京滬坊

营业中

休息中

在爸爸樓下等候，短暫會合他，接過他的禮物後，便在他附近的店舖吃東西。 結果到了京滬坊吃晚飯醉雞湯麵，$50食評：雞肉鮮嫩可口，花雕酒夠香濃，雞件數量多。湯麵加上榨菜，使湯底的味道多層次。整體：不錯，如果再到紅磡，又想吃得簡單但又好味，可以考慮此店。環境方面，地方雖淺窄，然而算是整潔。

Blingbling美食推介✨📍紅磡🍜京滬坊正正街坊高性價比上海菜！💠💠💠💠💠💠💠💠同屋企人黎開紅磡通常都會食呢間！小小既上海菜館外賣不段，而且食飯時間都成日要排隊！價錢好親民，但食物質素高，而且仲有滿滿人情味，如果食唔曬一份，可以問下老闆可唔可以要半份~既唔洗浪費，又可以試下唔同既菜式~💠手拍涼拌黃瓜 $30💠紅油抄手 (6隻) $40💠鹽水鴨 (半分例牌) $59💠花雕醉鷄 (例牌) $82💠排骨擔擔麵 $60💠麻婆豆腐 $68💠豆沙鍋餅 $50💠熱豆漿 $8💠雷沙湯丸 (送 甜品)餐廳環境：🩵🩵🩵🩵/5 服務質素：🌸🌸🌸🌸/5食物味道：😋😋😋😋😋/5 性價比：💰💰💰💰💰/5京滬坊 (紅磡)📍 紅磡湖光街1-7號聯成大廈鴻運閣地下12號舖#blingbling推介 #blingbling美食 #blingbling上海菜 #blingbling紅磡 #紅磡美食

前幾日去左紅磡搵食🤤點知突然落大雨😢諗住是但搵一間避雨同食飯，竟然搵到間唔錯小店❤️落單姐姐好nice雞絲粉皮（$50）份量好多😆完全唔係係小食，覺得細食嘅女仔應該都會食得飽。雞絲同醬份量都唔少，強烈建議撈好先食，唔係就會覺得醬多嘅地方有啲鹹🤣紅油抄手（$40）推薦叫呢個😆佢可以揀辣度，本身唔太食得辣嘅我就揀左bb辣🤣個人覺得可以再辣啲，個汁嘅味道會再出啲。小女冇研究抄手要用雲吞定其他餃子先係正宗啦～但係雲吞料多有汁😋上枱果時係熱辣辣，覺得好好食。小籠包（$35@3/$45@4）本身冇諗住叫佢嘅🤣但係落單姐姐強烈推薦又話可以叫一人一粒，所以就叫左兩粒試吓。姐姐話呢啲小籠包係自己整嘅。個小籠包皮薄又多汁😆😆係我鐘意嘅口感，姐姐冇介紹錯👍🏻糖醋排骨擔擔麵（$63）佢哋有個招牌排骨擔擔麵，兩者相差$3啫。姐姐好老實話兩者其實差唔多，係糖醋果款會多左糖醋汁係排骨上面，我哋問可唔可以另上🤣姐姐好nice話可以😆擔擔麵都可以揀辣度架，小女呢碗唔辣嘅，同行朋友覺得有啲辣會再野味啲🤫排骨方面，炸得鬆脆有汁唔乾身👍🏻但係個汁覺得水左少少，同埋酸味重左啲。 小女再揀可能齋叫招牌就ok👍🏻今餐食咁多仲叫左豆漿

紅磡是一個上海菜的集中戰區🍴從以前有上海真真和滿堂樂等米芝蓮名店🌟有集團店如王家沙等，亦有小店京滬坊和飽餅店等，水準當然有所高低，今次這家算有人情味的小店😚6點左右入店，店員可以照樣奉送豆漿或汽水給我😍翻看一下後全是平實上海菜就點了一份醉雞擔擔麵，醉雞帶有淡淡酒香，肉質尚可，未算老柴🐔咬開仍有絲絲雞肉，皮下油脂的香味亦有，擔擔麵濃香十足，麵質細且偏軟身🍜但頗為掛汁，總結而言是街坊認可的小店，下次再來嚐嚐其他

小籠包 3隻貼晒多肉汁都算係正正常常的但吾太特別佢仲有一籠4隻的⭐鍋貼4隻睇落係係自家包的皮有點厚肉質夠晒甜豆沙鍋餅皮太厚餡料吾夠豆沙吾似自己造的熱豆漿明明叫熱但黎左杯暖的🙈

