店於2014年才在京都駅前开业,但短短几年,分店已经遍布全国主要城市。虽然分店数量同其他大型连锁餐厅集团比较仍然有一段距离,但业务发展已经非常迅速。烹调技术有精准要求:面衣用日本产面粉、鸡蛋及面包糠配制;彻底沾满整块牛扒後,再用190度的高温热油,快炸60秒将面衣炸至酥脆金黄,内里则维持着3成熟的牛扒最佳鲜嫩熟度。另外一个卖点系搭配上7种不同的调料创造出独特个人化吃法,其中以「元祖炸牛排」沾裹温泉蛋的浓郁滋味最具人气!每份套餐都包括无限添加的味噌汤、椰菜丝沙律及麦饭。第一次帮衬一定要拣元祖炸牛扒套餐($158)试吓最基本的味道。看到眼前这份外皮炸得酥脆,里面却是刚刚好3成熟、粉嫩无比的牛扒,足以令人垂涎三尺,不得不惊叹日本人对於油炸温度与时间掌控的准绳度,甚至可以控制海外分店的质素也要跟足日本店的要求。享用之前当然要睇睇指令説明,原来每种酱汁 / 调料各有特色。随定食奉上只有5种牛カツ酱汁 / 调料:绿芥末、咖喱酱、招牌牛扒酱、鲣鱼和风露及新口味山椒盐;七味唐辛子及玫瑰盐则放在餐桌上;至於日式温泉蛋($15)就要额外加钱 ⋯⋯ 原来总共有8种牛カツ酱汁 / 调料。至於椰菜丝沙律就有胡麻酱及和风沙律酱(即是日式柚子沙律醋)两种典型配搭,同吉列猪扒店一样。招牌牛扒酱以 Worcestershire sauce(喼汁)为底,加入芝麻蓉及蔬菜熬煮,增添香气以及清甜,味道独特。鲣鱼和风露颜色金黄透明,味道混合了咸香鲜。元祖牛カツ套餐选用翼板牛(Chuck flap),油花均匀,肉质口感有弹性、亦有少少嚼劲;入口表面香脆,咬落牛味浓郁。嚐过3成熟的牛肉鲜味後,可以将牛排放在小酒精烤炉上,煎牛扒之前先利用沙漏睇时间,预热烤炉 1分钟。每边加热几秒,刚刚好煎到外脆内软的五成熟口感。牛扒变得热辣辣,多了肉香;油脂受热溶化渗出,牛香更加明显 ⋯⋯ 又是另一番滋味的吉列牛扒!餐牌推介三款较为贵价的吉列和牛。本来想叫每日限定嘅特选日本黑毛和牛西冷($348),但今日已经售罄,而鹿儿岛A4 黑毛和牛西冷($438)又唔系好抵食。退而求其次,只好拣极上和牛M9牛腰脊套餐($285),喺分级方法,就知道系澳洲和牛。再一次要佩服厨房出品质素的稳定,澳洲 M9和牛腰脊同样是外皮炸得酥脆,里面却是刚刚好3成熟、粉嫩无比的牛扒。有比较之下,澳洲 M9和牛明显较元祖炸牛扒套餐的美国翼板牛更多油花、牛味更香浓、肉质更松软。就算未食,肉眼都可以分辨出两者的脂肪分布及肉质纹理有所不同。用烤炉稍稍煎香牛扒,蘸一点咖喱汁。日式咖喱独特的、带有蔬菜清甜的香辣,估唔到与吉列牛扒也相当配搭。剩下来的咖喱酱用来捞麦饭也相当好味道,就似是食紧日式咖喱。加了日式温泉蛋($15)。一如推介的人气品嚐方法,牛扒沾裹温泉蛋果然滋味浓郁,牛香加上蛋香,美味无穷,食完一件马上要食第二件!剩下来的温泉蛋又可以用来捞麦饭!还拣了一个儿童餐($88),包括薯条、炸鸡、忌廉蟹饼、北海道忌廉泡芙及果汁一杯。忌廉蟹饼及北海道忌廉泡芙味道相当好,拍得住吉列牛扒的质素;炸鸡就令人失望。以为日式料理的炸鸡质素一定有返咁上下,点知原来唔系炸鸡件,只系类似麦当劳质素的麦乐鸡 ⋯⋯ 对比其他出品,可以用难食去形容。吉列牛扒的确好味道,同吉列猪扒比较又是另一番滋味;两者各有各的美味。唯一美中不足就是一如其他日本过江龙餐厅,香港分店的价钱比起日本店贵40至50%,觉得有点被骗、唔抵食。 继续阅读
(以上食记乃用户个人意见 , 并不代表OpenRice之观点。)
等级4 2021-06-11
409 浏览
由於疫情既关系,已经好耐无去日本,於是搵左间日本餐厅食晚餐,见到呢间系日本过江龙,自己亦都响日本食过,好怀念日本既味道😋🌟 鹿儿岛A4黑毛和牛西冷 ($438)黑毛和牛系我至爱嘅美食,加上咁耐无去日本🇯🇵,仲要限量供应,於是叫左呢个餐😋😋A4黑毛和牛果然无令我失望,佢外层吉列炸得香脆,但牛肉唔会太熟,而且好浓好浓和牛既牛肉味,肉质软熟,好香和牛既香味😋😋🌟 京都胜牛三味套餐 ($228)呢个餐有3种唔同牛既部位可试,有翼坂牛,菲力牛,酱味薄牛😋😋翼坂牛系比其他部分大块少少,牛味浓郁,有咬口😋菲力牛呢个部位系细块少少,但肉质软熟,牛味同样浓郁😋酱味薄牛比较特别,系一大块咁试碟,系薄切,亦都有调味过,调味岩岩好,能够带出牛既鲜味,牛味一样浓郁😋🌟 蓝柑荔枝特饮 x 芒果奇异果特饮 ($36 & $36)蓝柑荔枝特饮既颜色好特别,荔枝角味重,有粒粒既果肉,又唔会太甜,加上用梳打水调出黎,有气既特饮,饮落特别开胃😋芒果奇异果特饮,酸酸甜甜,芒果🥭味香浓,加上奇异果🥝既酸味,味道好夹,必点😋 继续阅读
