京都日本料理 (已結業)

午飯時間顧客不多，所以入去試試，點咗食物，一早已經聲明趕時間希望可以快少少。落咗order15分鐘後，我追佢哋才被告知冇食材，但係已經趕時間要走, 話要cancel，然後竟然話唔俾cancel仲要大聲夾惡! 朋友出餐時間至少都20分鐘，午飯時間分秒必爭出餐時間耐，態度惡劣！食物質素亦都唔係太好，結果換來午餐時間坐咗喺餐廳度但係沒有食午飯，唔會再幫襯第二次！今時今日佢仲可以咁樣嘅服務態度，希望佢真係生存到！

本來落單時我叫的杯凍奶茶走甜少奶，來到時杯凍奶茶奶太多冇茶味，我叫她（帶眼鏡女侍應）加返啲茶膽，但加左茶膽後啲冰已經溶曬，然之後我叫左另外個女侍應加返少少冰落去，另外個女侍應攞冰俾我嗰陣時，帶眼鏡個女侍應（可能係老闆娘）話另外個女侍應好攞冰俾我，甘大間餐廳連個冰底都睇吾開，就算你哋同我講冰底要加錢我都冇所謂㗎！冇必要咁樣做，反之亦然甘樣做更加令到間鋪cheap曬！幫襯左咁耐，以後絕不會再幫襯。趕客⋯⋯她態度更是極之惡劣

星期六下晝三點左右，又同侄仔補完習，專登坐三個站入黎柴灣食京都。我同侄仔講，咪睇佢喺屋邨商場，黑咪忟咁，其實都幾好味架！。食物魚生飯蒸蛋套餐$72侄仔唔想食熱氣野，就選了魚生飯。不過原來細路仔唔食飯上面嘅醃瓜同酸薑之餘，蒸蛋都唔食。我幫佢食蒸蛋，唔係新鮮蒸好，但味道都OK，如果午市人多時間熱辣辣應該仲好味。我見佢碗湯都好似幾多料。牛肉烏冬$60我本身唔係好鍾意食烏冬，但黎親都幾乎只係食烏冬，覺得好彈Q，碗野賣相都非常開胃。一定要叫豬骨湯！跟餐都有沙律，原來兩個餐跟的沙律未必一樣。呢個餐仲跟多個手卷，材料係隨機，今次係螺肉，我比左侄仔食。另外兩個餐都跟野飲，我地叫左麥茶，唔需要另外加錢。。氣氛間餐廳真係好隨心，乜歌都播，侄仔問點解會播一堆國語歌，然後又夾一首lady gaga，我都唔識解釋。。服務每次黎都覺得侍應姐姐態度幾好，係收銀果個男人態度麻麻，可能欠缺笑容啦...。總結覺得京都好抵食，就算星期六加左一都覺得佢價錢合理。又多位同埋幾好坐。如果有甜品就好。

難得去到柴灣，去下全柴灣唯一一間的烏冬店。不過，不是食烏冬。 而是去食日式咖哩，男人個胃大d，如果衹食烏冬的話，可能要食兩三碗才足夠。 言歸正傳，咖哩豬排飯有蛋，surprise 。不過不是蛋包飯，你想多了。其實質量不錯的，如果是一碗碗 親子丼蛋蓋飯的話，是有分加的。豬排可以厚d。

聽說柴灣是美食沙漠，也有同感，除了很少特色餐廳或 cafe，日本餐廳也很少，第一次進去這間日式料理吃晚餐，都是選擇吃日式定食： ~蒜香牛柳粒飯定食(Stir-fried Garlic Beef with Rice) ~自家製豬軟骨定食配手打烏東(Homemade Pork Soft Bone with Handmade Udon) 我吃的是蒜香牛柳粒飯定食，可能需時製作，等了一陣子，但端來時色彩美觀，竟然有蟹柳和蛋絲，有點驚喜，而牛柳粒吃起來易咀嚼，一點也不韌，就連前菜中華沙律和飯也好吃，真的比我想像中美味啊 😋 這次選擇吃日式定食沒選錯呢 🍱🥢

呢度係一間平價既日本菜餐廳 ,午市定食豐富抵食,水準唔錯,可以試試壽司盛定食 包湯,沙律,12件壽司12件壽司,每款都不盡相同,三文魚,甜蝦,蟹柳,赤貝,八爪魚,玉子燒等12款口味唔會切得太薄,壽司飯亦唔會好大件,都係一口食一件魚肉新鮮度合格,夠光澤,油脂感都唔錯,入口幾香魚脂味配埋湯同沙律,男仔食12件都會覺得幾飽日本燒鯖魚 汁燒和牛 配三文魚刺身定食便當盒一開4,一格放燒魚柳,三片厚切三文魚,日式螺肉沙律,和風牛肉白飯,麵豉湯一碗汁燒牛肉,燒汁甜甜地,最岩拌飯食,三文魚厚切,件件相同厚度近1CM又肥又嫩口感嫩滑肥美, 燒鯖魚就有半件,魚皮好脆身,肉質都幾滑,仲幾重魚油味性價比高,抵食柴灣華廈街2號環翠商場地下19-20號舖消費$150

斷斷續續食左一段時間，食物質素越來越差，壽司真係不知所謂，又爛又穿窿都好意思拎出嚟，見到真係忍唔住X咗聲，另外仲點左手卷同小卷，d飯非常熱同杰，紫菜非常冧，除左叫做坐得稍為舒服，比唔到自己再去既理由