喺這家店食，係一場舌尖上嘅盛宴！🥟🍜🥢 先嚟耷個小籠包，一口咬落去，湯汁四溢，一啖肉鮮，包包都唔會爛，真係有「筋」。然後擔擔麵啦，呢個就正！面條Q彈得嚟又夠哂味，麻酱味夠哂勁，啖啖肉碎，完美地撈埋面條，真係惹味喎！🤤食完面，叫咗個紅油抄手，辣油香氣撲鼻，味道得嚟唔會蓋過肉鮮，微麻辣得嚟調味啱啱好，食完仲流哂口水。再來嗰碟雞絲粉皮，清口爽滑，簡直清新得來又解膩，賣相又靚仔。真係滋味無窮，下一次仲要試下生煎包同年糕啦！😍呢度嘅食物真係有心機，質樸無華，不過分每一樣都係得意，令人食完仲想再食！店家嘅手勢仔細，服務都好貼心，食得咁舒服，真係值得推介！

嘩！真係要同大家講下，這家店嘅小籠包，咬落去嘅時候啖啖肉汁四溢💦，皮薄湯多，咁滑咁韌，夾起嚟心都戚戚然，怕佢一個不小心就爆晒，但係呢度嘅手藝真係杠上，穩陣！加少少黑醋，味道即刻提升成個LEVEL！跟住就係酸辣湯年糕，佢哋材料真係滿滿噉嚟，一啖可能啖到冬菇木耳，一啖可能啖到豆腐肉絲，食落去又酸又辣又暖笠笠，年糕又Q又軟，食到最後粒粒分明，冇得輸！雞絲粉皮就算涼咗都一樣香口，雞絲滑嫩，粉皮QQ，加埋啲麻醬同青瓜條，呢個口感同埋層次，食得我個面都開花咗😁。出面熱到癲，行過去見到佢哋咁涼快，諗低一定要入去坐坐，今次食完真係冇失望，滿足晒！下次一定仲要返嚟探下有冇更多嘅好嘢等緊我😍。

垃圾中嘅垃圾, menu 上辣度有小,中, 大辣, 我叫咗個口水雞擔擔麵 小辣, 上到黎, 個雞無咩肉, 個樣勁唔開胃, 又辣到傻, 我平時食開三哥小辣, 諗住呢到食小辣就差唔多啦. 個店員同我講你做咩唔叫bb辣... 心諗 你menu 上面邊有bb辣揀?? 完全唔建議去食, 食隔離台灣野好過。

今次去嗰間小店，外表普普通通，但入到去食，真係一個驚喜🎉！首先試咗佢哋嘅招牌擔擔麵，嘩，個湯底麻香濃郁得滯，辣得黎唔會攞命，啱哂愛辣又驚辣嘅我。面條Q彈得嚟又唔會糊化，正！花生嘅香脆加埋面湯嘅麻辣，食一口真係過癮到喊出嚟。再嚟係串燒，炭香味十足🔥，肉質鮮嫩多汁，一啖啖嘅肉塊食落去又香又滑，令人回味無窮。臨走前又不禁叫咗碟炸醬面，醬料得意勁，齊齐唔係滿口油膩，反而係咁滋味咁惹味，真係食到最後一根面都唔捨得放。整體嚟講，呢間小店食物價格親民，但味道同享受卻一啲都唔平民，真係隱世美食寶藏👑！下次行過呢度，我一定會再入嚟打個飽！嗰啲麻香麻香嘅擔擔麵味道，諗起都仲想再食！

響紅磡呢頭買完野，經過附近見到間細細地嘅上海小店，就入去試下佢地嘅招牌排骨擔擔麵同小籠包，佢地嘅擔擔麵同舊式唔同，佢地係比較多湯，花生醬味都幾濃，而辣度方面就建議食小辣先，因為佢地嘅辣椒比出面嘅辣啲，而最令我最驚喜係佢地嘅招牌小籠包👍🏻👍🏻呢間店嘅小籠包可話算得上我食過咁多間嘅頭三甲，皮薄多汁，肉味都幾鮮甜，值得一試。價錢方面就中規中矩啦，服務員嘅態度都唔錯，下次會再嚟試下回鍋肉同上海炒粗面。

我喺附近返工 諗住買少少咩野鹹水鴨返去同老婆食氹佢開心去到諗住買例牌 都唔知$108定$118 個呀嬸仲話差少少錢啫 買半隻啦 $188我自己都有少少驚例牌唔夠食 唔緊要 就買半隻跟住佢地個員工就喺雪櫃拎隻真空包裝嘅鴨出黎 十足十係街外零售有得賣咁嘅 都算啦個呀嬸話送豆漿 即刻俾杯我飲 我ok佢夠膽死喺收銀檯面即刻拎唯一一杯出黎而唔係即刻倒俾我 好似係佢地啲員工倒左喺度唔想飲就擺喺度睇下有邊個客要就拎俾佢 嘩大佬我點知你呢杯所謂豆漿有啲咩喺入面 勁核突完全扣哂分好快佢就整完俾我外賣拎走 勁細盒 個盒係我手掌咁長 仲話半隻 返到去倒出黎睇 有原個鴨頭 一大條頸 仲有籮柚 真係有肉食到嘅 十舊都冇呢間野真係大癲 各位有良知嘅千其唔好幫襯 未親身經歷過一間咁垃圾嘅食店 各位 千其千其千其 唔好幫襯！