(以上食记乃用户个人意见 , 并不代表OpenRice之观点。)
等级4 2021-06-05
1388 浏览
最近同屋企人黎左将军澳新开嘅京都胜牛😍本身之前系已经好想去日本食吉列牛,但系疫情关系都去唔到,知道香港有得食,紧系去食下先😋餐厅装修都好靓,坐位又宽躺,天花有唔少灯笼挂饰,仲有有靓嘅壁画🥰👍🏻可以打下卡🤩餐点方面都有几款牛可以拣🤤除咗牛都有吉列猪,同天妇罗🍤丼饭😍🌸京都胜牛三味套餐E个套餐入面有3款牛🐮菲力牛,口感比较似牛柳嘅质感。翼板牛肉味就比较浓陏。酱味簿牛,这个牛系用左特色酱汁腌左再煮🤩几款牛都系有脆脆嘅吉列外皮包住,口感比平时食牛再上一层🥰🌸鹿儿岛A4黑毛和牛西冷 黎到食吉列牛,紧系要试下佢地嘅和牛喇😋上到枱觉得都几大份,簿簿嘅吉列外皮包住入面嫩嫩嘅和牛,油花分布平均👍🏻强力建议叫e个套餐,可以叫店员比炉具,煎一煎,热辣辣配埋白饭一流🤤🤤🤤仲有温泉蛋😍2个套餐都有包左3个酱汁可以点,芥末酱油,山椒盐,招牌牛扒酱,我地觉得牛扒酱较出色🥰🌸蓝柑荔枝味有汽特饮 E杯饮品好靓,味道好似荔枝梳打😋都几消暑👍🏻👍🏻🌸日式柚子茶(热)柚子茶好香同浓😍 继续阅读
(以上食记乃用户个人意见 , 并不代表OpenRice之观点。)
落咗几日雨,今日终於晴天啦,於是又嚟咗将军澳海旁发掘下新野食,见到MONTEREY Place地下一层有间日本餐厅——京都胜牛,入去叹咗个满足嘅lunch😎 今日叫咗2款主食,两个都超正啊😍京都胜牛三味套餐 ($228)- 翼板牛、菲力牛同薄片酱味牛肉trio 组合,简单爱牛肉人士嘅福音,牛肉质感好好,鲜嫩香软,个人最锺意翼板牛,肉质软熟,但都有咬口,滋味无极限😊- 如果觉得牛肉太生,职员仲会帮你准备自助煎pan,自己仲可以再多烧一下, 用餐经验更加正特选海产套餐 ($208)- 锺意香口炸物同埋海鲜嘅人一定唔可以错过,海产炸物超级大狗,而且配搭多元,有鳗鱼、牡蛎🦪仲有超大King size嘅虾😍,个人最锺意鳗鱼,炸粉薄身,鳗鱼保持到好鲜嫩,一啲都唔会老☺️- 同埋锺意佢提供咗好多唔同款式嘅酱汁,个人锺意他他酱,以酸甜味道为主调,更能带出海产嘅鲜味,风味倍增😚蓝柑荔枝味有汽特饮($36)- 蓝柑荔枝呢杯超靓,蓝色渐变色,每啖都好refreshing,甜度适中,仲食到荔枝肉🤩白桃蒟蒻冰茶($32)- 桃味突出,甜甜地啱晒喺炎炎夏日饮,而且甜度调校得非常好,一啲都唔会太甜,而且蒟蒻粒质感超好, Q弹Q弹,非常之有咬口,而且份量十足,非常之满足😚我呢间隐世嘅日本餐厅,内部设计好有日本风格,而且食物质素都系高水准嘅表现,有经过海旁嘅话都可以一试😄 继续阅读
(以上食记乃用户个人意见 , 并不代表OpenRice之观点。)
等级4 2021-05-29
782 浏览
-京都胜牛🍽-近排小编好钟意去将军澳搵食🤣因为开左好多新野又多商场又少好行街都舒服D😌之前系铜锣湾已经见过一直未有机会试!今次终於试到🤣-🥢特选海产套餐 $208呢个咁豪华既餐真系非常满足😍件件炸物都劲大件但放心唔系炸粉多系个食物本身都劲足料🤣特选海产有炸鳗鱼/珍宝虾/蚝😋海鲜非常新鲜咬落劲juicy又鲜甜😋沾埋佢沙律酱食一流👍仲要呢度既白饭🍚面豉汤🥣沙律🥗都系任食岩哂大胃王😉-🥢鲜嫩脆炸猪柳伴鳗鱼套餐 $148如果2个人去食可以叫唔同餐大家share😉炸猪柳个肉质非常松软😍沾埋为炸猪柳特制既酱汁味道又提升左😋个酱汁用芝麻同酸酸地既汁整成好开胃😉-🥤白桃蒟蒻冰茶 $32超爆多蒟蒻🤣白桃茶就正常唔会太甜😉-🥤芒果奇异果特饮 $36呢个好特别😂好少见到奇异果饮品🥝原来加埋芒果个味都几正唔怪😂-🌟评分:🏅🏅🏅🏅🏅地址: 将军澳唐俊街23号MONTEREY Place地下G19号舖 继续阅读
(以上食记乃用户个人意见 , 并不代表OpenRice之观点。)