📍#京都日本料理📍Kyoto Japanese Restaurant.🇭🇰 香港柴灣華廈街2號環翠商場地下2號舖🇭🇰 Shop 2, G/F, Wan Tsui Shopping Centre, 2 Wah Ha Street, Chai Wan, HK.#柴灣 #日本菜 #MFJ柴灣 #MFJ日本菜 #ChaiWan #JapaneseFood #MFJ_ChaiWan #MFJ_JapaneseFood.人均消費: HKD150.味道: 👅👅賣相: 👀👀價格: 💰💰💰環境: 🌹🌹服務: 👨🏻👨🏻👨🏻👨🏻性價比: ⭐️⭐️回頭率: 🔆🔆.Ⓜ️#牛肉火鍋 HKD88樣子不算太吸引，但味道不過不失材料頗多，一邊煮，湯一邊跳出來😂 Ⓜ️#汁燒牛肉窩蛋飯 HKD59牛肉無想像中燒汁的惹味不過HKD59又幾抵食 👎🏻#角切魚生飯 HKD69所以魚生都好唔新鮮，有些有點霉，有些有點鯹這個沒下次 ⭐️#鹽燒鯖魚 HKD39燒得不全，皮脆肉香，不蘸汁都好味 Ⓜ️#鹽燒牛舌 HKD35牛舌比較乾身，但味道可以 ⭐️#燒雞泡魚乾 HKD53燒雞泡魚乾的確比較少出事🤣燒得香口惹味，少少帶甜的蘸沙律醬好味 Ⓜ️#雜錦天婦羅

3月2日 壽司司傅唔帶口罩，見到同waiter講，佢提他帶，佢堅持不帶。仲要同同事有講野。之後我再提出，我擔心衛生。waiter再提佢，佢都唔帶。呢個係基本 處理刺身的衛生問題，再加上肺炎的飛沫問題。決定不會再食。

呢間所謂嘅日本餐廳，大家去幫襯佢之前真係要諗諗有無其他選擇。我叫嘅係外賣速遞，佢嘅難食程度令我忍唔住再開account留個comment，首先食物質素，佢嘅壽司只係爭鮮質素，大家可以當食緊爭鮮嘅堂食，另外氣憤嘅係叫左2個壽司set 成20件壽司，佢可以淨係俾兩支魚仔型豉油，咁大間鋪咁孤寒，真係未試過食日本野食得咁唔想再幫襯同要留言提下同區食客，呢區其實有其他日本餐廳，大家行過入去幫襯之前真係要諗諗。

今日行完山後，太肚餓一坐低即刻叫左1份三文魚同吞拿魚牛肉火鍋，鰻魚飯，天婦羅～刺身無咩特別，不過不失牛肉火鍋配料好多（追加多份牛肉）～爐都好夠熱👌🏻👌🏻好食天婦羅鬆脆，唔會炸到乾爭爭👌🏻👌🏻鰻魚飯無咩特別但反而價錢令我喜出望外～食左甘多野每人都只係138蚊

短途旅程回來， 搭下午機，喺飛機度食咗飛機餐， 半飽嘅狀態之下，晚餐又唔想食得太多。所以選擇咗喺屋企附近搵食😚😚😚呢間日式食品店， 主打平價日式快餐， 幾十蚊就有一個餐㗎啦。 本來想試下堂食 ， 但係太多人排隊 ， 預計都要等半個鐘以上 ， 只好放棄轉揀外賣 ，喺門口見到佢哋嘅餐牌， 手捲都係大約20蚊一個， 都算幾抵食。最後嗌咗兩個手捲， 軟殼蟹手捲+ 炸蝦天婦羅手捲。🍱🍙手捲嘅size都算大件夾抵食， 炸蝦天婦羅 鬆脆 味道都算ok。 炸軟殼蟹嘅份量都唔少， 而且仲加埋我最鍾意嘅蟹子😋😋不過由於外賣嘅關係，紫菜已經淋咗有啲韌😂😂

風雨飄搖的日子，銷售員A和會計員M亦只能在區內覓食，嘗試在美食沙漠之中，找出僅有的綠洲。周日晚上來到位於環翠商場內的日本料理，顧客亦算多，可能大家亦被迫留在當區內。餐廳空間嘗可接受，座位亦未算太迫。壽司定食: 港式日本餐廳，水準亦不能要求太多，魚生一般，新鮮程度一般，壽司飯味道一般，湯味道一般，無法用心品嘗，只能作充飢之用途。牛肉湯烏冬: 普通水準，份量剛剛好，作為充飢用確實為正確之選擇。然而，餐廳服務員服務態度則有改善空間。銷售員回頭指數: 2分

今日午餐食咗個豬骨濃湯湯底嘅，豬軟骨湯烏冬。噉佢個豬骨湯底真係幾濃郁架，配埋啲烏冬食，真係幾正，另外佢啲豬軟骨脂肪比例相當好，咬落去好好軟身，但係又有口感。呢個餐會配埋兩件壽司，價錢56元，仲有會配埋杯嘢飲嘅。

天氣熱特別想食日本野，尤其係壽司🍣🤤帶子同甜蝦幾新鮮好味，其他亦都正常本身係烏冬，但轉左做蕎麥麵，豬骨湯底都幾濃郁，肥牛亦幾好食唔會好肥食物份量都幾大份，價錢亦算合理(蕎麥麵個餐60幾蚊跟埋野飲)，味道不過不失，有機會會再幫襯，但認同其他食評中有提過的桌子空間太小，放下盤子後便已幾乎佔用了整個桌面的空間，侍應放下餐盤時都要格外小心仲有就係餐廳只收現金，無甘方便