影片
等左半个钟嘢食都未上，就叫佢追单，哗你去10分钟之后先同我讲话漏左单，咁唔通两个钟头之后同佢讲话咁耐都未上嘢食，佢先去check单。咁都唔系最黑人憎，个职员服务态度仲要劲差，唔同佢讲有学生优惠，佢都唔知，整体体验极差，以后唔会再嚟呢间。
继续阅读
蓝湾半岛食肆不多，要揾间坐得舒服嘅呢度系不二之选，可惜人为因素唔太ok，店员每次拉车去执枱都会发出噪音，不论拉车或拉櫈，而食物方面，卖相比质素好，唔会有下次。🥢咖喱吉列豚肉丼定食 $78⭐️⭐️咖喱分开上但唔热，吉列外层炸得香脆，豚肉厚切唔韧唔鞋但无猪肉味同干身咗啲。🥢炙烧三文鱼定食 $88⭐️⭐️三文鱼煎得靓仔，但唔知点解成块鱼都好多骨，鱼肉一啲油脂都无好鞋口，蘸汁都于事无补。二人共消费：$183
继续阅读
价钱太贵 唔值 碗嘢又细 两啖食晒完全吾饱 一碗鳗鱼饭要$88仲要加服务费😅😅😅😅唔建议 d嘢食冇话特别好食…🙂🙂认为价钱低一点 会好些…有待进步空间🥲🥲😅
继续阅读
餐厅位于南湾商场，近海旁最入𠮶头。午市时段都几多人食㖞。午市嘅定食大部分都包左沙律同餐汤。今日想食鳗鱼饭，就叫咗蒲烧鳗鱼丼定食等咗五至十分钟就上餐，鳗鱼都算大块，盖晒成碗饭，底下有啲蛋丝。餐汤就系面豉汤，入面有豆卜同紫菜。嘢食嚟到，但未见沙律就追一追单，原来行到最入有系自助沙律吧，有两款沙律汁拣，仲有冻嘅白桃乌龙或者桂花乌龙任饮。想赞吓经理服务态度非常友善，见我跌咗筷子都未问佢，就自动波拎对新嘅俾我。
继续阅读
今次是第4次到京都料理食嘢，之前几次都只是为了食个景而入去，食物及服务就麻麻地。只有今次的体验令我想写吓食评。今次我因为收工早，行过门口，见窗边有位，就忍唔住行咗入去。隔咗几个月，发现换咗侍应，佢地d态度好好。今次免费生菜沙律Bar 的生菜明显比较新鲜爽甜，所以我拎咗两转。我叫咗个青瓜小卷及豚肉拉面，味道满意。不过，拉面的份量对于我个人而言唔系几够，如果佢地可以因应不同客人的需求，可以选择面量有得加少少就更好啦! 整间餐厅依家好干净，比之前更舒服。我最钟意晚餐及雨天的时候，间嘢d透亮的影照在玻璃上，与窗外的杨柳及细叶榕，还有食客及侍应的影子等交叠而形成诗意的景象。以后如果我准时收工，会多d 帮趁这一间。
继续阅读