紅磡區唔多上海菜，想食個菜飯都難雖然見呢間OpenRice評語唔係咁好，不過都試吓有多款湯麵、擔擔麵、菜飯、小食選擇，感覺幾正宗▶️ 醉雞菜飯 ($58)二話不說點咗呢個終於食到我想食嘅菜飯，今次呢個似模似樣白飯之中混合小棠菜🥬米飯本身粒粒分明兼飽滿似日本米🍚小棠菜口感爽脆，食落帶微微鹹味，滿意！醉雞本身調味做得唔錯，食到花雕酒味而唔會太重，可惜雞肉相對少肉，大部份都係骨同皮🤥食得冇咁盡興另外如果落埋杞子會好食啲▶️ 排骨擔擔麵 ($60)擔擔面望落唔錯，食到香濃嘅花生味，入面仲有原粒花生🥜可以選辣度，個人覺得少辣已經夠🙈麵質偏幼身，質感OK，唔過淋排骨望落就麻麻哋，超級薄身冇乜肉😅▶️ 凍豆漿每個主食都包豆漿或汽水預設甜度 (店主聲稱係少甜😆)，亦冇得叫熱飲落的確唔係好甜👍🏻而且香黃豆味，明顯係自製，幾解渴-味道唔錯，起碼似返上海菜 (唔似上次中環食嗰個’菜飯’)不過肉類孤寒咗少少，全部都冇乜肉舖頭偏細，大概只能容納14食客，枱與枱之間亦相對接近服務幾有人情味 (有食客話趕時間，店主即刻幫佢整上海粗炒)上菜超快，落完單3分鐘就到，因而唔少人買外賣🥡性價比ok，飯份量啱啱好，夠飽證明有時要自

份量少又唔好味 年糕用韓國年糕 無言豬肉鞋到咬唔開本身見冇乜胃口食啲粉面食多兩啖胃口都埋見佢係到咁耐應該有啲水準真係失望 本身諗住去食威風百面冇開先食呢間真係黑仔的一天

想食上海野做early dinner，我就喺openrice搵間冇落場嘅餐廳，得呢一間上海野係仲開緊，評分唔係太差就試試佢。講到糖醋豬扒，大家腦海入面應該都係「掛哂汁、酸酸甜甜、白飯小偷」🤤呢間餐廳比嘅糖醋豬扒係「豬扒、好稀嘅黑醋」，個糖醋汁同豬扒毫無關係，佢擺上黎嗰下我都即刻呆左😦 Sorry佢係醋汁，連糖都稱唔上🌚 比多幾蚊嗌糖醋，你就咁淋啲醋落去就算，根本同就咁豬扒冇分別💩 而小籠包就一啲湯都冇，唔係穿窿漏哂，係真係冇湯🌚 總結: 浪費金錢&卡路里&一餐飯嘅quota，早知食隔離嗰間台灣野（有早知冇乞衣🥲）

最近成日喺紅磡幫襯嘅舖頭！係一間主打上海菜嘅小店，店員都十分親切友善，充滿人情味嘅舖頭🥰 回頭過勁多次～環境舒適之餘食物質素都高質。由於成日幫襯食過太多樣嘢🤣等我逐一介紹下💗-🥇《招牌小籠包》$30@3隻(配有醋汁)呢間店舖嘅小籠包、餃子、雲吞都係師傅全人手包😍皮薄又多餡，薄得嚟夾起又唔會話好易穿！🤓一咬開勁多湯汁，有肉餡嘅鮮甜味～一定要記得趁熱食😋🥈《上海炒粗麵》$63呢一款菜式係我最愛食嘅😋炒得勁香，而且真係勁足料！粗麵條好有口感，有椰菜絲、豬肉、冬菇等材料，味道唔會過鹹過淡，好夠味好香💗🥉《酸辣湯》$30又係我勁鍾意食嘅😋睇落似碗仔翅d fd🤣又係勁足料，有筍、冬菇、肉絲、蛋花、木耳、豆腐等。上面加咗啲蔥花～另外本身呢碗酸辣湯會有啲辣椒油加喺面，如果唔想食太辣可以嗌走辣椒油～呢碗酸辣湯酸辣度啱啱好，唔太食得辣嘅我都接受到🥰(個人唔太食得辣但又好鍾意食辣XD)。酸辣湯好開胃～嗌一碗已經夠飽肚！🎖《排骨擔擔麵》$55食上海菜必試擔擔麵！麵質幼而有咬口，煮得啱啱好，湯底係好濃郁嘅花生醬味，嗌咗走辣！份量都好足夠。另外都好鍾意食佢哋嘅排骨！除咗排骨擔擔麵仲有排骨炒粗麵都係勁好食！🏅《獅子